Morena wa Sabatha
12
Ka yona nako yone Jesu wo yiye a feta gare ga tjhemo ya korong ka letjatji la Sabatha.
Barutiwa bage ke ho ba tshwere ke tlala ba tsama ba yekga metjhakga ya korong ba yidya.
2 Ho Bafaraseyi ba bonne tsone,
ba re gage:
“Bona barutiwa bago ba maka tso di seng molawong ka letjatji la Sabatha.”
3 A ba yaraba a re:
“Naa a le ya bala tso Dafida a di makiyeng le bo ke ho a le nabo hala ba tshwere ke tlala?
4 Wo kenne ntlong ya Modimo,
yene le bo ke ho a le nabo ba dya sekgwa so ke ho se gafediwuwe go dyiwa ke moprisita hela go ya ka molawo.
5 Kela a le ya bala molawong gore ka letjatji la Sabatha moprisita wo tlodiye molawo wa go tlhompa letjatji la Sabatha mara a sa be le molato?
6 Ke ya le botsa gore ye yeleng ye mogolo go feta tempele wo ho.
7 Hala nkabe le tjibiye gore mantsu ya a ra gore ke ying ho a re:
‘Ke nyaka mogawu ye seng setlhabelo,’
bo ba se nang molato nkabe le sa ba latlha.
8 Ka gore Morwayi wa Motho ke Morena wa Sabatha.”
9 Ho Jesu a tloga hone wo yiye sinagogeng sa bona,
10 ho a kerayiyeng monna wa letsogo la go hunyela.
Batho ke ho ba nyaka lebaka la go mmeya molato ba mmotsisa ba re:
“Naa go molawong go fodisa motho ka letjatji la Sabatha?
11 Jesu a ba fetola a re:
“Ke mang ho ga lune ye a reng ho nku yage ye wele moleteng ka letjatji la Sabatha a ka sa yeng a ye ntsha?
12 Ayetsano motho yene a bothlokwa go feta nku?
Byalo go molawong go maka tsa go loka ka letjatji la Sabatha.”
13 Ke moka a re ga monna yela,
“wotlolla letsogo lago.”
Byalo monna a wotlolla letsogo lage la folelela sa ruri,
la boyela sekeng la tshwana le lela le lengwana.
14 Mara Bafaraseyi ba tjwa ba feka mano ya go bolaya Jesu.
Motlhanka ye a kgetiwuweng ke Modimo
15 Ho Jesu a lemogiye gore ba nyaka go mmolaya,
a tloga tulong yone.
Batho ba go tlala ba mo latela,
a ba fodisa malwele ka moka,
16 a ba laya tsebe go kwa gore ba sa bolabole gore ke yene mang.
17 Tso di makegiye gore go phetege so se bolabodiyeng ke moporofeta Jesaya ho a yitse:
18 “Ke yewa mohlanka waka ye ke mo kgetiyeng,
ye ke mo ratang,
ka yene ke ya thaba,
ke nyoko tjhela Moya waka ho gage,
wo nyoko gowelela toka ditjhabeng.
19 A ka sa phegisane kela go wubelana.
A gona ye a nyoko go kwa lentsu la ge kuwa ditseleng.
20 Lehlaka lo le thinyegiyeng a ka sa nape a lerobanya,
llampa lo letakumang le nyakang go tima a ka sa nape a le tima,
go segela ho a bonagatsa go fenya ga toka
21 Ka lebitso lage ditjhaba di nyoko ba le kholofelo”
Jesu le Baletsibub
22 Ke moka ba mo tlisela motho ye ke ho a keniwuwe ke ledemone a sa bone ye biye a sa kwe,
ke moka Jesu a mo fodisa,
gore a bone a be a kwe.
23 Batho ka moka ba makala ba re:
“Ye ka ba Morwayi wa Dafida ye?”
24 Mara ho Bafaraseyi ba yekwa tso ba re:
“Mothaka ye wo berekisa Baletsibub,
kgoshi ya mademone go raka mademone”
25 Jesu ka go tjiba monagona wa bona a re ga bona:
“Mmusho wo mongwana le wo mongwana wo wo yaroganang ka bo wona wo nyoko senyega,
le motji ka moka kela lelapa lo le yaroganang ka bolona le ka sa yeme.
26 Ho Sathane a raka Sathane,
wo ya teyaroganya yene mong.
Byalo Mmusho wage wo ka yema byang?
27 Le gona ho nkare ke raka mademone ka Baletsibub,
batho ba lune bona ba a raka ka mang?
Byalo ge,
ba nyoko ba bayatlhudi ba lune.
28 Mara ho nkare ke raka mademone ka Moya wo Modimo,
byalo mmusho wa Modimo wo tlile gedimo ga lune.
