2 THESSALONIANS
थिस्लोनी च्या दुसरे पत्र
1
पौल आना सिलवास आना तीमुथियुसाआ वोगेरोत थीसुलेनिकीया मोंडली ही नावे जो आमाआ पिता परमेश्वर आना प्रभु यीशु मसीह मेहे होय 2 आमाआ आबहू परमेश्वर आना प्रभू येशु ख्रीस्ताअगेरोत तुम्हामे कृपा आना शांती मिलीअलो रोनारु 3 ऐ पाहीही, तुमाआ विषयी आमुहू आखुवेल परमेश्वराआ धन्यवाद काहाके जोवे आना ओ योग्य होय यामुळे का तुमाआ विश्वास जास्तीज वोधाडीलो आना तुम्हाआ आखाआ प्रेम आपसामेहे जास्तीज वोद्तो होय 4 इहिंजा का आमु तुमु परमेश्वराआ मोद्लीम तुम्हबारमे गर्व कोअत्लू का जेते संकट आना क्षळ तुमु सहन कोअता ते आखामेरोत तुमाआ धीर आना विश्वास उघड ओतू 5 ओ परमेश्वराआ खोरो येशुनी प्रमाण होय का तुमु परमेश्वराआ राज्याआ योग्य निहूह जोवे याकोअता दुख पोन सहन कोअता 6 काह्के पर्मेश्वराअरी ओ न्याय होय का जो तुमाआ क्षळ कोअत्लू त्याहा बोद्लाम क्षळ आपी 7 आना जे तुमु क्षळ सहन कोअता आमाआरी विसाक आपी त्याटायमोहो जाहा प्रभू येशु आपाआ सामर्थ्यवान खिजनारू आगीररी स्वर्गदूत प्रकट उवे 8 आना जे परमेश्वराआ ओळखीतल्यो नाहा आना आम्हा प्रभू येशु ऊ सुवर्तेला मानीत नाहा त्याआरोत बदलू लेही 9 ते प्रभूउ आगलारोत आना त्याआ शक्तीई उजळामेहेरोत ते सेटे ओतगोल्यु सार्वकालिक दंड मेलविनारू 10 ऐ तिया तेदीही उवे जाहा तो आपाआ पवित्र माहुंमे गौरव मिलविलाकोअता आना आखे विश्वास करणारामेहे आश्चर्याआ काहाके उविलाकोअता आविलो काहाके तुमु आम्हा साक्षीपो विश्वास कोल्योओ 11 त्यापोत आमु अखीवेल तुम्हाकोअता प्रार्थना बी कोअत्लू का आमाआ परमेश्वर आव पाचारानाचे योग्य समजाडत्लूकेनाहा हाजाकोते हरएक इच्छा आना विश्वासाआ हरएक कामाकोता सामर्थ्याआरी पुरो कोईओलो 12 म्हणजे आमाआ परमेश्वर आना प्रभू येशु ख्रिस्ताआ कृपेनुसार आमु प्रभू येशूऊ नाव तुम्हामे गौरविला जाअलो आना तुमु त्यामे.