2
ऐ पाहि ओमेआय आपाआ प्रभु यीशु मसीहाआ आविलाआ आना त्याआ आरी आपुह एकहे उवीइलाआ विषयोमेहे आय तुमुहू विनंती कोअता हा 2 का एखादो आत्माआ किंवा वचन किंवा पत्राआ त्यापोरत जे जेहेका ही आमाहीरोते होय ओ जाईत ले प्रभूऊ दीही आविलो गोये होय तुमाआ मोन अचानक आलविनारू कायना आना तुमु बित नाहा 3 कोडोबीही प्रकारे कोडाआ त्यापोरोत फसुस नाहा काहाके तो दीही आविलो नाहा जाहुजा धर्माआ त्याग उवे नाहा आना तो पापाहा माहु कोअतीज ख्रिस्तविरोधी पुत्र प्रकट उवे नाहा 4 ख्रिस्त विरोधी कोअत्लू आना आखापरोते देव किंवा पूज्य मानाडत्लू आना स्वतःहा वोडू मोनोहो इहिंजा का तो देवाआ मंदिरोम बोहित स्वतःहा देव मोनोहो 5 नाहाकोत तुम्हामे ओर नाहा का जाहा आय तुमाही ओतू आव गोठी तुम्हामे कोल्यो रोहिजे ? 6 तुमु तिया वस्तूउ ओलखीत जी त्याहा ओमे थोबाडीत रोली होय तो त्याज दिहोम प्रकट उवूंहू जोवे 7 काहाके अनीतीई गूढ ओमे बी काम कोईत जात होय , पोन ओमे एक उबराखानारू होय जोपोरोत तो सेटे उवनारा नाहा तो थोबिलो रोही 8 तेहालाम तो अनीतिमानहा प्रकट उवे ज्याहा प्रभून येशु आपाआ सोबिमरोत फुकिलो माईत टाकही आना आपाआ आगमनाआ लाडीवाला नाश कोअनारू 9 तिया नितीमानाआ शैतानाआ कामुहोस आखे प्रकारोअओ वाईट शक्ती आना चिन्ह अदभूत कामापोरोत 10 आना नाश कोअनाराखाकोता आगीई आखापोरकारो कपट उवे, काहाके त्याआ सत्याबरोबर प्रेम कोल्यो नाहा ज्याआपोरोत त्याआं तारण उवे 11 यामुळे परमेश्वर त्यांमे एक भ्रांतीई शक्ती मोकलीनाआराकाजे का ते ठोगनारा वात पलणारू 12 कोअतीज जेवडे माहे वाटेए वात पालीत नाहा पोन अनीतीई खुश ओये तिया आखाज दंड मिले 13 ऐ पाहीही, आना प्रभूउ प्रिय माहु जोवे का आमु तुम्हबारमे कायम परमेश्वराआ धन्यवाद कोईत रोअलो काहाके परमेश्वराने पेलेरोत तुम्हामे निवडीत लेधलो का आत्म्याआ त्यापोरत पवित्र बोणीत आना वाटेए वात पालीत तारण मिलुजोवे 14 त्याजमेहे तिये तुम्हामे आमु सुवार्तेमुळे हादाडये का तुमु आम्हा प्रभू येशूउ गौरवाला जोडयो कोईओलो 15 त्यापोत ऐ पाहीही स्थिर रो आना ज्या -ज्या गोठी तुमु जेबी वाचनाने किंवा पत्राआ त्यापोरत आमापोरोत सेकेले होय त्याहा तोईत रो 16 आमाआ प्रभून येशु ख्रिस्त स्वतः आना आमाआ आबहू परमेश्वर जीआ आमापो प्रेम कोल्यो आना कृपेणे सार्वकालिक शांती आना श्रेष्ठ आशा आप्यी होय 17 तुमाआ मोनामे शांती आपे आना तुम्हामे हरएक हाजा कामोम आना वचनोमे मजबुते कोआ.