Ye mogolo mmushong wa legedimo
18
Ka yona nako yone barutiwa ba Jesu ba tlile gage ba mmotsisa ba re:
“Ke mang ye mogolo mmushong wa legedimo?
2 Jesu a bitsa ngwana ye monyana a mo yemisa gare ga bona.
3 Ke moka a re:
“Ke le botsa nnete,
ho le sa fetoge la tshwana le bana le ka sa kene mmushong wa legedimo.
4 Ka gona ye a tekokobetsang go tshwana le ngwana ye,
ke ye mogolo mmushong wa legedimo.
5 Le ye a yamogelang ngwana ye ye monyana ka lebitso laka wo yamogela nna.
6 Mara ho ye mongwana a makisa ye mongwana wa bana bo ba dumelang gaka sebe,
go nyoko ba kawone ho lwala le legolo le ka tlemelediwa molaleng wage a latlhediwa bodibeng bya lewatle.
7 Madimabe lefaseng ka ho go na le dilo tsa go maka gore batho ba make sebe!
Dilo tsa mohuta wo,
di tshwanele ke go tla,
mara madimabe ga motho ye di tlang ka yene.
8 Ho letsogo lago kela loto lago le go makisa sebe,
le kope wo le latlhe,
go kawone go kena bophelong wo le mogolofadi,
go na le gore wo lathlediwe mollong wo wo sa feleng wo na le matsogo ka mabedi kela mawoto ka mabedi.
9 Ho letlho lago le go makisa sebe,
le gonye wo le latlhe.
Go kawone ho wo kena bophelong wo na le letlho ka lloshi,
go na le go latlhediwa mollong wa dihele wo na le matlho ka mabedi.
10 ‘Bonang gore a le nyatse ye mongwana wa bo ba go nyatsega.
Ke le botsa gore mangeloyi ya bona legedimong a dula a lebelele sefatlhego sa Papa legedimong.
11 Morwayi wa Motho wo tlile go pPholosa bo ba latlhegiyeng.
Setshwaniso sa nku yo ye latlhegiyeng
12 Le nagana ying?
Ho motho a na le dinku tse lekgolo,
ka yiyoshi ya latlhega,
naa,
a ka sa shiyi tse masome a senyane le senyane nageng a ya go nyaka ka yiyoshi yo ye latlhegiyeng?
13 Ho a ye kerayiye,
ke le botsa nnete,
wo nyoko djabolela yo ka yiyoshi go fetisa tse masome a senyane le senyane tso di sa kang diya latlhega.
14 Ka wona mokgwa wone Papa wa lune legedimong a a nyake ho ye mongwana wa bo ba banyana ba latlhega.
Ho ngwaneno a go senyela
15 Ho ngwaneno a go senyela,
ariye wo mo shupetse phosho yage le le ka babedi.
Ho a go theetsela wo nyokoba wo pholosiye ngwaneno.
16 Mara ho a sa go theetsele,
tseya ye mongwana le ho ye kaba ka babedi le ye fote gage,
gore taba ye nngwana le ye nngwana ye be le ditlhatse ka dipedi kela ka ditharo.
17 Ho a gana go ba theetsela,
gona botsa phutego,
ho a ka gana le go theetsela le yona phutego,
gona mo tseyeng byalo ka motho wa go sa dumele.
18 Ke le botsa nnete,
so le se tlemang ho lefaseng se nyoko tlemiwa le legedimong,
le so le se tlemollang lefaseng se nyoko tlemologa le legedimong.
19 Fote ke le botsa gore ho ka babedi ba lune ba kwana ka se sengwana le se sengwana ho lefaseng ba se kgopela,
Papa wa legedimong wo nyoko ba makela sona.
20 Ho ka babedi kela ka bararo ba kgobakanang ka lebitso laka,
ke na le bona.
Setshwaniso sa motlhanka wa go se na mogawu.
21 Ke moka Peterose a tla ga Jesu a mmotsisa a re:
“Morena,
ke lebalele ngwanesho ga kaye ho a ntshinyela,
go segela ga shupa?”
22 Jesu a fetola a re:
“Ke go botsa gore ye seng ga shupa mara go segela ga masome a shupang ho wo bala ga shupa.
23 Ka gona,
mmusho wa legedimo wo tshwana le kgoshi yo ye nyakiyeng go lebalela dikoloto tsa batlhanka ba yona.
24 Ho a thoma,
go tlisiwe monna ye a kolotang diranta tse dikete tse lesome.
25 Ka ho a shitega go patela,
kgoshi a re monna ye,
mosadi,
le bana ba rekisiwe le ka moka tso a nang natso go patela sekoloto.
26 Motlhanka a wela fase ka matolo matlhong ya kgoshi a kgopela a re:
“Wo sa nfelele pelo ke nyoko go patela ka moka.’’
27 Mong wage a mo gawogela,
a sola sekoloto,
a mo lesa a sepela.
28 Mara ho motlhanka a tlogiye matlhong ya mong wage,
a keraya ye mongwana motlhanka ye a mo kolotang diranta tse lekgolo,
a mo tshwara ka mogolo a mo tlinya a re:
“Mpatele tjheleta ye wo nkolotang yona!”
29 Motlhanka yela a wela fase ka matolo a mo kgopela a re:
“Wo sa nfelele pelo ke nyoko go patela.
30 Mara motlhanka yela a gana a ya a mo latlhela jele gore a be a patele sekoloto ka moka.
31 Ho batlhanka ba bangwana ba bonne tso di makegiyeng,
ba nyama ka maatla,
ba ya ba botsa mong wa bona ka moka tso di makegiyeng.
32 Ke moka mong wa bona a mmitsa a re:
“Wene motlhanka ye mobe,
ke go gawogele sekolotong sago ka ho wo nkgopele.
33 Naa,
ke ho wo sa tshwanela go gawogela ye mongwana go tshwana le nna ho ke go gawogele?
34 Ka go kwata mong wage a mo gafela ba go leta jele gore a tlayisiwe go segela a patela sekoloto ka moka.
35 So ke so Papa wa legedimong a nyokogo se maka ga ye mongwana le ye mongwana wa lune ho a sa lebalele ngwanabo go tjwa pelong yage.