Nani penanginda to Isaraeli
149
1 Toiami Pue!Ponanimide nani au wou i Pue!
Toiami Ia i poteruhunda taunaNa au madudu.
2 Pogiangaa Isaraeli mampokatana Topeterunda,
pogiangaahe to Sion mogee-gee anti Datunda!
3 Pogiangaahe mototoia hangaNa hai potaro-taro;
pogiangaahe molinga Iria hai rebana hai kecapi!
4 Lawi Pue mampokana tuduaNa,
tauna au mengkaiwoi Nasongkoiahe katehorema.
5 Pogiangaahe taunaNa au madudu
matana-tana anti kameawaNa;
pogiangaahe matana-tana
i wongko paturuanda!
6 Pogiangaahe motoia Pue Ala hai wotu au maoni
tanganda mokingki piho momata pontimali,
7 bona mohurungihe humalele tauna,
hai mohukuhe humalele tina,
8 bona mohiluhe ope-ope datunda hai koloro besi
motakolohe tomakuasanda hai rante,
9 bona mampopolumaohe pehuku i humalele tauna nodo au teukimi.
Itimi penanginda tauna au Napokaahi.
Toiami Pue!