Setshwaniso sa Mogashi
13
Ka lona letjatji lone Jesu wo tjwele ka ntlong a ya a dula thoko ga lewatle.
2 Leshaba le legolo la mo kgobakanela ho a yiyeng a tshwanela ke go kena sekepeng a dula ka teng ga sona,
hala batho ka moka ba yemme lebopong.
3 Ke moka a ba botsa dilo tsa go tlala ka ditshwaniso a re:
“Molemi wo tjwele a ya go gasha pewu yage.
4 Ho a kene a gasha pewu,
ye nngwana ya wela tseleng dinonyana diya tla diya ye kota diya yedya.
5 Ye nngwana ya wela lekgwareng,
ho go senang mobu wa go tlala.
Ya mela ka go yakgoswa,
ka taba la gore mobu ke ho wo sa yise fase.
6 Ke moka ho letjatji le tlhaba,
dimelana diya tjhuba ke letjatji,
diya pona ka gore ke ho di se na medu.
7 Ye nngwana pewu ya wela gare ga metlwa,
metlwa ya gola ya petegetsa dimelana.
8 Ye nngwana pewu ya wela mobung wa go nona,
ya gola ya tjweletsa diyengwa tse masome ka mararo,
tse masome ya tshelelang kela lekgolo le go fetisa ka ho ye gashewuweng ka gona.
9 Ye a nang le tsebe a kwe.”
10 Barutiwa ba tlile gage ba mmotsisa ba re:
“Ke ying taba wo bolabola le batho ka ditshwaniso?”
11 A fetola a re:
“Tjibo ya diphiri tsa mmusho wa legedimo ye neyiwe lune,
mara ye seng bona.
12 Ye a nang le selo wo nyoko fiwa tsa go tlala,
ke moka a ba le tsa go fetisa.
Ye a senang selo,
go nyoko tseyiwa le so a nang naso.
13 Ke ka taba lo ke bolabolang le bona ka ditshwaniso:
“Le ho ba bona,
ba ka sa bonisise,
le ho ba yekwa,
ba ka sa kwe kela ba kwesisa
14 Ga bona go phetagala mantsu ya moporofeta Jesaya ho a re:
Le nyoko dula le yekwa mara la sa kwesise,
le nyoko dula le bona mara la sa bonisise.
15 Ka gore dipelo tsa batho bo di thatafatsiwuwe,
a ba kgone go kwa ka ditsebe tsa bona,
le gona ba kwadiye matlho ya bona.
Hala go se ka mokgwa wone ke ho ba ko boneng ka matlho ya bona,
ba kwa ka ditsebe tsa bona,
ba kwesisa ka dipelo tsa bona ba sokologa,
ke moka ke ho nko ba fodisa.’
16 Mara go shegofele matlho ya lune ka gore a a bona,
le ditsebe tsa lune ka gore di ya kwa.
17 Ke le botsa nnete,
baporofeta ba go tlala le banna ba baloki ba nabele go bona tso le di bonang mara a ba di bona,
le go kwa tso le di kwang mara a ba di kwa.
18 “Theyetselang gore setshwaniso sa mogashi se ra gore ke ying.
19 Ho ye mongwana le ye mongwana a yekwa molayetsa ka mmusho waka ke moka a sa wo kwesise,
ye mobe wa tla ke moka a yamoga so ke ho se gashiwuwe pelong yage.
So se tshwana le pewu yo ye gashiwuweng tseleng.
20 Pewu ye ye gashiwuweng lekgwareng ye tshwana le lentsu lo le kweleng ke motho ye a le yamogelang ka lethabo.
21 Mara ka ho lentsu le sena medu pelong yage,
le ba gona pelong yage nakonyana.
Ho mathata kela ditlhoriso di tla ka taba la lentsu,
wo yakgoswa a wa a boyela morago.
22 Pewu ye ye gashiwuweng metlweng ye tshwana lentsu lo le gashiwuweng mothong ye a kwang lentsu,
mara ditshekelo tsa bophelo le go foriwa ke mahumo di petegetsang lentsu,
la sa be le diyengwa.
23 Mara pewu ye ye gashiwuweng mobung wo mo butji ye tshwana le lentsu lo le gashiwuweng mothong ye a le kweleng a le kwesisa.
Wo tjweletsa diyengwa tsa go fetisa masome ka mararo,
masome a tshelelang kela lekgolo le go fetisa ka ho ye gashiwuweng ka gona.
Setshwaniso sa ngwere
24 Jesu wo ba botsiye setshwaniso se sengwana a re:
“Mmusho wa legedimo wo tshwana le motho ye a gashiyeng pewu ye butji tjhemong yage.
25 Mara ho batho ka moka ba yetsele,
lenaba lage le tlile la gasha ngwere gare ga korong,
la tloga la sepela
26 Ho korong ye mela ye thoma go ntsha metjhaga,
ngwere le wona wa tjwelela.
27 Babereki ba mong wa tjhemo ba tlile gage ba re:
‘Morena,
gale a wa gasha pewu ye butji tjhemong yago?
Ngwere byalo wo tjwa kaye?’
28 A ba fetola a re:
‘Ke lenaba le makiyeng tso.’
Babereki ba mmotsisa ba re:
“Wo nyaka gore re ye re tomole ngwere?
29 A ba yaraba a re:
‘Awowa,
ka gore ho le tomola ngwere,
le ka tomola le korong.
30 Di leseng di gole goshi go segela nakong ya go buna.
Ka yona nako yone ke nyoko botsa babuni ka re:
‘Thomang ka go tlhawola ngwere le wo tlemeng dingata gore wo tjhubiwe,
ke moka le kgobaketse korong le ye tliseng setendeng saka.’”
