3
शेवटी मेहे ऐ पाहि आमाआ कोअता प्रार्थना कोअते रोजा का प्रभु उ वचन एहलो वेगो कोयले आना महिमा जोड़े जेहलो तुमुहू मेंहे उवो 2 आना आमु वाकड आना ठोग महापोरोत हाजूहोय रोअलो काहाके आखाजमेहे विश्वास ओतू एहलो नाहा 3 पोन प्रभू खोरो होय तो तुम्हामे ओ मजबुते आना स्थिर कोआ आना तिया लबाड़ोपोरोत हाजूहोय मेके 4 आमुहू प्रभूमे तुमापो भोरुसो होय का जी- जी आज्ञा आय तुम्हामे आपोहो त्याहा तुमु मानतेहे आना मानीत बी रोही 5 परमेश्वराआ प्रेम आना ख्रिस्ताच्या धीरजावोगे प्रभू तुमाआ मनांआ मार्गदर्शन कोआ 6 ऐ पाहीही, आमु तुम्हामे प्रभू येशूउ नावामेहे आज्ञा कोअत्लू का तुमु हरएक एहलो पायोपोरोत अलग रो जो कायनयहाजो वागणुक कोअत्लू आना जी हिकवन तिये आमापोरोत लेदि तीयूहोसे कोईत नाहा 7 काहाके तुम्हामे मोलुम होय का कोडलाप्रकारे आमुहू वागणुक रोंहु जोवे काहाके आमु तुम्हामे कायनयहाजो वागणुक कोअयी नाहा 8 आना कोडाआ शेहू फुकट खादल्यी नाहा पोन परिश्रम आना कामकोईते रात दीही काम कोईत ओते का तुमामेहेरोत कोडापो पो पोडहू कायना 9 एहलो नाहा का आमुहू अधिकार नाहा पोन यकोअता का स्वतःहा तुम्हाकोअता नमुनाs बोनावोओ ओतू का तुमु आमाआकोअता वागणुक को 10 काहाके जोओ आमु तुमाआ इही ओते तेहालाम पोन तुम्हामे ए आज्ञा आपित ओतू का जर कोडाआ काम कोईओलो नेओय ताहा खाहुं पोन नाय जोवे 11 आमु उनात्लू का कोडु- कोडु तुमाआ माय कायनयहाजो वागणुक कोअता आना किबी काम कोईत नाहा पोन बिहीरा कामोम आथे टोकीत रोत्ले 12 एहलाहा आमु प्रभू येशु ख्रिस्तामेहे आज्ञा आपोहो आना समजाड्त्लो का ठावकू पणे काम कोईत आपाज रोहू खायलो रोअलो 13 ऐ पाहीही, तुमु हाजो कोअलाआ खचू नाहा 14 जर कोडु आम्हा आव पत्राहा आव गोठीकोता मोनामे नाहा त्याआपो नजर मेका आना त्याआरी होबती कोल्या नाहा ज्यामुळे तो लाजआली उवूंहू जोवे 15 तेबी पोन त्याहा दुश्मन ह्मजुतल्यो नाहा पोन पाही होमजीत त्याआ कानउगाडे को 16 ओमे जो प्रभू जो शांतीई कुवू होय स्वतः तुम्हामे सर्वकाल आना आखे प्रकाराआ शांती आपे आना प्रभू तुम्हाआ आखाआरी राहो 17 आय पौल आपाआ आथोवाही नमस्कार लेखातुलू हरएक पत्रामेह माआ ओच निशाण होय आय याज प्रकारे लेखातुलू 18 आमाआ प्रभू येशु ख्रिस्ताआ कृपा तुम्हाआ बोठासपो उवनारा रोअलो.