29 Kela fote,
ke mang ye a ka kenang ntlong ya senatla a rwala dithoto tsa sona ka moka a sa thoma ka go se tlema,
wo tshwanele ke go thoma ka go se tlema,
ke moka a kene ntlong a tseye thoto ya sona
30 “Ye a sa yemeng le nna wo lwa le nna,
le ye a sa kgobaketseng le nna wa tlalaganya.
31 Ka gona ke ya le botsa,
dibe ka moka le ye a rogelelang Modimo ka moka di nyoko lebalediwa mara go rogelela Moya wo Mokgetwa go ka sa lebalediwe.
32 Ye mongwana le ye mongwana ye a bolabolang tsa go befa ka Morwayi wa Motho wo nyoko lebalediwa,
mara ye a bolabolang tsa go befa ka Moya wo Mokgethwa a ka sa lebalediwe nakong ye le yo ye sa tlang.
33 “Sehlare re se tjiba ka diyengwa tsa sona.
Ho sehlare ye le se sebutji,
le diyengwa tsa sona ye ba tse dibutji.
Ho ye se se sebutji le diyengwa tsa sona a ye be tse dibutji.
34 Lune bana ba dinoga,
di ka kgonega byang gore le le ba babe le bolabole tse dibutji?
Molomo wo bolabola tso di tjwang teng ga pelo.
35 Motho wa go loka wo nyaretsa dilo tsa go loka go tjwa lehumong la go loka ga pelo ya ge,
le motho ye mobe wo nyaretsa dilo tsa go befa go tjwa lehumong la pelo yage ye mpe
36 Le gona ke le botsa gore ka letjatji la katlholo motho wo nyoko sekisiwa ka dipolabolo tsage tsa boshayedi.
37 Mantsu wo wo a bolabolang wo nyoko yamogediwa ka wona fote wo nyoko latlhiwa ka wona.”
Letshwawo la Jonase
38 Ke moka ba bangwana ba Bafaraseyi le baruti ba molawo ba re gage:
“Moruti,
re nyaka wo re shupetse letshwawo la motlholo lo le tjwang gago.”
39 Jesu a ba fetola a re:
“Ke moloko wo mobe le wa diwotswa wo wo kgopelang letshwawo la motlholo!
Mara a gona letshwawo lo le nyoko fiwang lona ho ye se hela letshwawo la moporofeta Jonase.
40 Go tshwana le ka ho Jonase a yiyeng a ba ka mpeng ya tlhapi ye kgolo matjatji ka mararo le mashego ka mararo,
le Morwayi wa Motho wo nyoko ba pelong ya lefase matjatji ka mararo le mashego ka mararo.
41 Ka letjatji la katlholo banna ba Ninibe ba nyoko yema le moloko wo ba wo latlha,
ka ho ba yiye ba sokologa ka thero ya Jonase,
gona byalo ye mogolo ga Jonase ke ye howa.
42 Ka letjatji la katlholo kgoshigadi ya Sheba wo nyoko tsoga a yema kgatlhanong le moloko wo a wo latlha,
Ka gore wo tlogiye kgole a tlela gokwa botlhale bja Solomone.
Byalo ye mogolo go feta Solomone wo ho wa mara le gana go mo theyetsela.
43 Ho moya wo mobe wo tjwa mothong,
wo ya tlhageng wo nyake khutjo wo sa ye keraye,
44 ke moka wo re:
‘Ke nyoko boyela ntlong ye ke tjweleng ga yona.’
Ke moka ho wo segela ntlong yo wo tjweleng ga yona,
wo keraya ntlo yela ye sowediwuwe ye yediye ye lokisiwuwe ye sena selo
45 Ke moka wa tloga wa ya wa nyaka memoya ye mengwana ye shupa ye mebe ka maatla go feta wona,
gore ye tle ye dule hone.
Seyemo sa mafelelo sa motho yene,
se nyoko befa go feta sela sa mathomo.
Ke ka mokgwa wo go nyoko go ba ka gona le molokong wo wa go befa.”
Mmane wa Jesu le bhute wage
46 Ho Jesu a sa bolabola le mashaba mmane wage le bo bhute wage ke ho ba yemme ka tawong,
ba yemele go bolabola naye.
47 Ye mongwana a mmotsa a re:
“Mmane wago le bobhute wago ba ka kuwa tawong ba nyaka go bolabola le wene.”
48 A fetola a re:
“Mmane wa ka ke mang,
bobhute baka ke bo mang?”
49 A shupetsa barutiwa bage ka monwana a re:
“Mmane wa ka le bobhute baka ke bo.
50 Ye mongwana le ye mongwana ye a makang thato ya papa wa legedimong ke bhute,
ke sesi le mmane waka.