रोमन 7

ऐ पाही काम तुमु नाहा जाआना आय व्यवस्थाआ जानाराहा कोहो का जाहा जाआ माहू जीवतु रोतलू होय ताहा जाआ त्याआ पोओं व्यवस्था आ प्रभुता रोतली होय 2 काहाके का वाजेवाले बोयोआ नियमशास्त्राआ अनुसार आपाआ माट्योह जीवानामेहे त्याआ आरी बांधीतमेकली होय परंतु केधी माटी मोईत जाइअलो, ताहा ती माट्योह नियामामेहेरोते हुटोत गोयी 3 याकोअता केधी माट्योह जिवंत ओयताहा ती कोडला बिहीरा माट्योओ होतगोयो गोयी, ताहा व्याबिचारीम्हटल्या जाइअलो, परंतु केधी माटी मोईत गोल्यो ताहा ती तियाअ नियामामेहेरोते हुटोत गोयी, इही पर्यंत का केधी कोडु बिहीरा माट्योओ होतगोयो गोयी तेबी व्याबिचारी कोअनारू नाहा 4 तेहलूज माआ पाहीही तुमु पण ख्रिस्त देह्च्या झर नियमशास्त्रासाआ मोल्या बोणाडीत गोये , का तियाअ बिहीरा आमुहू परमेश्वराकोअता फोल लेताआवहु 5 काहाके का जाहा आमु शारीरिक ओते , ताहा पापोओ अभिलाषा जे नियमशास्त्राआ व्दारे ओती, मोईतगोल्यू त्याआ फोल उत्पन्न कोइलाकोअता आम्हा डीलामेहे काम कोईत ओते 6 पोन ज्याआ बंधनामेह आमुहू ओते त्यांकोअता मोईत, ओमे नियमशास्त्रातून एहलो हुटोत गोये , का पालीत लेखनो जुनो रिती उपो नाहा, नहाते आत्म्याआ नवो रीतीपो सेवा कोअता 7 ताहा आमुहू नाहाकोत कोडु नाहाकोत नियमशास्त्र पाप होय न्यावडीनारो नाहा नहाते विना नियमशास्त्राआ आय पाप नाहा ओळखीतल्यो नियमशास्त्र केधी नाहा कोल्यो का लालूच कोहू नाहा ताहा आय लालच्य ओलखे नाहा 8 पोन पापुमे संधी साधून आज्ञहे व्दारे मामेह आखे एह्लाम लालूच उत्पन्न कोल्यु, काहाके का विना नियमशास्त्राआ पाप मोल्या होय 9 आय ताहा नियमशास्त्राआ विना जिवंत ओतू , परंतु जेव्हा आज्ञा आवयी, ताहा पाप जिवंत उवे, आना आय मरण पावलो 10 आना तेज आज्ञा जी जीवनाकोअता ओती माकोअता मोअली काहाके ठर्विल्यो 11 काहाके का पापण्या संधी साधून आज्ञहे व्दारे माहु बोह्कावी आना त्याज व्दारे माहु देद्बी टाक्ये 12 याकोअता नियमशास्त्र पवित्र होय , आना आज्ञा पण ठीक आना हाजी होय 13 ताहा नाहाकोत ती हाजी ओती, माकोअता मोईतगोल्यू ठरव्येहे कादापीच नाहा, परंतु पाप त्याआ हाजा वस्तूआ व्दारे माकोअता मोल्या उत्पन्न कोअनारू पोयो का त्याआ पाप उवे प्रगट उवे, आना आज्ञहे व्दारे पाप बहुमच पापमय ठरव्येहे 14 आमु ओलखीतलु का नियमशास्त्रातर आध्यामिक होय पोन आय कोअत्लू शारीरिक आना पापाआ आय वेचीलो होय 15 जे आय कोअत्लू त्याहा ओळखीतल्यो नाहा, काहाके का जे आय इच्छितो ते नाहा कोअत्लू, परंतु जीयेतीये माहु हेष लागेहे तोच कोअत्लू 16 केधी जे आय नाहा इच्छितो तोच कोअत्लू ताहा आय मानीत लेहो का नियमशास्त्र उत्तम होय 17 ताहा अश्या देशोमेहे माय त्याआ कोअनारू आय नाहा, नहाते पाप ओ मामेह बोहितरोलो होय 18 काहाके का आय ओलखीतलु का मामेह अर्थात माआ आगोमेऱ्यो कोंडली हाजी वस्तू वास नाहा कोईत इच्छा ताहा मामेह होय , परंतु हाजो काम माकोता बोणीत नाहा जात 19 काहाके का ज्या इच्छो कामाहा आय हाजो कोअत्लू, तो ताहा नाहा कोईत , परंतु ज्या चुकीने हाजो नाहा कोईत , तोच कोअतुज रोतलू 20 आखरी केधी आय तोच कोअत्लू ज्याआ इच्छा नाहा कोईत ताहा तिया कोअनारू आय रोयोजे नाहा परंतु पाप जे मामेह बोहितरोलो होय 21 याज प्रकारे आय ओ नियमशास्त्र मिलवीत लेहो का जेव्हा हाजो कोअला इच्छा कोअत्लू, ताहा वाईट माआ त्याही येत 22 काहाके का आय मायत्या माहुहू ताहा परमेश्वराआ नियमशास्त्रातून जाखो प्रसन्न रोतलू 23 पोन माहु आपाआ डीलोमे बिहीरा प्रकाराआ नियमशास्त्र देखाईलो येत जे माआ बुद्धी नियमशास्त्रातून चुलाल्यु आना माहु पापाआ बंधनामेह टाकत्लू जे माआ डीलोरी होय 24 आय केहलु किबी माहाहू होय ! माहु याआ मृत्युच्याआ देहाणी कोडू सोडवे 25 आमु प्रभु येशु खिस्ताच्या व्दारे परमेश्वराआ धन्यवाद ओवो याकोअता आय आपाआ दिमाआके परमेश्वराआ नियमशास्त्रातून परंतु डीलोवाही पापाआ नियमोमेहे खालो कोअत्लू.