Jesu le Johanese Motlungwetsi
11
Morago ga ho Jesu a fetsiye go fa barutiwa bage ba lesomepedi ditayelo,
wo tlogiye a tjwela pele ka go tjhutisa le go rera metjing ya Galeliya.
2 Ho Johanese a kwele a le jele tso Kriste ke ho a di maka,
a romela barutiwa bage
3 go mmotsisa gore naa ke wene ye ba yitseng wo nyoko tla kela re letele ye mongwana?
4 Jesu wo fetole a re:
“Boyelang morago le botseng Johanese tso le di kwang le tso le di bonang,
5 ba go sa bone ba bona,
ba go sa sepele ba sepela,
bo ba nang le lephera ba fodisiwa,
ba go sa kwe ba kwa,
bahu ba tsosiwa,
le gona batlhoki ba kwa taba ye butji.
6 Go shegofele motho ye a sa kgelogeng ka taba laka.”
7 Ho barutiwa ba Johanese ba tloga,
Jesu a thoma go bolabola le mashaba ka ga Johanese a re:
“Ke ho le tjwele nageng go bona ying?
Naa,
ke ho le bona letlhaka lo le tekatekisang ke phefo?
8 Ho yese ka mokgwa wone,
ke ho le tjwele go bona ying?
Naa ke ho le bona motho wa setjhepi?
Ba go tjhepa ba dintlong tsa dikgoshi.
9 Byalo ke ho le tjwele go bona ying?
Moporofeta?
Ee,
ke ya le botsa,
wa go feta moporofeta.
10 Ye ke ye go ngwadiwuweng ka yene,
ho ba yitse:
‘Ke nyoko roma moromiwa waka go go yeta pele ye a nyokogo go go lokisela tsela matlhong yago.’
11 Ke le botsa nnete,
gare ga bo ba belegiweng ke basadi a go so ko ba le ye a tsosiweng ya ba ye mogolo go fetisa Johanese Motlungwetsi,
le ho go le byalo ye ye leng ye monyana mmushong wa Modimo ke ye mogolo gage.
12 Go tloga matjatjing ya Johanese Motlungwetsi go segela go na byalo mmusho wa legedimo wo tlhasediwa ka matla,
barukhutli ba leka go wo thopa.
13 Baporofeta ka moka le wona molawo ba porofetiye go segela ka Johanese.
14 Ho le nyaka go ye yamogela,
ke yene Eliya ye ke ho a tshwanele go tla.
15 Ye a nang le tsebe a kwe.”
16 Naa batho ba matjatji wo nka ba tshwanisa le ying?
Ba tshwana le bana bo ba duleng patlelong ba bitsa ba ba ngwana ba re:
17 ‘Re le teyele fayi,
la sa bine,
ra yepelela kosha ya lehu la sa lle.’
18 Johanese wo tlile a sa dye a sa nwe,
ke moka ba re:
‘Wona le ledemone.’
19 Morwayi wa Motho wo tlile a dya a nwa,
ba re:
‘Motho wa dipawo le setagwa ke ye,
mogwera wa bapatedisi ba mothelo le badiradibe.”
Botlhale bo bonagala ka mediro.
Katlholo ga metji ya go sa sokologe
20 Ke moka Jesu a thoma go kgala badudi ba metji yo a makiyeng metlholo ya go tlala ga yona,
ka ho ba sa sokologa dibeng tsa bona.
21 “Madimabe gago,
Korasin!
Madimabe gago Betsayida!
Hala nkabe metlholo yo ye makiweng ho gago nkabe ye makiwuwe Tiro le Sidone,
nkabe ye le botala ba sokologiye ba yapere malagara ba tetlotsiye ka luta.
22 Mara ke ya le botsa go nyoko ba kawone ga Tiro le Sidone go na le lune ka letjatji la katlholo.
23 Ho ye le wene Kapernaume naa wo nyoko tlhompiwa legedimong?
Aowa,
wo nyoko pholosediwa tlase bodulabahu.
Hala nkabe metlholo yo ye makiweng ho gago nkabe ye makiwuwe Sodoma,
nkabe Sodoma ye sa le gona le lehono.
24 Mara ke ya le botsa go nyoko ba kawone ga Sodoma ka letjatji la katlholo go feta wene.”
Go khutsa ga bo ba tennweng
25 Ka yona nako yone Jesu a re:
“Ke ya go tumisa Papa,
Morena wa legedimo le lefase,
ka ho wo wutetsiye tso ga ba go tlhalefa le ba go tjhutega,
wa di wutullela ba banyana.
26 Ee,
Papa,
tso ke ho ye le tsa go thabisa wene.
27 Dilo ka moka di fiwuwe nna ke Papa.
A go na ye a tjibang Morwayi ho ye se Papa,
le gona a go na ye a tjibang Papa ho ye se Morwayi le bo Morwayi a kgetang go ba wutullela yene.
28 Tlaneng gaka ka moka ga lune bo le tennweng le robang ke merwalo,
ke nyoko le khutsisa.
29 Terweseng lejoko laka le tjhuteng ho gaka ka ho ke le wa boleta wa pelo ya go tekokobetsa,
le nyoko keraya khutjo ya memoya ya lune.
30 Ka ho lejoko laka le sa robe le morwalo waka wo fefoga.”