Setshwaniso sa pewu ya letlhoko le komelo
31 A ba botsa setshwaniso se sengwana a re:
“Mmusho wa legedimo wo tshwana le pewu ya letlhoko,
ye motho a ye tseyang a ye gasha ka tjhemong yage.
32 Le ho yele ye nyana ga dipewu tsage ka moka,
mara ho ye mela,
yeba semela se segolo ga dimela ka moka tso di leng ka serapeng ya ba setlhare,
ho ye leng gore dinonyana tsa legedimo di ya tla diya yagela dithlaga makaleng ya sona.”
33 A ba botsa fote setshwaniso se sengwana a re:
“Mmusho wa legedimo wo tshwana le komelo yo mosadi a ye tseyang a gatlhanyisa le folawa ya go tlala yo ye bidisang folawa ka moka.”
34 Jesu wo bolabodiye dilo tso ka moka leshabeng ka ditshwaniso,
a gona so a se bolabodiyeng le bona a sa berekise setshwaniso.”
35 Ke moka gwa phetega so se bolabodiwuweng ka moporofeta ho a yitse:
“Ke nyoko bula molomo waka ka ba bolabodisa ka ditshwaniso,
ke nyoko bolabola diphiri tso di biyeng gona go tloga tlholong ya lefase.”
Tlhaloso ya setshwaniso sa ngwere
36 Ke moka wo shiye leshaba a kena ka ntlong.
Barutiwa bage ba tlile gage ba re:
“Re tlhalosele setshwaniso sa ngwere wo wo leng tjhemong.”
37 A ba yaraba a re:
“Ye a gashiyeng pewu ye butji ke Morwayi wa Motho.
38 Tjhemo ke lefase,
pewu ye butji ye yemele batho ba mmusho.
Ngwere ke batho ba ye mobe,
39 ke moka lenaba lo le gashang ke diyabolose.
Nako ya puno ke nako ya bofelo,
ke moka babuni ke mangeloyi.
40 Ho ngwere wo tomodiwa wo tjhubiwa mollong,
go nyokoba ka wona mokgwa wone le nakong ya bofelo.
41 Morwayi wa Motho wo nyoko romela mangeloyi yage,
go tlhagola se sengwana le se sengwana so se tlholang sebe mmushong wage le ka moka bo ba makang bobe.
42 Ba nyoko ba latlhela legageng la mollo wo wo sa timeng,
ho go nyoko bang le go golola le go lomaganya ga meno.
43 Ka nako yone baloki ba nyoko taga go tshwana le letjatji ka mmushong wa Papabona.
Ye a nang le tsebe,
a kwe.”
Setshwaniso sa lehumo lo le wunyegiwuweng le sa dipheta
44 Jesu fote a re:
“Mmusho wa legedimo wo tshwana le lehumo lo le wunyegiwuweng ka tjhemong.
Ho motho a le kereyiye,
wa le wunyega fote,
ke moka ka lethabo a ye a rekise ka moka tso a nang le tsona,
a boyele a reke tjhemo yela.
45 Fote,
mmusho wa legedimo wo tshwana le morekisi ye a nyakang dipheta tsa go bafala.
46 Ho a kerayiye tsa go tura,
a tloga a ya a rekisa ka moka tso a nang le tsona a reka dipheta tsone.
Setshwaniso sa nete
47 Fote,
mmusho wa legedimo wo tshwana le nete yo ye thewusediweng ka lewatleng yo ye tannyeng mehuta ka moka ya ditlhapi.
48 Ho ye tlele,
bareyi ba ditlhapi ba ye gogela lebopong.
Ke moka ba dula fase go tlhawola ditlhapi tse dibutji ba di tjhela mantjing,
mara ba latlha tso ye seng tse dibutji.
49 Ke ka mokgwa wo go nyoko bang ka gona le ka nako ya bofelo.
Mangeloyi a nyoko tla a yarolanya ba babe ga baloki,
50 le go ba latlhela legageng la mollo wo wo sa timeng,
ho go nyoko bang le go lla le go lomaganya ga meno.”
Jesu a ba botsisa a re:
51 “Le di kwesisiye ka moka dilo tso?”
Ba mo fetola ba re:
“Ee”
52 A re ga bona:
“Byalo ge moruti ye mongwana le ye mongwana wa molawo ye a layediweng ka mmusho wa legedimo wo tshwana le mong wa ntlo ye a ntshang mahumo yage ya mantshwa le ya botala go tjwa bo bolokelong.”
Moporofeta wa nyatsiwa nageng ya gabo
53 Ho Jesu a fetsiye ka ditshwaniso tso,
wo tlogiye hone a ya matlhong.
54 Ho a segele motjing wa gabo,
a thoma go tjhutisa batho ka disinagogeng tsa bona,
ba makala.
Ba botsisa ba re:
“Monna ye wo bo kereya kaye botlhale byo le maatla ya go maka metlholo?”
55 Ba botsisana ba re:
“Naa a ye yene morwayi wa mmetli?
Naa lebitso la mmane wage a ye Maria,
a ye yene ye bobhuti wage ye leng Jakobose,
Josefa,
Simone le Judase?
56 Naa dikgayetjedi tsage a di na le rune?
Byalo dilo tso ka moka monna ye wo di kereya kaye?”
57 Ke moka ba thoma go kgopisega.
Mara Jesu a re ga bona:
“Moporofeta wo nyatsega hela motjing wa gabo le lapeng la gabo.”
58 A sa make metlholo ya go tlala hone ka taba la go tlhoka tumelo ga bona.