5
पोन ऐ पाही याआ प्रयोजन नाहा कोअता वेल आना कालाआ विशयोमेहे तुमाआ कुछ बी लोखात जाय 2 काहाके तुम्हामे पक्को मोलुम का जेहलो राती बाड आवत्लू तेहलूज प्रभूआ दीही आविलो होय 3 जेवी माहे कोल्यो ओये का शांती इही होय , किबी बिनारा गोरोज नाहा ताहा त्याआपो एकाएक संकट आविलो जाण्याकोता उगलितरोईही दुख येत आना तेहलूज ते तारास ओये त्याहा सहन उवे नाहा 4 पोन ऐ पाहीही, तुमु ताहा आदाराम नाहा का तो दीही तुमापो चोरोहोस आविलो पोडी 5 काहाके तुमु पुरो उजवाडामे पोऱ्ये आना दिहाआ पोऱ्ये होय पण आमुहू रातीही नाहा आना आधाराआ पोन नाहा 6 त्यापोत आमु बिहीराहारखो निंदोम रोहू कायना आना तुमु जागतू रोत सावध रोअलो 7 काहाके जे हुविलो ते रात्रीच हुविलो आना जे झिंगणार ते रात्रीच झिंगतात 8 पोन आमु ज्या दिहाआ होय विश्वास आना प्रेम याहा उरस्राण कालिते आना तारणाआ एहेज टोपी कालीत सावध रो 9 काहाके परमेश्वराआ आमुहू क्रोधाकोता नाहा पण यकोअता नेम्युहू होय का आमुहू प्रभू येशु ख्रीस्ताद्वारे तारण मिळूहुजोवे 10 तो आमहआकाता यामुळे मरण पाव्यू का आमुहू जेबी जागतू होय किंवा हुवतले होयेत आखे मिलून त्याआरी जिवंत रोअलो 11 याकोता तुमु एकाबिहराहा सत्वाना दया आना एकाबिहीराही उन्नतीचे काहाके बोनाहे तुमु कोअता 12 ऐ पाहीही, आमुहू तुम्हामे विनंती कोअत्लू का जे तुम्हामे मेहनतो कोअता आना ख्रीस्तात तुमाआ मार्गदर्शन कोअनारे होय आना तुम्हामे हिकत्ले त्याआ मान राखिलो 13 आना त्याआ कामाकोता प्रमोवाही त्याहा जास्तीज सन्मानाने योग्य माना आपपेहला मिलून मिलीलू रो 14 ऐ पाहीही आमु तुम्हामे समजाड्त्लो का जे व्यवस्थित वागिलो नाहा त्याहा समजाळेए जे धीर तोईलो कोम होय त्याहा धीर दया लुलोहोतगोईलू हम्बालीलो आखापोरोत सहन शक्ती देखा वागीलो 15 सावध एहेलू, कोडु कोडाआ वाईटोबद्दल वाईट कोअहू कायना पण आखीवेल हाजो कोअलाआ तीयार रो आपसामेहे आना आखाआरिजे हाजो कोईत चेष्टा को 16 आखीवेल आनंदाम रो 17 हमेशा प्रार्थनामे रो 18 आखीगोठीमे धन्यवाद आपा काहाके तुम्हाकोअता ख्रिस्तामेह परमेश्वराआ एज इच्छा होय 19 आत्म्याहा उलाड़ीदेद्लू नाहा 20 संदेष्टाहा तुच्छ मानु नाहा 21 आखे गोठीई पारख को जे हाजो होय त्याहा तोईत रो 22 आखे एह्लाम कायनेहाजो पोरोत सेटू रोजा 23 शांतीचा परमेश्वर स्वतः तुम्हामे पवित्र कोये आना तुमाआ आत्म्याहा आना जीव आना डील आमाआ प्रभू येशु ख्रिस्त आवेताहुडू पुरो पणे निर्दोष आना हाजूहोय राहो 24 तुम्हामे गोगाड्नारा खोरो होय आना तो ऐहलेच कोये 25 ऐ पाहीही, आमाआकोता प्रार्थना को 26 आखे पायहोहो पवित्र चुंबनाने स्वागत को 27 आय तुम्हामे ख्रिस्ताची शपथ आपोहो का ओ पत्र आखे पायहोहो वासित होमलाडे 28 आमु प्रभू येशु ख्रिस्ताआ कृपा तुमापो आरी रोय.