Johanese Motlungwetsi wo kopiwa tlhogo
14
Ka yona nako yone Herode Motetereka ho a busha Galeliya,
wo kwele pego ka Jesu,
2 a re ga bayeletsi bage:
“Ye ke Johanese Motlungwetsi,
wo tsogiye bahung!
Ke ka taba lo go makega metlholo ya matla ho gage.”
3 Pele ga ho go makega tso,
Herode ke ho a tshwere Johanese a mo tlemme a mo tjhediye jele ka taba la Herodiase mosadi wa Filipose bhute wage.
4 Johanese ke ho a kgadiye Herode ka gore:
“A go molawong go tseya mosadi wa bhute wago,
Filipose.”
5 Herode ke ho a nyakiye go bolaya Johanese,
mara ke ho a tjhaba gore batho ba ka tsosa mmudubudu ka gore ke ho ba mo tjiba byalo ka moporofeta.
6 Ka letjatji la matswalo la Herode,
morwediya wa Herodiase wo ba binele,
a thabisa Herode ka matla,
7 ho yeleng gore Herode wo tshepisiye ka keno go mo neya so a ka se kgopelang.
8 A kutjiye ke mmane wage,
ngwannyana woyiye a re:
“Nneye tlhogo ya Johanese Motlungwetsi yele setjeng.”
9 Kgoshi a kgongwela ka matla,
mara ka taba la keno ye a ye makiyeng matlhong ya bayeng bage,
bo ke ho a le nabo tsagodyeng,
a layela gore a fiwe so a se kgopeleng,
10 ke moka Johanese a kopiwa tlhogo a le jele.
11 Tlhogo ya Johanese ya tlisiwa yele setjeng ya neyiwa ngwannyana,
a ye rwala a ye yisa ga mmane wage.
12 Barutiwa ba Johanese ba tla ba tseya mmele wa Johanese ba wo boloka.
Ba tloga ba ya ba botsa Morena Jesu.
Jesu wo fepa ba dikete tse tlhano
13 Ho Morena Jesu a kwele tso di makegiyeng,
a tloga ka sekepe sephiring a ya ho go senang batho.
Ho mashaba ba mo kwelele,
ba mo latela ka maoto go tloga metjing.
14 Ho Jesu a phologa sekepeng a bona leshaba le legolo,
a ba kwela go baba a ba fodisa malwele.
15 Ho ye shele go ba ka malobana,
barutiwa bage ba tla gage ba re:
“Ho re leng gona ke kgole,
le gona leya dikela,
botsa batho bo ba ye go terekela tsagodya kuwa metjaneng.
16 Jesu a ba fetola a re:
“A ba tshwanela go tloga.
Lune ba neyeng tsagodya.”
17 Ba mo yaraba ba re:
“Re fo ba le malofo ya dikgwa tse tlhano ho,
le ditlhapi ka di pedi.”
18 Jesu a re:
“Di tliseng ho gaka.”
19 A layela gore batho ba dule fase mabyanng.
A tseya dikgwa tsela tse tlhano le ditlhapi ka di pedi a lebelela legedimong,
a leboga a ngathanya malofo ya dikgwa.
A neya barutiwa bage,
bona ba di neya batho.
20 Ba dyile ka moka ba hora,
barutiwa bage ba kotela mawudu ba tlatsa dimantji tse lesomepedi.
21 Batho bo ba dyileng ye biye banna bo ye ka bang ba dikete tse tlhano,
go sa badiwe basadi le bana.
Jesu wo sepela gedimo ga meetji
22 Ka go tjhetjhisa Jesu a maka gore barutiwa bage ba kene sekepeng,
ba mo yete matlhong ba tshelele ka mosekola wela,
hala yene a sa layela batho gore ba sepele.
23 Ho batho ba sepediye,
yene wo rotogele thabeng go yo rapela.
Ho go fifala,
ke ho a le ntoshi gona hone.
24 Barutiwa ke ho ba shele ba le gare ga lewatle,
ba tlhasele ke maphoto ka ho moya wo be wo le kgatlhanong le bona.
25 Ka nako ya bone ka boshego Jesu wo yiye ga barutiwa bage a sepela gedimo ga lewatle.
26 Ho barutiwa bage ba mmona a sepela gedimo ga lewatle,
ke ho ba tjhogiye ka matla.
Ba gowelela ka go tjhoga ba re:
“Ke sepoko!”
27 Ka go yakgoswa Jesu a re ga bona:
“Betang pelo!
Ke nna.
Le sa tjhabe.”
28 Peterose a mo fetola a re:
“Morena,
ho yele wene,
mpitse ke sepele gedimo ga meetji ke tle gago.”
29 Jesu a re:
“Tlang!”
Peterose a tjwa ka sekepeng a sepela gedimo ga meetji a ya ga Jesu.
30 Mara ho a bona ledimo le maphoto,
a tjhoga a thoma go nwelela a gowelela a re:
“Morena,
mpholose!”
31 Ka go yakgoswa Jesu a mo tshwara ka letsogo a mo pholosa.
Jesu a re gage:
“Wene wa tumelo ye nyana ke ying taba wo sa nkgolwe?”
32 Ho ba kalama ka sekepeng moya wa napa wa homolela.
33 Bo ke ho ba le ka sekepeng ba mo khunamela,
ba re:
“Ka nnete wo Morwayi wa Modimo.”
34 Ho ba tshelele ka mosekola wela ba phologa sekepeng nageng ya Gennesareta.
35 Ho batho ba naga yone ba lemoga Jesu,
ba romela lentsu bathong ba naga yone ka moka.
Batho ba tlisa balwele ba bona ka moka gage.
36 Ba mo kgopela gore a fo ba dumelela go kgwata morumo wa kobo yage,
ka moka bo ba mo kgwatiyeng ba fodiye.