Setshwaniso sa babereki tjhemong ya ditereba
20
Mmusho wa legedimo wo tshwana le mong wa tjhemo ye a phuweleng go ya go hira ba go bereka tjhemong yage ya ditereba.
2 A kwana nabo gore wo nyoko ba patela mogolo wa letjatji wa nako yonone,
a ba romela tjhemong go ya go berekeng.
3 Ka nako ya senyane ka boshego a tjwa a ya mmarakeng a bona batho ba bangwana ba yemme ba sa make selo.
4 A ba botsa a re:
“Le lune ariyeng le bereke tjhemong yaka ya ditereba ke nyoko le patela so se le tshwaneleng.
5 Ke moka ba ya ba bereka tjhemong yage.
A tjwa fote ka nako ya lesomepedi le ka nako ya boraro motshegare a maka tsetsela a di makiyeng.
6 Ka nako ya botlhano ka malobana a le metjing fote a bona ba bangwana ba go tlala ba sa yemme.
A ba botsisa a re:
“Nka taba la ying le yemme letjatji ka moka le sa bereke lehono?
7 Ba mo fetola ba re:
“Ke ka gore a go na ye a re hiriyeng.
A re ga bona:
“Le lune ariyeneng le bereke tjhemong yaka ya ditereba.
8 Ho yeshele yele ka malobana mong wa tjhemo a bitsa molawola babereki a re:
“Bitsa babereki wo ba patele,
wo thoma ka bo ba hiriwuweng mafelelong ke moka wo tle ga bo go hiriwa mathomong.
9 Babereki bo ba hiriwuweng mafelelong ba tla,
ye mongwana le ye mongwana a yamogela mogolo wa letjatji.
10 Ho go tla bala ba go hiriwa maPthomong,
ba nagana gore ba nyoko keraya mogolo wa go feta wa bala.
Mara le bona ba yamogela mogolo wa letjatji.
11 Ho ba yamogele mogolo wa bona,
ba thoma go kokola ga mong wa tjhemo.
12 Ba re:
“Batho bo ba hiriwuwe mafelelong ba berekiye iri ka yiyoshi hela mara wo ba patele go lekana le rune bo re berekiyeng letjatji ka moka go fisa.’
13 Mara mong wa tjhemo a fetola ye mongwana wa bona a re:
“Mmata,
a ke ya le ropa,
naa a re ya kwana ka mogolo wa letjatji?
14 Tseya mogolo wago wo sepele,
ke nyaka go golela monna ye ke mo hiriyeng mafelelong go tshwana le ka mokgwa wo ke go pateleng ka gona.
15 Naa,
a ke na tokelo ya go maka so ke se nyakang ka tjheleta yaka?
Ke la wona le lehufa la ho ke fa ba bangwana?
16 Mara ba mafelelo ye nyokoba ba mathomo.
Ba mathomo ye nyoko ba ba mafelelo.
Jesu wo wutulla tsa lehu lage fote
17 Byalo ho Jesu a rotogela Jerusalema,
wo tsere barutiwa bage ba lesomepedi a ya nabo ka thoko a ba botsa a re:
18 “Re rotogela Jerusalema,
Morwayi wa Motho wo nyoko rekisiwa ga baprisita ba bagolo le ga baruti ba molawo.
Ba nyoko mo yatlholela lehu.
19 Ba nyoko mo gafela ga Baditjhaba gore ba mo kwere,
ba mo teye,
le go mmapola.
Ka letjatji la boraro wo nyoko tsoga bahung a phela.
Mmane wa barwayi ba wo ba kgopelela madulo
20 Ke moka mmane wa barwayi ba Sebediya a tla ga Jesu a na le barwayi bage,
a kgotama ka matolo fase go na le so a nyakang go se kgopela.
21 Jesu a mmotsisa a re:
“Ke ying so wo se kgopelang?”
Mosadi a re:
“Maka gore barwayi bo baka ka babedi ye mongwana a dule ka thoko ga letsogo lago la setsogotsogo ye mongwana a be ka thoko ga letsogo la sepata mmushong wago.”
22 Jesu a re:
“A le tjibi so le se kgopelang.
Naa,
le ka kgona go nwa ka komitji ye ke yang go nwa ka yona?
Ba fetola ba re:
“Re ka kgona”
23 Jesu a re ga bona:
“Ke nnete le nyoko nwa go tjwa komitjing yaka,
mara go dula ka letsogong laka la setsogotsogo kela la sepata a ye nna ye nka le neyang.
Madulo wone ke ya bo ba lokiseleng ke Papa waka wa legedimong.
24 Ho bala ba lesome ba kwele,
ba kgwopisega ka baka la kgopelo ya barwayi ba Sebediya.
25 Jesu a bitsa barutiwa bage a re:
“Le ya tjiba gore babushi ba Baditjhaba ba busha batho ba bona ka go ba gatelela,
ho ye le bakgomana ba bona le bona ba gatelela bo baleng ka tlase ga bona.
26 Go sa be ka mokgwa wone ho ga lune.
Mara ye a nyakang go ba ye mogolo gare ga lune,
wo tshwanele ke go ba motlhanka wa lune,
27 le ye a nyakang go ba wa mathomo wo tshwanele ke go ba lekgoba la lune.
28 Go tshwana le ho Morwayi wa Motho a sa tlela go tlhankediwa mara go tlhankela le go neyela bophelo byage byalo ka molopolodi wa ba go tlala.
Jesu wo fodisa banna ba difofu
29 Yitse ho Jesu le barutiwa bage ba tloga Jeriko,
leshaba le legolo la mo latela.
30 Banna ka babedi ba difofu ke ho ba dule ka thoko ga tsela,
ho ba yekwa gore Jesu wa feta,
ba gowelela ba re:
“Morena,
Morwayi wa Dafida re gawogele!”
31 Leshaba la ba kgalema la re ba homolele mara bona ba gowelela le go feta ba re:
“Morena,
Morwayi wa Dafida re gawogele!”
32 Jesu a yema a ba bitsa a ba botsisa a re:
“Le nyaka ke le makele ying?”
33 Ba fetola ba re:
“Morena,
re nyaka go bona.”
34 Jesu a ba kwela go baba a ba kgwata matlho.
Ka go yakgoswa ba bona,
ba latela Jesu.