थिस्लोनी च्या पत्र 2

ऐ पाहि तुमु खुद बी जाआ ताहा का आमाआ तुमाआ ईही आविलो वाया ने गोयो 2 पोन तुमु स्वतः सम्जिल्यो सुरवातीती दुख सहन कोअला आना उपद्रव कोअत्लूतेहलाम बी परमेश्वराने आमुहू एह्ली हिमंत आप्यी का आमुहू परमेश्वराआ सुवार्ता एहलो कठीण विरोध ओयताहा पण तुम्हामे कोल्यो 3 काहाके आमाआं हिकवन धर्माने नाहा किंवा अशुद्धतेणे नाहा आना कपट पण नाहा 4 पोन जेहलो परमेश्वराने आमुहू योग्य ठेरवीत सुवार्ता आपल्यो होय आमु तेहलूज वर्णन कोअत्लू तीयाम मांहाहा नाहा पण परमेश्वराआ जो आम्हा मनाहे होमजीत्लू त्याहा खुश कोईत रोतो 5 काहाके तुम्हामे मोलुम होय का आमु कोंयो चापलुसी च्या गोठी कोईत ओतू आना न लोभासनी नाटक कोईत ओतू तिया परमेश्वर साक्षीदार होय 6 आना जर आमु मसीही ई प्रेषित ओतल्या तुमापो दबाव टाकुहू शकत ओतू आना तुम्हामे नाहा ताहा दिहीराहा पण नाहा 7 पोन ज्या प्रमाणोओ आयहि आपाआ पोऱ्यो पोऱ्याहा पालीत पोषणाआ कोअते तेहलूज आमु पोन तुम्हामे रोत स्नेह देखाड्यो होय 8 आना तेहलूज आमुहू तुमाआ इच्छा कोईत ओते एवडोज नाहा ताहा परमेश्वराआ सुवर्तेवर आपाआ जीव तुम्हामे आपुहू तीयार ओते त्यापोत ए तुमु आमुहू प्रिय ओतगोल्यु गोये ओते 9 काहाके ऐ पाहीही, तुमु आम्हा परिश्रमाहा आना मेहनतकोनारू आना मेकात्ले आमुहू यकोअता रात दीही कामधोदा कोईत तुमाआ माय परमेश्वराआ सुवार्ता प्रचार कोअयी का तुमामेहेरोत पण कोडापो ए दबाव आवहू कायना 10 तुमु स्वतः च साक्षीदार होय आना परमेश्वर पोन साक्षीदार होय का तुमु विश्वासामध्ये आमुहू वाजीलो केहलो पवित्र आना धोर्मी आना निर्दोष रोलया 11 तुम्हामे मोलुम होय का जेहलो आबहू आपाआ पोर्यआरी वागीलो तेहलूज आमु पोन तुमामेहेरोत प्रत्येकाहा शिक्षण आपोहो आना शांती आपोहो, समजाड्त्लो 12 का तुमाआ वागिलो परमेश्वराआ योग्य होय जो तुमहआ आपाआ राज्याम आना गौरवात हादुहु होय 13 त्यापोत आमु पोन परमेश्वराआ कायम धन्यवाद कोअत्लू का जाहा आमापोरोत परमेश्वराआ वचन तुमापोओ पोचल्यो तेहालाम तुमु त्याहा मांहाआ नाहा पण परमेश्वराआ होमजोत आना खरोज ओ ऐहलेच होय एहलो समझून स्वीकारीत लेधलो आना तो विश्वासामध्ये जो विश्वास मेकअलू तो प्रभावशाली होय 14 त्यापोत तुमु ऐ पाहीही, परमेश्वराआ तिया मंडळ्यासारखी वागणुक को जे याहुदामेहे ख्रिस्त येशु माय होय काहाके मु पण आपाआ माहापोरोत तेह्लुज दुख मिलउत जेहलो तिये यहुद्यांउगोयोत मिलउत ओतलो 15 जिये प्रभू येशुहू आना भविष्य वक्त्यांहा पण माईत टाक्ये आना आमाआ छळ कोल्योओ आना परमेश्वर त्याईही खुश नाहा आना ते आखे मांहाआ विरोध कोअता 16 आना ते बिहरे जातीही त्याआ तारणाआ गोठी कोअलाआ आमुहू उभाराखिलो का आखे काआ आपाआ पापोओ क्षमा उवनारा रोनारु पण त्यांपो परमेश्वराआ जाहक्ले राग आविलो सुक्यू होय 17 ऐ पाहीही, जोवे आमु थोडो वेळोकोअता मोनामे नाहा पण उघड पोन अलग होय ओतू ताहा आमु वोडो इच्हावाहि तुमाआ सोब पालीलाकोता फासी जाखो प्रयत्न कोल्योओ 18 त्यापोत आमु (म्हणजे आय पौलाने) एकवा नाहा पण बेनवा तुमापोओ आविलो प्रयत्न कोल्योओ पोन सैतान आमुहू थोबाडीत रोला 19 काहाके आमु आशा किंवा आनंद किंवा गौरवोअ मुकुट नाहाकोत होय ? नाहाकोत आमु प्रभू येशु आगाडी त्याआ आविलाआ टायमोमें तुमु रोही नाहा? 20 आमुहू गौरव आना आनंद तुमुज होय.