थिस्लोनी च्या पत्र 4

याआकोअता ऐ पाहि आमू तुमुहू विनती कोअताहा आना तुमुहू प्रभु यीशु मेहे होमजाते का जेहे तुमु आमू पोओ रोत हाजी चाल चालीई लो आना परमेश्वरा प्रसन कोइला हिक्ल्यु होय आना जेहलो तुमु चोलतेह बी तेहलोज आना वोड़ते जावा 2 काहाके तुम्हामे मोलुम होय का आमु प्रभू येशु त्यापोरोत तुम्हामे कोडाकोडा आज्ञा पोचाडील्यो 3 काहाके परमेश्वराआ इच्छा ए होय का तुमु पवित्र बन्यो, म्हणजे व्याभिचारारोत सेटा -सेटा 4 आना तुम्हामे हरएक जण पवित्रतेने आना मानिलोओ आपाआ लाडीह जोडयो कोईत मोलुम जोवे 5 आना ओ काम वासनेने नाहा आना तियाअ जातीहाखे पण नाहा 6 आव गोठीमे कोडु आपाआ पायहोहो ठोगीत कायना आना त्याआपो गैरफायदा लेऊ कायना काहाके प्रभू आव आखे गोठीई बदलू लेही होय जेहलो का आमु तुम्हामे पहिलुच कोल्यो आना सावध पण कोल्यु ओते 7 काहाके परमेश्वराआ आमुहू अशुद्ध उविलाकोअता नाहा ताहा पवित्र उविलाकोअता हादिलो होय 8 त्यापोत जो याहा तुच्छ नेमान्तलू तो मांहाहा नाहा पण परमेश्वराआ तुच्छ नेमान्तलू जो आपाआ पवित्र आत्माआ तुम्हामे आपोहो 9 पोन बंधुप्रेमाआ विषयाम आ आवश्यक नाहा का आय तुम्हीही कितेबी लिखेहू, काहाके आपसामेहे प्रेम कोअला तुमु स्वतः परमेश्वारापोरोत हिकल्ये होय 10 आना आखे डोडू मासेदोनियेच्या पाविले आरी एहलो कोअता, पोन ऐ पाहीही, आमुहू तुम्हामे संमजाडीनारू का फासी वोदिते रो 11 आना जीही आमु तुम्हामे आज्ञा आप्यी होय तेहलूज ठावकू पणे रोंहु आना आपाआपा काम कोअला आना आपाआपाआ आताई कामाविलो प्रयत्न कोआ 12 काहाके बारथेए त्यापोरोत सन्मान मिळवा आना तुम्हामे कोड्लाज वस्तूअ कमीपणा नाहा 13 ऐ पाहीही, आमाआं एह्ली इच्छा नाहा का तुमु त्याविषयी जे हुवीत होय ओजान्यो रोअलो एहलो उवूंहू नाहा का तुमु बिहीराकाजे दुख कोईओलो ज्याहा ऐह्लुवाह नाहा 14 काहाके जर आमु विश्वास कोअत्लू का येशु मोल्यु आना फासी जिवंत उठ्यू , ताहा तेहलूज परमेश्वर त्याहा पण जे येशुमेहे मोअये होय ते त्याआरी लेत जाय 15 काहाके आमु प्रभूउ वोचानाप्रमाने तुम्हामे आ कोतलू का आमु जे जिवंत होय आना प्रभू त्याआ आवेताहा वासित रोहू मोल्या केधीज आगाडी जानारू नाहा 16 काहाके प्रभू येशु स्वतः होर्गामरोत उतरेए तियाअ टायमोमें आज्ञा आपही आना पमुख दूतांआ शब्द उनाऊ आविलो आना परमेश्वराआ तुतारी फुकल्यो जानारू आना जे ख्रीस्तात मोल्या होय ते पालील्यो जिवंत उठ्णारू 17 तेहालाम आमु जे जिवंत होय त्याआरी मेघाआरी उचललेले जाऊ का अंतरात प्रभूहु मिलुहु आना यावाही आपु आखीवेल प्रभू आरी रोहू 18 याकोईत आव वचनाने एकाबिहराहा सात्वना आपित रो.