Matshwawo ya nako ya bofelo
24
Ho Jesu a tloga tempeleng,
barutiwa bage ba tlile gage ba mo shupetsa meyago ya go fapana ya tempele.
2 Jesu a ba botsisa a re:
“Le ya di bona ka moka dilo tso?
Ke le botsa nnete,
a gona letlapa le ka lloshi lo le nyoko go shalang le le gedimo ga le lengwana,
letlapa le lengwana le le lengwana le nyoko latlhediwa fase.”
3 Ho Jesu a sa dule gedimo ga Thaba ya Metlhware,
barutiwa bage ba tlile gage a le ntoshi,
ba re:
“Re botse,
dilo tso di nyoko makega leng,
le gona letshwawo la go boya gago le nako ya bofelo ke lefe?”
4 Jesu a ba yaraba a re:
“Phafoganeng gore go sa be le ye a le tshokanyang.
5 Ka gore ba go tlala ba nyoko tla ka lebitso laka,
ba re:
‘Ke nna Kriste,’
ke moka ba tshokanya ba go tlala.
6 Le nyoko kwa ka dintwa le mabarebare ya dintwa,
mara le bone gore a le tjhoge.
Tsa mohuta wo di tshwanele go makega,
mara bofelo bo sa nyoko tla.
7 Ditjhaba di nyoko tsogelana matla,
le mmusho wa tsogela wo mongwana matla.
Go nyoko ba le kgwagwa le ditjhikenyego tsa lefase dinageng tsa go fapanafapana.
8 Ka moka tso ye nyoko ba ye le mathomo ya leshoko.
9 Ka moka le nyoko gafediwa gore le tlhorisiwe le go bolayiwa,
le nyoko tlhoya ke batho ka taba laka.
10 Ka nako yone ya go tlhorisiwa,
ba go tlala ba nyoko kgeloga tumelong,
ba nyoko rekisana le go tlhoyana.
11 Go nyoko nyarela baporofeta ba go tlala ba matsaka,
ba nyoko tshokanya batho ba go tlala.
12 Ka taba la go yeketsega ga bobe,
lerato la ba go tlala le nyoko fela.
13 Mara ye a yemang a tiya go segela mafelelong wo nyoko pholosiwa.
14 Taba yo ye Butji ya Mmusho Wa Modimo ye nyoko reriwa lefaseng ka moka byalo ka bopaki ditjhabeng ka moka,
ke moka bofelo bo nyoko tla.
15 Nako ye ya tla ho le nyoko bonang botlhola byo bo poyilang tempele,
byo bo bolabodiwuweng ke moporofeta Daniyele bo yemme sekgetweng,
ye a balang a kwesise.
16 Bo ba leng Juda ba tjhabele dithabeng.
17 Ye a leng gedimo ga ntlo a sa phologe a ya go tseya se sengwana ka ntlong.
18 Ye a leng mashemong a sa sologe a ye tseya kobo yage gaye.
19 Ka nako yone ba madimabe ye nyoko ba bayimana le bo ba ko bang ba yangwisa.
20 Rapelang gore go tjhaba ga lune go sa be marega kela ka Sabatha.
21 Ka gore ka nako yone,
go nyoko ba le masetlhapelo wo a sa kang a ba gona go tloga hala lefase le bang gona,
go ka sa tsogeng go ba gona fote tsa go tshwana natso.
22 Hala nkabe matjatji wone a sa pomiwa,
ke ho go ka sa phologe motho,
mara ka taba la bo ba kgetiweng ke Modimo wo nyoko poma matjatji wone.
23 Ka nako yone ho ye mongwana a re gago:
‘Bona,
Kriste ke ye!’
Kela a re:
‘Ke yela kuwa!’
Wo sa dumele.
24 Ka gore bo Kriste ba matsaka le baporofeta ba matsaka ba nyoko nyarela ba maka matshwawo le metlholo ye megolo go tshokanya le bo ba kgetiweng ho go kgonega.
25 Lemogang,
ke le botsiye pele ga nako.
26 Ho ye mongwana a go botsa gore ke yela kuwa tlhageng,
wo sa ye,
kela a go botsa gore ke ye ka ho kamareng,
wo sa dumele.
