Pilemo i

Surana Suro Paulu i

Pilemo

Pepongkaa lolita

Paulu mopakatu sura ide i halaluna hampepepoinalai au rahanga Pilemo. Pilemo maida i wanua Kolose, hai ara hadua hawina au rahanga Onesimus. Hangkoia Onesimus iti meloho hangko i Pilemo lao i wanua Roma. I tempo iti, Paulu ratarunggu i Roma anti pobagona mopahawe Ngkora Marasa. Onesimus mampombelambia Paulu i Roma, hai i pohadina Ngkora Marasa, ia mepoinalai worimi i Pue Yesu.

Hangko indo, Paulu mouliangaa Onesimus, “Agina mesuleko lao i ampumu.” Agaiana Onesimus langa mesule i Pilemo, nauli, “Ane mesulena, manotomi kaina nahukungku lawi hangkoia melangkana.” Nauli Paulu, “Barako ina nahuku, lawi kuuki hambua sura i Pilemo. Ina kuperapi bona naampungiko.” Mewali, i lalu sura ide, Paulu merapi bona Pilemo moampungi Onesimus. Naperapi wori bona ia modoko hule Onesimus hangko i laluna, hai barapi naimba hawina, agaiana naimbami nodo halaluna hampepepoinalai.

I lalu Basa Yunani, hanga Onesimus iti, lempona ‘mobundu’. Nauli Paulu, hangkoia Onesimus bara mobundu i ampuna. Agaiana ide-ide, mobundumi lawi mepoinalaimi i Pue Yesu (watina 11).

Ihi sura

1. Pepongkana lolita (1-3)

2. Paulu motoia Pilemo anti kamahilena ahina hai kamarohona pepoinalaina (4-7)

3. Paulu merapi bona Pilemo moampungi Onesimus (8-22)

4. Tabea hai lolita kahopoana (23-25)