रोमन 5

ओमे जाहा विश्वास मेकित धर्मी थोरे ते आपाआ प्रभु यीशु मसीह ई द्वारे परमेश्वराआ आरी मेल मेका 2 ज्याआ द्वारा विश्वासाआ कारनोवाही तियाअ कृपेपर्यंत ज्याम आमुहू बनलो होयेत , आमाआं पोत्यू पण, आना परमेश्वराआ गौरवाच्या आशेपो खत कोअला, 3 केवळ ओच नाहा, नहाते आमुहू क्लेशातपण खत कोहू , ओ जाईत का क्लेशानी धीर, 4 आना धिराआ खर निक्लीयो आना खोरो निहिगोलुने आशा उत्पन्न ओती, 5 आना आशेनी लजीत उवनारा नाहा काहाके पवित्र आत्माआ जी आम्हुहू आप्या गोल्यो होय त्याआ व्दारे परमेश्वराआ प्रेम आम्हा मोनुमे मेकल्या गेल होय 6 का जाहा दुर्बकच ओतू , ताहा ख्रिस्त ठीक टायमोमें अभंकतासाठी मोल्यु 7 कोडु धोर्मी माहाकाजे कोडू मोईतगोईल्यू , ओ ताहा दुर्बळ होय परंतु उवहू सेकोहो कोडला हाजा मांहाकोअता कोडु मयलाकोता पण धाडस कोअही, 8 पोन परमेश्वर आमापो आपाआ प्रेमाची प्रमाण आव रीतीवाही प्रगट कोअता का , जेव्हा आमुहू पापीज ओते तेहालाम ख्रिस्त आमच्यासाठी मोल्यु, 9 आखरी जेव्हा का आमुहू ओमे त्याआ रक्ताआ कारनोवाही धोर्मी ठरेल, ताहा त्याआ द्वारा परमेश्वराआ क्रोधावाही वाचीलोअ नाहा 10 काहाके एके दुश्मन उविलाआ दशामे त्याआ पुत्राच्या मृत्युच्याआ व्दारे आमाआं भेट परमेश्वरा आरी उवी , ताहा भेट होतगोयो ओवल्यु फासाड़ी त्याआ जीवनाआ कारनोवाही आमुहू उधार काहा पावनारू नाहा 11 केवळ ओच नाहा, परंतु आमुहू आम्हा प्रभु येशु खिस्ताच्या व्दारे ज्याआ व्दारे आमाआं भेट उवी परमेश्वरा आरी आनंदाम ओये 12 याकोअता जेहलो एक माहाहा व्दारे पाप जगात आव्ये आना पापाआ द्वारा मोरण आवयू आना अश्या रीतीवाही मोयगोल्यो आखे माआहामेरोत फैलावीत गोल्यो काहाके आखाज पाप कोल्यु 13 नियमशास्त्र आप्या जालुजापोर्त पाप जगुमे ताहा होतुजे परंतु जीही नियमशास्त्र नाहा तीइही पाप मोजीलो जानारू नाहा 14 तारण आदामापेलरोत होतगोयो मोशे पर्यंत मोयोतीया आव माहापोरोत पण राज्य कोल्यु, जिये तियाअ आदम, जो तो त्याआ आवनारा चिन्ह होय का अपराधाआ एकहरको पाप कोल्यु नाहा 15 पोन जीही अपराधाची दशा होय , तेहेली कृपा दानाहा वरदानावाही नाहा, काहाके का जेव्हा उनाआ माहाहा अपराधाने जाअखो माहे मोअये, ताहा परमेश्वराआ कृपादान आना त्याआ जे दान एक मांहाआ , अर्थात येशुख्रिस्त कृपादानानी उवे जाअखो माहापोरोत आवश्यकच पुष्कळच उवे 16 जेहलो उनाआ मांहाआ पाप त्याकाजे फोल उवे, तेहलूज दानाहा ठेराव पोयो, परंतु जाअखो एहलो अपराधाच्या कारनोवाही तेहलूज वरदान उत्पन्न पोयो का माहे धोर्मी ठेरती 17 काहाके का जाहा उनाआ माहाहा अपराधाच्या त्याकाजे मोरण लेतजा त्याआ एकाच जमाहा द्वारा राज्य कोल्यु ताहा जेलोष कृपादान आना धर्मरूपी वरदान जाअखो मिलन्ये ओते ते एक मांहाआ , अर्थात येशु ख्रिस्ता द्वारा आवश्यच अनंत जीवनामे राज्य कोआ 18 याकोअता एहलो एक अपराध आखे महुकाजेहे दंडाओ आज्ञेचे, काहाके उवे तेहलूज एक धर्म त्याआ काम पण आखे महुकाजेहे जीवनाआ निमित्त धोर्मी ठेरविल्या जाआलो काहाके उवे 19 काहाके का एहेलू एक माहांआ आज्ञा न पालेताहां जाअखो माहे पापी ठरव्येहे तेहलूज एक मांहु आज्ञा पालेताहां जाअखो माहे धोर्मी ठरव्येहे 20 नियमशास्त्र मायतेच आवीत गोये का अपराध जाअखो ओवो परंतु जीही पाप उवे तीइही कृपादान त्यापोरोते पण जाखा उवे, 21 जेहलो पापुमे मोरण वेरत्लोन राज्य कोल्यु, तेहलूज आम्हा प्रभु येशु ख्रिस्ताआ व्दारे कृपादानपण अनंत जीवनाकोअता धोर्मी ठरवितलाताहा राज्य कोल्यु.