27 Go tshwana le legadima ho le gadima go tjwa botlhabela le gadimela bodikela,
Morwayi wa Motho wo nyoko tla ka wona mokgwa wone.
28 Ho go nang le setoto,
re bona ka manong.
29 Ho masetlhapelo wone a sa tjo feta,
letjatji le nyoko fifala,
ngwedi wo ka sa bonegetse,
dinanedi di nyoko wa go tjwa lefawufawung,
dibopego tsa legedimo di nyoko shikinyega.
30 Ka yona nako yone,
letshwawo la Morwayi wa Motho le nyoko nyarela lefawufawung,
ditjhaba ka moka tsa lefase di nyoko tlhonama.
Ba nyoko bona Morwayi wa Motho a tla ka maru ya lefawufawu,
ka maatla ya magolo le ka letago.
31 Wo nyoko romela mangeloyi yage ka modumo wo mogolo wa phalafala,
a nyoko kgobaketsa bo a ba kgetiyeng go tjwa mathokong ka moka a mane a lefase,
le mathokong ka moka a legedimo.
32 Byalo tjhutang go tjwa ga mogo.
Ho makale a wona a tlhoga,
le matlakala a wona a thoma go tjwa,
le ya tjiba gore selemo se thina.
33 Le ho go le byalo ho le bona ka moka tso,
le ditjibe gore go boya gage go thina,
go ho monyako.
34 Ke le botsa nnete,
moloko wo wo ka sa fete dilo tso di so ko makega.
35 Legedimo le lefase di nyoko feta,
mara mantsu yaka a ka sa tsoge a fetiye.
Letjatji le nako a di tjibiwe
36 A gona ye a tjibang letjatji kela nako,
ke ra le ho yele mangeloyi ya legedimo,
kela Morwayi wa Motho,
ke Papa hela wa legedimong a tjibang.
37 Ka mokgwa wo go biyeng ka gona nakong ya Nnowa,
go nyoko ba ka mokgwa wone go boyeng ga Morwayi wa Motho.
38 Ka matjatji wone pele ga meetjifula,
batho ke ho ba yedya fote ba yenwa,
ba nyala fote ba nyadisa,
go segela ho Nnowa a kena arekeng,
39 ke ho ba sa tjibe selo gore go nyoko makega ying,
go segela ho meetjifula a tla,
a ba tseya ka moka ga bona.
Ke ka mokgwa wo go nyoko bang ka gona go boyeng ga Morwayi wa Motho.
40 Batho ka babedi ba nyoko ba ba le tjhemong,
ye mongwana wo nyoko tseyiwa,
ye mongwana a shala.
41 Basadi ka babedi ba nyokoba ba shila lwaleng,
ye mongwana wo nyoko tseyiwa ye mongwana a shala.
42 Ka gona phafogang,
ka gore a le tjibe letjatji lo Morena wa lune a nyoko tlang ka lona.
43 Mara le kwesise so.
Hala nkabe mong wa ntlo a tjibiye nako yo lehodu le tlang ka yona boshego,
ke ho a nyoko dula a phafogiye a sa dumele lehodu le pshaya le kena ntlong.
44 Le lune dulang le lokiye ka gore Morwayi wa Motho wo nyoko tla ka nako yo le sa ye letelang.
45 Byalo ke mang motlhanka wa botlhale wa go tshepega,
ye mong wage a mmeyiyeng go ba molebeledi wa ba bangwana batlhanka ntlong yage,
gore a ba fe tsagodya ka nako ye tshwaneleng?
46 Go kaba gabutji ga motlhanka yene ho mong wage a boya a keraya a maka ka mokgwa wone.
47 Ke le botsa nnete,
wo nyoko mmeya go ba molebeledi wa dithoto tsage ka moka.
48 Mara a re tseye gore motlhanka yene ke ye mobe ke moka a tepotse a re:
‘Mong waka wo tsere nako ye telele a yiye,’
49 ke moka a thome go teya batlhanka ba bangwana,
a dye,
a nwe le matagwa.
50 Mong wage wo nyoko tla ka letjatji le nako yo a sa ye letelang gore a ka tla ka yona.
51 Wo nyoko mo tlopolanya a ba ditlopotlopo,
a mo romela tulong ya batimakisi ho go nyoko bang le go golola le go lomaganya ga meno.