Tlhalo
19
Ho Jesu a fetsiye go bolabola dilo tso,
a tloga Galeliya a ya tikologong ya Juda go tshelela mosekola wa noka ya Jordane.
2 Mashaba ya go tlala a mo latela,
a fodisa ka moka bo ke ho ba lwala.
3 Bafaraseyi ba bangwana ba tla ga Jesu go mo leketsa.
Ba mmotsisa ba re:
“Naa go molawong ho monna a tlhala mosadi wage ho a na le lebaka la go mo tlhala”?
4 Jesu a fetola a re:
“Naa a le ya bala gore le mathomong Modimo wo makiye monna le mosadi,
5 ka lebaka lo lone monna wo nyoko shiya papage le mmane wage a tlemagana le mosadi wage,
ke moka ka babedi ga bona ye nyokoba nama ka yiyoshi.
6 Ka gona a ye sa le ka babedi mara ka woweshi.
Tso Modimo a di tlhakanyisiyeng go sa be le motho ye a di yarolanyang.
7 Ba mmotsisa ba re:
“Ke ying taba Moshe a layele monna gore a fe mosadi wage lengwalo la tlhalo a mo rake?”
8 Jesu a fetola a re:
“Moshe wo le dumelele go tlhala basadi ba lune ka taba la go thatafa ga dipelo tsa lune.
Mara ke ho go se ka mokgwa wone mathomong.
9 Ke le botsa gore ye mongwana le ye mongwana ye a tlhalang mosadi wage ye se ka taba la ho a sa tshepega lenyalong,
a nyala ye mongwana mosadi,
wo maka bowotswa.”
10 Barutiwa ba Jesu ba re “Ho go le ka mokgwa wo gare ga monna le mosadi gona go kawone go sa nyale.”
11 Jesu a fetola a re:
“A ye ka moka bo ba ka yamogelang lentsu lo,
mara ho yese go thusha ke Modimo.
12 Ka gore ba bangwana ba makiwe dikgope ka ho ba belegiwe ka mokgwa wone,
ba bangwana ba makiye ke batho go ba dikgope,
ba bangwana ba kgetiye go sa nyale ka taba la mmusho wa legedimo.
Ye a kgonang go yamogela tso a di yamogele.
Jesu le bana ba banyana
13 Ke moka ba tlisa bana ga Jesu gore a ba beye diyatla a ba rapelele.
Mara barutiwa bage ba thibela bo ba tlisang bana.
14 Jesu a re:
“Lesang bana ba tle gaka,
le sa ba thibeleng,
ka gore mmusho wa legedimo ke wa bona.”
15 Ho a ba beyiye diyatla a tloga.
Lesogana la mohumi
16 Byalo go tlile monna ga Jesu a mmotsisa a re:
“Moruti,
ke make ying se se butji gore ke be le bophelo byo bo sa feleng?”
17 Jesu a fetola a re:
“Ke ying taba wo mpotsisa ka go maka se se butji?
Go na le wa go loka ka woweshi.
Ho wo nyaka go kena bophelong byo bo sa feleng wobamela melawo.”
18 Monna a fetola a re:
“Ke yefe melawo ya gona?
Jesu a re:
“Wo sa bolaye,
wo sa wotswe,
wo sa yetswe,
wo sa bolabole botlhatse bya matsaka.
19 Tlhompa papago le mmane wago,
wo rate moyagelane wago byalo ka ho wo terata.”
20 Lesogana la fetola la re:
“Ka moka tsone ke di makiye,
ke sa tlhayela ying byalo?
21 Jesu a re:
“Ho wo nyaka go loka,
a riye wo rekise,
tso wo nang natso ka moka wo fe ba go tlhoka wo nyokoba le lehumo legedimong ke moka wo tle wo nlatele.”
22 Ho lesogana le kwele tso la tloga le nyamme,
ka ho le be le humme ka maatla.
23 Ke moka Jesu a re ga barutiwa bage:
“Ke le botsa nnete,
gwa thatafa ga mohumi go kena mmushong wa legedimo.
24 Fote ke le botsa nnete,
kamela ye ka sa tlhopege go kena ka leshoba la neleta go na le gore mohumi a kene mmushong wa Modimo.
25 Ho barutiwa bage ba kwele tso,
ba makala ka matla ba botsisa ba re:
“Ke mang ye a ka phologang?”
26 Jesu a ba lebelela a re:
“Ga batho tso di ka sa kgonege mara ga Modimo dilo ka moka di ya kgonega.”
27 Peterose a mo fetola a re:
“Re shiye dilo ka moka ra go latela!
Sa rune ye nyokoba ying?
28 Jesu a fetola a re:
“Ke le botsa nnete,
ho go tsosolosiwa dilo ka moka,
Morwayi wa Motho a dula setulong sage sa letago,
lune le llateleng le nyoko dula ditulong tse lesomepedi la yatlholela meloko ye lesomepedi ya Israyele.
29 Ye mongwana le ye mongwana ye a shiyeng dintlo,
kela bo bhute kela dikgayetjedi kela papa kela mmane kela bana kela mashemo ka taba laka wo nyoko yamogela ga lekgolo go fetisa le gona wo nyoko yamogela bophelo byo bo sa feleng.
30 Mara ba go tlala bo yeleng ba mathomo ye nyokoba ba mafelelo,
bo yeleng ba mafelelo ye nyokoba ba mathomo.