रोमन 13

हर एक माहू शासकीय आधिकारी के आधीन रॉय काहाके एखु अधिकार एह्लू ने जो परमेश्वरा वोगेरोत ने होय आना जो आधिकार होय तो परमेश्वरा आ थोरवल्यु होय 2 याकोअता जो कोडु अधिकारा विरोध कोअत्लू तो परमेश्वराआ विधीही सामना कोअत्लू आना आड आवणारा दंड ओढवीत लेणारे 3 काहाके हाजा कामाकोअता अधिकाऱ्याआ बीइलो एहलो नाहा परंतु वाईट कामाकोअता बीइलो होय तेहालाम अधिकाऱ्याआ बीइलो कायनाहा एहलो मोनामे ओयताय हाजो ते को आना त्यापोरोत प्रशंसा उवे 4 काहाके का तो ताआ हाजा कामाकोअता परमेश्वराआ पावर होय परंतु केधी तू वाईट कोअनारू , ताहा बीइलो बाळग, काहाके तो तलवार व्यर्थ धारण कोईत नाहा आना परमेश्वराआ पावर होय का त्याआ क्रोधाअ नुसार वाईट काम कोआनाराहा शिक्षाम आपही 5 याकोअता केवळ आधीन रोहिलो नाहा ताहा त्याआ क्रोधाअ बीइलो बाळगणे नहाते सदाविवेकबुद्धी पण एज साक्ष आपोहो 6 याकोअता को पण आपा का काहाके शासन कोअनारे परमेश्वराआ पावर होय आना कायम याज कामोम लागित रोत रोतेहे 7 याकोअता आखाजे हक्क आपित टाका ज्याहा को जोवे त्याहा को आपा , ज्याहा जकात आपिलो त्याहा ते दया ज्याहा बिनारो होय त्याहा बीआ ज्याचा आदर कोअला जोवे त्याहा आदर को 8 एकाबिहिराही प्रीती कोअला याशिवाय कोडाआ ऋणात रोहू नाहा काहाके जो बिहीरापो प्रेम कोअत्लू तिये नियमशास्त्र पुरकोएदेदो पाल्यू होय 9 काहाके व्यभिचार कोहू नाहा, खून कोहू नाहा, लोभ तोहुं नाहा याआ आज्ञांचा आना कोठ्लीबी ऐहेली तेबी सारांश जीही आपापो तेहेली आपाआ आरीकोरयापो प्रीती को इयाच वचनोम होय 10 प्रेम आरीत्या किबी वाईट कोईत नाहा याकोअता प्रेम कोअला नियमशास्त्र पुरो कोअला होय 11 वेळेला ओलखीत ऐहलेच को याकोअता का आखे तुमु उवतुलू उठिलो एह्ली वेल आवयी होय काहाके का ज्या वेळेला आमुहू विश्वास कोल्योओ ओतु तियाअ वेलाआ विचाराआ आमाआ उद्धार जागे होय 12 रात सरत जात दीही निहुलेवोले होय , याकोअता आमु काराच्या कामाकोता त्यागून उजवाडामे आत्हार बांधीत लेदलेए 13 जेहलो दिह्याहा होबा आपोहो , तेहलूज आपु शिष्टा चाराआ सालीलो चैनबाजीत, मद्यपानात, विषयविलासात आना कामोश्क्ती , सुलालो आना मत्सरामेहे कायनेते 14 ताहा तुमु प्रभू येशू ख्रिस्ताहा पेइत्लु को आना देह्वासनाना तृप्त कोइलाकोअता तरतूद कोहू नाहा.