रोमन 6

ते आमु की कोनार काय आमू पाप कोअता रोनारा का अनुग्रह जाआखो होय 2 कदाचित नाहा आमुहू जेव्हा पापोकोअता मोअये ओते तेहालाम आगाडी तीयाम केहलो जीवोन घालवणार? 3 नाहाकोत आमुहू नाहा मोलुम का आमुहू आखे जिये ख्रिस्त येशुऊ बाप्तिस्मे लेदो तेहालाम त्याआ मोरतला आमुहू बाप्तिस्मे लेदो 4 ताहा फासाड़ी आपु तियाअ मोईला बाप्तिस्मे स्वीकारीत आमुहू त्याआ आरी पुरीतगोयलो गोल्यू काहाके एहलो ख्रिस्त आबहाआ गौरवाच्या त्यापोरत मोल्यामरोत जिवंत कोल्यु तेहलूज आमुहू पण नवो जिवलाहारखे सालीलो 5 काहाके आमु जर त्याआ मोईला प्रतीरुपोओ तीयाआरी मिलून गोये होयते खरोज त्याआ जिवंत लेईलो प्रतीरुपोओ पण जोडीत जानारू 6 आमुहू मोलुम होय का आमाआ जुनो मांहु त्याआ आरी ख्रिस्तापो सोडवियू गोल्यो, काहाके पापाआ डील व्यर्थ ओतगोल्यु जानारू आना आमुहू आगाडीकोता पापाआ दास्य कोहू कायना 7 काहाके जो मोईत गोल्यो तो पापांनी मुक्त ओतगोल्यु नीतिमान ठरवील्यु 8 याकोता जर आमुहू ख्रिस्ताच्या आरी माईत गोये ताहा आमाआ विश्वास ओ होय का त्याआ आरी जीविलोहाये पण 9 काहाके ऐ होमजीतेहे का ख्रिस्त मोल्यामरोत जिवंत ओतगोल्यु फासी मोअनारू नाहा यापोरोत फासी मरण फासी आवीत नाहा 10 काहाके तो जो मरण पाव्यू तो पापोकोअता एकुजवा मरण पाव्यू , परंतु जो जिवंत होय तो देवोकोते जिवंत होय 11 ऐहलेच तुमु पोन आपाआ स्वतःहा पापोकोअता ताहा मरा , परंतु देवोकोते ख्रिस्त येशुमेहे जिवंत सोमजा 12 याकोता पाप तुमाआ डीलोम आधीन न उवे का तुमु त्याआ लोभा आधीन रोहू कायना 13 आना न आपाआ डीलोआ अनीतीची साधन लेनिके पाप साखजपर्ण करापण स्वतःहा मोल्यामरोत जिवंत ओवल्यु होमजीत देवोहो साखजपर्ण को आना आपाआ अवयव नीतीची साधन लेनिके देवोहो साखजपर्ण को 14 तेहालाम तुमापो पापोओ प्रभुता नाहा आविलो काहाके तुमु नियमाआ आधीन नाहा ताहा कृपेच्या आधीन होय 15 ताहा नाहाकोत उवे? नाहाकोत आमुहू याकोअता पाप कोईओलो का आमुहू नियमाआ आधीन नाहा ताहा कृपेच्या आधीन होय ? कदाचित नाहा 16 नाहाकोत तुम्हामे नाहा मोलुम का ज्याआ आज्ञा मानिलोकाजे तुमु स्वतःहा गुलामाहोस साखजपर्ण कोईत आपत्ले त्याआज गुलाम होय जर पापोकोअता ज्याआ मरण धोर्मी होय ? 17 पण देवोओ धन्यवाद होय का तुमु जे पापाआ गुलाम ओये ओमे मोनामोरोत तियाअ हिकाडीलोकोता आवीत गोये ज्याहा आपाआ कोलामेहे आपिलू 18 आना पापो सोडवीत धर्माआ गुलाम ओतगोल्यु गोये 19 आना तुमाआ देस्वभावाच्या दुर्बल त्यावाईहि मनुष्यव्यवहारा प्रमाणोओ आय गोगत्लू जेहलो तुमु आपाआ अवयवहो अधर्म कोइलाकोअता अमंगल पण आना अधर्म एहलो दास एहलो साखजपर्ण कोल्यु गोये तेहलूज ओमे आपाआ अवयवहो पवित्रतेसाठी नितीमत्वाला साखजपर्ण को 20 जेव्हा तुमु पापाआ दास ओते ताहा नितीमत्व संबंधाने अलग ओतु 21 आखिर ज्या गोठीई ओमे तुम्हामे लाज लागल्यो ओती याकोअता तियाअ वेले नाहाकोत तुम्हामे फोल मिलीअलो ओते ? काहाके त्याआ आखिर ताहा मरण होय 22 पोन पापुमे मुक्ती मिलवीत आना देवोओ दास बोणीत तुम्हामे फोल जोडयेहे ज्याआपोरोत पवित्रता जोडयो ओते , आना त्याआ आखिर सार्वकालिक जीवोन होय 23 काहाके पापाआ वेतन मरण होय परंतु देवोओ वरदान आपाआ प्रभू येशू ख्रिस्तामध्ये सार्वकालिक जीवोन होय.