रोमन 10

ऐ पायहो माआ मोनाआ इच्छा आना त्याआ कोअता परमेश्वरा हा माआ प्रार्थना होय का वे त्याह उद्धार जोड़े 2 काहाके का आय त्याआ साक्ष आपोहो का त्याहा परमेश्वराकोअता आशा होय , परंतु बुद्धीवालाआरी नाहा 3 काहाके का परमेश्वराआ धार्मिकतेची अनोळखातीनाहा ओतगोल्यु आना आपाआ धार्मिकतांनी अनोळखातीनाहा ओतगोल्यु आना आपाआ धार्मिकता स्थापित कोइलाकोअता यत्न कोईत परमेश्वराआ धर्मिक्ताआ आधीन उवे नाहा 4 काहाके का हरएक विश्वास कोइलाकोअता धर्मिक्ताआ नुसार ख्रिस्त येशू नियमशास्त्राचा आखिर होय 5 काहाके का मोशेई ओ लेखिलो होय का जो मांहु तिया धार्मिकतेवर जे नियमशास्त्रामेहे होय , चालातुलू , तोज त्यापोरोत जिवंत रोला 6 पोन जी धार्मिकता विश्वासा होय ती ओ कोतली, 'तू आपाआ मोनोपोरे ओ कोओलो नाहा का होर्गाम कोडू चढेल? (अर्थात ख्रिस्ताहा उतारीत लाविलोकोता!) 7 नाहा ताहा अधोलोकात कोडू उतरेए ? (अर्थात ख्रिस्ताहा मोल्यामरोत जिवंत कोईत उसे लाविलोकोता) 8 पोन ते नाहाकोत कोतली, ओच का 'वचन तापो होय , ताआ सोबीमेहे आना ताआ मोनुमे होय , ओ तोच विश्वासाआ वचन होय जे आमुहू सुवार्ता कोतलू' 9 का केधी तू आपाआ सोबिकोईत येशुहू प्रभू मानीत अंगीकार कोअनारू आना आपाआ मानआप्यो विश्वास कोअनारू का परमेश्वराने त्याहा मोल्यामरोत जिवंत कोल्यु होय , ताहा ताहु निच्शीत उद्धार पावेल 10 का धार्मिकताकोता मोनामोरोत विश्वास कोल्योओ जात्लू, आना उद्धारासाठी सोबिवांही अंगीकार कोल्योओ जात्लू 11 काहाके का पवित्र शास्त्र ओ कोतली, “जो कोडु त्याआपो विश्वास कोअही, तो केधी लाजआली उवे नाहा” 12 यहुद्यामे आना युनानी माय किबी भेद नाहा याकोअता का तो आखाआ प्रभू होय , आना आपाआ आखाकोओता जे त्याआ नाव लत्ले उद्धार होय 13 काहाके का जो कोडु प्रभूऊ नाव लेही, तो उद्धार पावेल, 14 फासाड़ी ज्यापो तिये विश्वास कोल्योओ नाहा, ते त्याआ नाव केहलो लेही? आना त्याविषयी उनाअयो नाहा त्याआपो केहलो विश्वास कोआ ? आना घोषणा विना केहलो होमीजीलो? 15 आना केधी मोकल्ये जानारू नाहा ताहा केहलो घोषणा कोआ जेहलो लेखिलो होय , त्याआ गुडू केतो मनोरम होय , जो हाजा गोठीई सुवार्ता उनावूत्लु 16 पोन आखाज तियाअ सुवार्तेपो कान लागाडले नाहा, त्यांकोअता यशया कोतलू, “ओ प्रभू, कोडु आपाआ सुवार्तेपो विश्वास कोल्योओ होय ?” 17 आखरी: विश्वास उनाइलो आना उनाइ ख्रिस्ताच्या वाचीलीदेखऊ होय 18 पोन आय कोतलू, नाहाकोत तिये उनाअयो नाहा? उनाअयो ताहा होय काहाके का लेखिलो होय “तिया स्वर आखे धोरतीपो आना त्याआ वचन जुगाआ शेवटपोरोत पोतले होय ” 19 आय फासी कोतलू, नाहाकोत इस्राएल माहु ओलखे नाहाआत्लू? पहीले ताहा मोशे कोतलू, “आय तीआद्वारे जी जाती नाहा तुमाआ मोनामे जागे पोचाडिलो, आय एक मुळ जातीई त्यापोरत तुम्हामे इर्ष्येस पेटाळीदेही ” 20 फासाड़ी यशया जाअखो उनात्लूहाने ओतगोल्यु कोतलू, “जे माहु होदिअलो नाहा, तिये माहु जुळाविते, आना जे माहु विचारोम पण नाहाआत्लू, त्यांपो आय प्रगट ओतगोल्यु गोल्यू” 21 पोन इस्त्राएलआ विषयी तो ओ कोतलू, “आज्ञा न माननारू आना वाद कोअनाऱ्या प्रांताकडे आय आखे दीही आपाआ आथे जर्विनारू होय. ”