रोमन 11

याआकोअता आय कोहो का काय परमेश्वर त्या आ प्रजाआ टाकित देहलू होय केदाई नाहा आय बीते इस्राएली ई होय अब्रामाहा वंश आना बिन्यामिन गोत्र मेहे रोत होय 2 देवूही आपाआ तियाअ माहुंहु टाक्ये नाहा ज्याहा तिये पहिलुच समजीलुजे जोवेकाय तुम्हामे मोलुम नाहा का पवित्र शास्त्र एलियाआ विषयाम नाहाकोत कोयो का ते इस्त्राएलआ विरोधाम देवापो विनंती कोअता? 3 ऐ प्रभू तिये ताआ संदेष्ट्याना जीवे माअये आना ताआ द्वा वाला पोडीत मेकल्या आना आयुच एखल्यू वाचायलू होय आना ते माआ पण जीव लेअलाकाजे पालीत होय 4 पोन देवापो त्याहा नाहाकोत उत्तर जोडयेहे,? आय आपाआकाजे याकोअता सात हजार माहु मेकल्यी होय जिये बाल्मुर्तीला गुडघे टेकलू नाहा 5 ठीक आव रीतीवाही आव टायमोमें पण कृपेच्या निवडीप्रमाणे किबी माहे बाकी होय 6 जर ओ कृपेणे होय ताहा कर्मांनी नाहा नहाते कृपा फासी कृपा रोली नाहा 7 यकोअता परिणाम नाहाकोत उवे, ओ का इस्राएल ज्याआ होदिअलो लेहो तो त्याहा मिल्यू नाहा परंतु निवाडीत मिल्यू आना वरकड बधीर उवे 8 जेहलो लेखिलो होय , 'देवूही त्याहा आज दीही पर्यंत हाजा निंदोम टाकीत आपिलू होय आना एहलो डोआं आपिलू जे पालील्यो नाहा आना एहलो कान जे उनाईत नाहा' 9 आना दावीद कोतलू, त्याआं मेज आना त्याहा फांस आना सापळा अडखळण आना प्रतिफोल एहलो ओवो 10 त्याआ डोआपो आंधार आवे म्हणजे ते पलणारू नाहा, आना तू कायम त्याआ वाढीला टूगंवालीत मेकही 11 आखरी आय कोतलू, त्याआं पतन उवे कोईत ते अडखळले नाहाकोत? कदाचित नाहा, ताहा त्याआ त्यहा इर्शा निर्माण उविलाकोअता त्याआ अपराधाने त्याआ तारण उवे होय 12 यकोअता त्याआ गूगदिलो जगोकोअता धनदौलत आना त्याआ इलघन विदेशी माआहुकोअता साधन होय ताहा याआ भरपुरीने नाहाकोत किबी उवे नाहा 13 आय तुम्हामे विदेशी महाहा ए गोठी कोतलू का जर का आय बिहीरादेशावालाखातोर प्रेषित होय ताहा आय आपाआ सेवेला वोडापण आपोहो 14 म्हणजे कोडला रीतीवाही आय आपाआ जातीई माहुंमे ईर्ष्या उत्पन्न कोईत त्यामेरोत केतेके तारावे 15 अन जेव्हा तिया त्याग पोयो तेहालाम जगाआ समेत पोयो नाहाकोत त्याहा तेईतले कोलाकोता मोल्यामरोत जिवंत उठ्ल्यो आरी नाहा उवे? 16 जाहा भेट चा पेल्ल्लु भाग पवित्र ठरल्या ताहा पुरो मळलेला पण पवित्र होय आना जेव्हा मुळ जर पवित्र ठरेल ताहा लोगी पण पवित्र ठराविलो 17 पोन जर किबी लोगी तोडीत मेकल्या आना तू रानटी जैतून ओतलू तियाआमे तीयाजागे कलम रूपे लागाड्यू गोल्यो आना जैतुनाआ मुळाचा गोवाद्या पोयो 18 ताहा फादोफो बोडाई कोहू नाहा आना जर तुमु बोडाई देही ताहा सोमजा का मुलोहो नाहा ताहा मूळ ताहु सम्भात्लू 19 फासी तू कोअही , लोगी यकोअता तोडीत मेकल्या का माआ कलम लागीलो 20 ठीक होय ते ताहा अविश्वासाआ कारनोवाही तोडीलो गोयी परंतु तू विश्वासानी रोतलू यकोअता अंहकारी ओतगोल्यु नाहा परंतु बीइलो बाळग 21 काहाके जर देव मुळच्या लोगी राखिल् नाहा ताहा ताहु पण सोडविणारू नाहा 22 यकोअता देवाची कृपा आना द्या पाला जे पोडीत गोये तीयाम रोनारुके , नाहा ताहा तू पण वाड्यू जानारू 23 ते पोन जर अविश्वासी माय नाहा रोल्या ताहा कलम रूप लागाड़ने आवे काहाके देव त्याहा फासी कलम त्याहा आवे 24 का जर तू जैतूननी, जे मुलोमेहेरोत रानटी साड होय वाड्यू गोल्यो ताहा ओ जे त्याआ मुळच्याच लोगी होय आपाहाच जैतुनमेहे नाहाकोत नाहा कलम लागाड़ने आवे 25 पाहीमिलित किबी एहलो न ओवो का तुमु आपाआ स्वतःहा शहाणे होमज्यू कायना यकोअता माआ इच्छा नाहा का तुमु आव कोडाकोता अनोळखातीनाहा रोअलो का जोपोरोत विदेशी माहे पुरो रीतीवाही प्रवेश जाण कोईत लेही , तोपोरोत इस्राएल चा एक भाग ऐहलेच कठीण रोही 26 आना आव रीतीवाही पुरो इस्राएल तारण पावनारू , एहलो लेखिलो होय , मुक्ती आपणारो सियोनातून आवत्लुके अधर्मी ला याकोबापोरोत सेटे कोअनारू 27 त्याआ आरी माआ ओच करार उवे का जेव्हा का त्याआ पापोहो सेटे कोईत आपी 28 सुवार्ते नात्र्यो तो तुम्हाकोअता, जे दुश्मन होय पोन निवडितआवीगियो नात्र्यो वेगुडायो प्रिय होय 29 काहाके देवोओ कृपादान आना पाचारण अनुताप उवनारा नाहा 30 कोईत जेहलो तुमु पहीले देवाची आज्ञा महांआ नाहा पोन ओमे त्याआ आज्ञा न माननाराआ तुमापो दया उवी 31 तेह्लेच तिये पण ओमे आज्ञा कोल्यू नाहा का तुमापो जी दया उवनारा होय तीयावाही त्यांपो आपा ओवो 32 कोईत देवूही आखाज आज्ञा भांगाच्या होपित कोईत मेक्ल्ये होये आखापो दया कोईली 33 अहाहा! देवाची धनदौलत आना वृद्धी आना ज्ञान ए केतो अगाध होय त्याआ फूस केतो गहन आना त्याआ मार्ग केतो अगम्य होय 34 प्रभूच्या बुद्धीला कोडु समजाडीला ? आना तिया मंत्री कोडू ओतु? 35 काहा कोडु त्याहा पहीले त्याहा किबी आपिलू होय ज्याआ त्याहा फेड कोईत आपिलू जानारू ? 36 कोईत त्यापोरोत आना त्याज त्यापोरत आना त्यांकोअता आखे किबी होय त्याआ गौरव पिडीनपीडी होवेआमेन.