12
या याकोअता ऐ पायहो आय तुमुहू परमेश्वरा आ दया ओर कोसडित विनती कोअहो का आपाआ शरीरो ओ जीवते आना पवित्र आना परमेश्वरा आ पोटे ऐ हलो बलिदान कोईत चोडावा ऐ तुमाआ आत्मिक सेवा होय 2 आव जुगाआ हारकेजरूप बोनहू नाहा , परंतु आपाआ मोनोमेहे नोवोकोयलो जीजीव रुपांतर ओवुहू आपा , ज्याआपोरोत तुमु परमेश्वराआ उत्तम, आना ग्रहणीय आना सिद्ध इच्छा महामुंदू होमजीत लेत रो 3 काहाके का आय तियाअ कृपादानाच्या कारनोवाही जे माहु जोडयेहे होय तुमामेहेरोत हरएक जनाला कोतलू, का आपाआ योग्यतेपेक्षा जाखा स्वतःहा मानह नाहा परंतु जेहलो परमेश्वराने प्रत्येकाहा विश्वासाआ परिनामाणानुसार वाटीत आपिलू होय तेहलूज सुबुद्धी आरी आपाहा सोमजा 4 कोईत का जेहलो आम्हा डीला अनेक अवयव होय आना आखे अवयवाचे एकाच काम नाहा, 5 तेहलूज आमुहू खूप जोओ ओमेत ख्रिस्तामध्ये एक डील आना हरएक जोओ एकमेकाआ अवयव होय 6 जाहा का तिया कृपादानाच्या नुसार जे आमुहू आपिलू गोये होय आमुहू भिन्न -भिन्न वरदान जोडयेहे होय , ताहा ज्याहा भविष्यवाणी कोईत वरदान जोडयेहे होय , तिये ते विश्वासाआ परिनामाणानुसार भविष्यवाणी कोईली 7 ज्याहा सेवा कोईत वरदान जोडयेहे होय तिये सेवा लागित रोअलो ज्याहा शिकाडिलो वरदान जोडयेहे होय तिये शिक्षण आपिला लागित रोअलो 8 ज्याहा सुवार्ता कोअंलाअ वरदान जोडयेहे होय , तिये सुवार्ता सांगण्यात लागणारच रोअलो आना दान देणाऱ्याने ते औदर्याने आपिलो आना जो दया कोअत्लू तिये ते खुश कोईली 9 प्रमोमेहे ढोंग कायनेते, आगेचजानारो इटो माना, हाजो चीटकित्लो रो 10 बंधुप्रेमाच्या बाबतीम खोरो स्नेहभाव देखाडातुमी हरएक जोओ एकाबिहराहा आदराकोईत आपणापेक्षा वोडू माना 11 आस्थेविषयी मंद असू नाहा , आत्म्यात उत्सुक एहलेप्रभुहोय सेवा कोईत रो 12 आशा विषयाम आनंदाम रो संकटाम धीर तोआ प्रार्थनामे निरंतर लागित रो. 13 पवित्र मांहाहा गरजा पुरो को पावनाहाखावाडीलो कोअलाआ लागित रो 14 तुम्हामे त्रास आपनारा आशीर्वाद आपा , आशीर्वादच आपा शाप आपुहू नाहा 15 आनंद कोअनाऱ्या आरी आनंद कोआपणे शोक कोनारारी शोक को 16 आपसामेहे एकचित एहेलू वोडवोडा गोठीपो मनलागाडीलो मुक्या नाहा ताहा गरीब माहुआरी होबती मेका स्वतःहा शहाणे होमज्यू नाहा 17 कायनेहाजो बद्दल वाईट एह्ली कोडाआ फेड कोहू नाहा आखे माहाहा नोजरेवाही जे सात्विक ते कोइलाकोत लक्ष्य मेका 18 शक्य ताहा आखे मांहाआरी तुमाहीरोत उवे तेतोज शांतीई रो 19 प्रिय जनहो, सूड उगवित्लुके नाहा , ताहा देवाच्या क्रोधाला वात आपा काहाके शास्त्रात लेखिलो होय का सूड घेणे मांही होय आय फेड कोअही एहलो प्रभू कोतलू 20 आव उलटो जर ताआ दुश्मन फुकलागीही होय ताहा त्याहा रोटू आप आना तोर्ह्यु होय ताहा पाई आप काहाके एहलो कोलाकोता तू त्याआ मुंडकापो आरो रास कोअही 21 चुकीने जीकल्यू जाऊ नाहा, ताहा हाजोहाय चुकीई जिकिलू.