Jesu wo fetoga sebopego
17
Ka morago ga matjatji a tshelelang,
Jesu a tseya Peterose,
Jakobose le Johanese bhute wa Jakobose a ba yisa thabeng ye telele.
2 Gona hone a fetoga sebopego matlhong ya bona.
Sefatlhego sage sa gadima byalo ka letjatji le dikobo tsage di yaba tse di tjhwewu go tshwana le seyetja.
3 Gwa napa gwa nyarela Moshe le Eliya ba bolabola le Jesu.
4 Peterose a re ga Jesu:
“Morena,
ke go gobutji ho re le ho.
Ho wo nyaka,
ke nyoko yaga mekhukhu ka meraro ka woshi ke wago,
wo mongwana ke wa Moshe wo mongwana ke wa Eliya.
5 Ho a sa bolabola,
leru la go gadima la ba khurumetsa,
lentsu la tjwa lerung la re:
“Ye ke Morwayi waka,
ye ke mo ratang,
ka yene ke ya djabola.
Mo theyetseleng!”
6 Ho barutiwa ba kwele tsone,
ba wela fase ka difatlhego ba tjhogiye,
7 mara Jesu a tla a ba kgwata a re:
“Tsogang le sa tjhabeng”
8 Ho ba lebelela gedimo ba sa bone motho ho yese Jesu hela.
9 Ho ba phologa thaba,
Jesu a ba laya tsebe go kwa a re:
“Le sa botse motho tso le di bonneng go segela ho Morwayi wa Motho a tsogiye bahung.
10 Barutiwa ba mmotsisa ba re:
“Ke ying taba batjhutisi ba molawo ba re Eliya wo tshwanele ke go tla pele?”
11 Jesu a fetola a re:
“Ke nnete Eliya wo nyoko tla go bosetsa dilo ka moka madulong ya tsona.
12 Mara ke le botsa gore Eliya wo shele a tlile,
ba sa mo lemoge,
mara ba mo makiye dilo ka moka tso ke ho ba di nyaka.
Ka yona tsela yone Morwayi wa Motho wo nyoko tlhopega diyatleng tsa bona.”
13 Ke moka barutiwa ba kwesisa gore wo bolabola le bona ka Johanese Motlungwetsi.
Go fodisiwa ga moshemanyana wa go ba le ledemone
14 Ho ba segele leshabeng,
monna ye mongwana a tjhutelela ga Jesu a kgotama matlhong yage.
15 A re:
“Morena gawogela morwayi waka!
Wo na le bolwele bya go wa wo tlhopega ka maatla.
Wo fela a wela mollong kela meetjing.
16 Ke mo tlisiye ga barutiwa bago,
mara ba shitegiye go mo fodisa.
17 Jesu a re:
“Yoo!
Moloko wa go sa dumele le wa go tlhanoga,
ke nyoko ba le lune go segela leng?
Ke nyoko le kgotlhelela ga kaye?
Tlisang moshemanyana ho gaka.
18 Jesu a kgalema ledemone,
la tjwa ga moshemanyana,
a napa a fola ka yona nako yone.
19 Ke moka barutiwa ba tla ga Jesu sephiring ba mmotsisa ba re:
“Ke ying taba rune re shitegiye go raka ledemone?
20 Jesu a fetola a re:
“Ke gore a le na tumelo.
Ke le botsa nnete,
ho le ka ba le tumelo ye nyana yago lekana le pewu ya letlhoko,
le ka botsa thaba ye la re:
‘Tloga ho,
wo ye hala,
ye nyoko tloga.
A se shiyo so se nyokogo le shita.
21 Mara mohuta wo wa moya a wo tjwe ho yese ka thapelo le go tekona.
Jesu wo wutulla tsa lehu lage fote
22 Morago ga ho ba kgobakanne Galeliya fote,
Jesu wo botsiye barutiwa bage a re:
“Morwayi wa Motho wo ya go rekisiwa diyatleng tsa manaba yage.
23 Ba ya go mmolaya,
mara ka letjatji la boraro wo nyoko tsoga bahung.”
Barutiwa bage ba nyama ka maatla.
Mothelo wa tempele
24 Ho ba segele Kaperenawume,
bathedisi ba mothelo wa tempele ba tla ga Peterose ba re:
“Naa,
moruti wa lune wa patela mothelo wa tempele?”
25 Peterose a fetola a re:
“Ee,
wa patela” Ho Peterose a kenne ka ntlong Jesu wo biye wa mathoma go bolabola a re:
“Wo nagana ying Simone,
naa magoshi a patedisa batho ba bona kela bo ba ba thupiyeng mothelo wa ditirelo?
26 Peterose a fetola a re:
“Ba patedisa bo ba tjwang ka tawong ga naga ya bona”.
Jesu a re:
“Gona ge,
go ra gore badudi ba naga a ba patele.”
27 “Mara gore re sa ba kgopisi,
ariye lewatleng wo latlhele selobo sago.
Tseya tlhapi ya mathomo ye wo nyokogo ye tanya,
wo ye bule molomo wo nyoko keraya dipeperetla ka dine tsa selibere,
di tseye wo patele mothelo waka le wago.”