27
जाहा ओ खोरोज ओत गोयो का आमू जहाजोमेहेरोत इटली जाहू तो ते पौल आना बिहरा थोड़ा बोंन्दीह बी युलीयुस नावाआ अौगुस्तु साआ टोलाआ एक सुभेदाराआ आथे होपीत देदो 2 अद्रमुतीयच्या उनाआ नावेपो जी आशियाआ किनारापो जागापो जाण्यावर ओतु, सोडवीत आमुहू त्याहा उगाडीत आपिलू आना अरीस्तार्थ नावाआ थेसलनिका एक मासोदोनिया आम्हा आरी ओतु 3 बिहीरा तेदीही आमुहू सिदोनामेहे लंगर टाक्यी आना युलीसने पौलापो कूप्रा कोईत त्याहा दोस्ता जागे जाऊ आपिलू का तिया सत्कार कोल्योओ जावा 4 तिहीरोम जहाज उगाडीत कुप्रा च्या विरूध उविलाआ कारनोवाही आमुहू कृपेच्या आड माय सालीलो 5 आना किलीकीया आना पंकुच्या जागेण्या समुद्रामे निहित लुक्या प्रांतामे मुर्या माय उतरीलो 6 तीइही जमादाराआ आलेक्सांद्र याआ एक जहाज इटलीहि जाअलावेले मिल्ये आना त्याहा आमुहू त्याआपो चोढावीन आपिलू 7 जेव्हा आमुहू जाअखो दिहेजा बागे -बागे चालते कुप्राच्या कनिदासमोर पोतले ताहा याकोअता का वारू आमुहू आगाडी जाऊ आपित नाहाओती सलमोनाआ समोरण आविलो कृपाआ आड होय 8 फासाड़ी आमुहू वोडा प्रयत्नाआ त्याआ काठोकाठ हाजी किनाराआ नावोओ जागापो आवयू त्याआ जागे लसया नगर ओते 9 जेव्हा जाअखो दीही ओतगोल्यु गोये आना पाई दीही निबरीत गोये ओते आखरी पौलाने त्याहा ओ कोत समजाडीला 10 ओ प्रीयांनो, माहु एहलो देखात्ले का आव प्रवासाम विपत्ती आना जाअखो नुकसान , नाहा केवळ माहु आना जहाजाआ नहाते आम्हा प्राणाआ पण उवे होय 11 पोन जामादाराहा पौलाचआ गोथिहिई आना जाहाजाआ स्वामिना गोथिहिई वोदित मान्ये 12 तो किनाराआ थंडी कालीलाकोअता हाजू नेओतू , यकोअता जाअखो जोह फूस आवयू का तिहीरोम जहाज उगाडीत केधी कोडला रीतीवाही ओवुहू गोयो ताहा फिनिक्स पोतडहु हिवाळा कालविला ओ ताहा क्रेत चा एक किनाराआ होय जो दक्षिण पश्चिम आना उतरे त्याही पोत्ली 13 जाहा थोडो -थोडो दक्षिणी वारू चालीलो उवी तेहालाम ओ होमजीत का आमाआ बेत पुरो ओतगोल्यु गोल्यो होय ओल विसित आना-आना मेरो तोईतीज क्रेते जाऊ लागाडीत 14 पोन थोडो टायमोमे जमिनिमेने वोडो वादोल उठे, जे युरकुलोन कोल्यो जाहो 15 पोन वादोल नावेपो आवहू लागाडीत तेहालाम ते त्याहा थाबाडीहि सेकेले नाहा आखरी आमुहू त्याहा वोहुहू आपिलू आना आव रीतीवाही वोहीलावेले निहित गोल्यो 16 तेहालाम कौदा नावाआ एक उहाणू बेटाआ आड माय वोह्ती -वोह्ती आमुहू मेहनतकोअने आमुहू घेडीला वंशात कोहू लेहु 17 फासाड़ी योजनेने विसित आमुहू उपाय कोहू घेडीला निचोरोते बानदल्यो आना ते सुर्ती नावोओ भाटीपो टेकाडीलाआ बिखीकी शीड आना एकहरको उतारीत वोहीलावेले निहित गोये 18 जाहा आमुहू वादलामोरोत जाखो धक्के खाले तेहालाम बिहीरा तेदीही ते जहाजाचे माल टाकहु लागाडीत 19 आना तिसऱ्या तेदीही तिये आपाआ आथोवाही जहाजाचे आरन्यो एकहरको पण टाकीत आपिलू 20 जाहा जाअखो दिहेजा नाहा दिह नाहा चांदणे देखायो आना वादोल सालतीज रोल्या, ताहा आखरी आमाआं वचनामे आखे आशा जात गोयी 21 जाहा ते जाखो दीही पर्यंत फुकल्यो रोत गोये तेहालाम पौलाने त्यामे उभे रोत कोल्यो , याआ लोकाहा माआ उनाईला जोवे ओते का क्रेत पोरोत नाहा नाव सोडीत ओते आना ए विपती आवयी ओते आना नाहा ए नुकसान विशिलो लागीई ओते 22 परंतु ओमे आय तुम्हामे सोमजेत का धैर्य तोआ, काहाके तुमाआ मायारोत कोडाआ नुकसान उवे नाहा पण केवळ होडीची उवे 23 काहाके का परमेश्वर ज्याचा आय होय आना ज्याआ नमन कोअता त्याआ स्वर्ग्दूतोवाही आज राती माआहने आविलो कोल्यो , 24 ओ पौला बित नाहा, ताहु कैसरआ आगाडी उभे रोहिलो आवश्यक होय , पाला , परमेश्वराने आख्याहा जे माआ आरी होय प्रवासजाआलो कोईत ओते त्याहा ताहु आपिलू होय 25 याकोअता ओ पाहीही, धैर्य तोआ काहाके का परमेश्वराआ विश्वास कोअत्लू, का जेहलो माहु कोल्यो गोये होय तेहलूज उवे 26 परंतु आमुहू कोडला तेबी बेटापो जात थोबा लागे 27 जेव्हा चौदावी रात आवयी आना आमुहू आद्रिया समुद्राम फिरेहे रोयोजे तेहालाम आर्दी रातीई सुमारास निसरयु माहुंहु जाअये का आमुहू कोडलोतेबी देशोजागे पोत्यू होय 28 बुडीत टाक्ये तेहालाम वीस वाटे पाअये , आना थोडो आगाडी वोदित फासी मोजला तेहालाम पंधरा वाटे आव्ये 29 तेहालाम डोळा जागाने ठोकर लागीला बितकोइत तिये नावेए फासाडी चोर ओल टाक्ये आना वेगीई होऊला वात पाल्हू लागाडीत 30 पोन जाहा मल्याह नावेमरोत पालुहू इच्छित ओते आना नालीपो ए ओल टाकीला बहानाआ खलाशी समुद्राम उतारीत आप्यी 31 तेहालाम पौलाने जमादार आना सैनिकांआ कोल्यो , केधी ओ नावेपो न राहो, तुमु पण तीयाम वासई शकत 32 तेह्लाम सैनिकाआ दोरी वाडीत पोडहू आप्यी 33 तेहालाम वेगीवेल उविलापो ओती तेहालाम पौलाने ओ कोत आख्याहा रोटू कोईलाकाजे होमजाद्योहो आज चौदा दीही उवे का तुमु वात पालीत- पालीत फुकल्यो रोल्या आना किबी खाले नाहा 34 याकोअता तुम्हामे होमजाडीलो का किबी खात ल्या , ज्याआपोरोत तुमाआ बचाव उवे काहाके का तुमाआ मुनकापे एक सिंज्ये पण कोम उवे नाहा 35 ओ कोत तिये आखाआगाडी परमेश्वराआ धन्यवाद कोल्योओ आना तोडीत खाहुं लागाडीत 36 तेह्लाम ते आखे धाडस बांधीत रोटू कोअला लागाडीत 37 आमु आखे मिलून जहिजापो बेनहोव शत्तीस जोओ ओते 38 जाहा ते रोटू कोईत तृप्त उवे, फासाड़ी तिये गोवोहो समुद्राम टाकीत जहाज ओलको कोहू लागाडीत 39 जाहा दीही निहीलानंतर तिये तियाअ देशुई ओलखे नाहा परंतु एक खाडी देखल्यी तीई हारको मेरो ओतु, आना फूस कोल्योओ का केधी उवहू गोयो ताहा याआपो जहाजाआ टेकाळ 40 तेहालाम तिये नांगराआ सोडीत समुद्राम सोडीत आपिलू, आना त्याआ टायमोमें सुकानाची बंधने ढिली कोअयी आना हवे आगाडी आगाडीई शिढ चोढावीन किनाऱ्यापो निकलीलू 41 पोन बेन समुद्राआ संगमाआ जागापो तोईत तिये जहाजाआ टेकाडये आना नाळ ताहा धक्का खात गच्च उवी आना तालई शकली नाहा परंतु आराम लहराआ जोरेज टूटीत लागीई 42 तेहालाम सैनिकांआ ओ फूस पोयो का कैदी होय त्याहा माईत टाकिलोएहलो न ओवो का कोडु तोरीत निहित जाइअलो 43 पोन सरदाराआ पौलाहा वासाडीला इच्हावाहि का जो पाल्हू शकतो तिये तोरीत पहीले किनारावपो निहित जालो 44 आना बाकी किबी फोलापो आना किबी नावेए फोलापो निहित जा आव रीतीवाही आखे किबी धारतीपो वासित गोये.