28
जाहा आमू वाचाईत नीह्या ते मोलुम पोडयो का ओ द्वीप माल्टा नावोओ होय 2 यीजागेपोरोत मुळ निवासी ओते तिये आमाआरी असाधारणआ रुपोमे हाजो व्यवहार कोल्यु काहाके हिवाळा ओतु आना पाई आवीत ओतु त्याकोता तिये आगी पेटाळयी आना आमु आखाआ स्वागत कोल्यु 3 पौलाने काडाहू एकठे कोईत बाधल्यो आना तियाअ कातकाहा आगीपो मेकल्यु एतांम उष्णता हितगोल्यो एक विषारी हाप बारथे आवयू आना तिये त्याआ आथ चाविलोओ 4 तेहालाम तीही माहु जेव्हा त्याआ आथापो लोटकील्यू हाप पेल्ल्लु, तेहालाम आपसामेहे गोगू लागाडीत , 'खरोज ए ओ माहहू खुनी होय ' ओमे ओ समुद्रा वचल्लू होय परंतु न्यायदेवता याहा जगू आपित नाहा 5 पोन तिया सापाला आगीम फोकडीत आपिलू आना पौलाहा कोडोबीही प्रकाराआ लाग्यो उवी नाहा 6 माहे फूस कोईत ओते का याहा हुज आवे आना तो धरतीपो पोडीत मोईत जाइअलो परंतु जाखो वेल वात पाहिलाबादमे आना तिये ओ पालील्यो का त्याहा असाधारणआ किबी लाग्यो उवी नाहा तेहालाम तिये आपाआ युक्ती बोदल्यो आना ते कोल्यो , 'ओ ताहा कोडु देवला होय ' 7 तियाअ ठिकानाही तियाअ ठिकाणाहा प्रधान अधिकारी पुब्ल्यीका खेतू होयल त्याहा आपाआ कोआ घेऊन गोल्यो आना आमुहू स्वागत- सत्कार कोल्यु तिये तीन दीही आमाआ आदराकोईत पावनाहाखावाडीलो कोल्योओ 8 पुब्ल्युचा आबहू चादरामे ओतु तो जोरू आना आंबवट रक्ताआ मांदवाड्यू पोडीत ओतु पौल त्याहा मिलनेकोता जागे गोल्यो आना तिये प्रार्थना कोअयी आना तिये आपाआ आथे त्याआपो मेकल्ये आना तो हाजू पोयो 9 आव घटनेबदमे तियाअ बेटापो होयतो आखे माद्वाड्यो त्याजागे घेऊन आव्ये आना ते हाजो उवे 10 तिये आमुहू जुदेजुदे प्रकारे मानपान आपिलू आना तिहीरोत जेव्हा निहीलावेले आमुहू होडीकडे जात ओतुताहा तिंही तिये आमुहू आवश्यक ओनाआरी आखे वस्तु आमुहू लेतआवीत आप्यी 11 फासाड़ी अलेक्सांद्रच्या उनाआ नावूमे बोहित आमुहू त्याआ जागापो निहयू इयाच बेटापो नाव जडाम अडकली ओती नावेए आगाडी भागुम बेनपोट पाही चिन्ह देखाडये ओते 12 फासाड़ी आमु सराकूस जात पोत्यू जीही आमुहू तीन दीही थोबित ओतू 13 तिहीरोत आमुहू डूगाव्दरे रेगीयोन पोत्यू आना आगाडी तेदीही पुतीयोली पोत्यु 14 त्याजागे आमुहू किबी पाही जोडयेहे आना तिये आमुहू त्याजागे सात दीही थोबुह कोल्यो आना ह्याप्रमाणे आमुहू रोम माय आवयू 15 जेव्हा तियाअ तीजागेरोत पायहोहो आमाआं सुचला जोड़ी तेहालाम ते अपियाची बाजार आना तीन उत्तर शाळा येथपर्यंत आमुहू आगाडी आव्ये पौलाने ओ जेव्हा पालील्यो तेहालाम परमेश्वराआ धन्यवाद आपित ते जास्तीज उत्साहामे उवे 16 जेव्हा आमुहू रोम इंही पोत्यू तेहालाम उनाआ शिपायाआ पहाराम पौलाहा अलग रोइलाकोअता परवानगी आप्यी 17 तीन दिहीआ पौलाने यहुदी अधिकाऱ्यांना हादाडये आना ते एकठे आव्ये तेहालाम तो त्याहा कोल्यो , ऐ, पाहीही, जर आय आपाआ जात किंवा आपाआ आगडीडाये याआ विधी विधानांविरुद्ध किबी कोल्यु नाहा तेबी पण माहु यरुशलेम माय माहु अटक कोईत रोमलाआ होफहोपिन आपिलू 18 तिये माआ चौकशी कोअयी आना माहु सोडीत आपिला ठेरव्यो, काहाके एहलो किबी आय कोल्यु नाहाआत्लू का तीयावाही माहु मृत्यूदंड आपा 19 परंतु तेहालाम यहुदियाअत्राआ विरोध कोअल्यावांहि कैसरापो न्याय मागिलो माहु भाग पोडये परंतु याकोअता नाहा का आय आपाआ माहाहूपो दोष देखाडीही 20 ओच काहाके ओते का ज्यावाही तुम्हीही मिते आना तुम्हीही गोगीला ओते काहाके इस्त्राएलचआ ओच भोरुसो होय का त्याआकोताज आय हाकलीकि बादितमेल्यु होय 21 यहुदी अधिकार्यांवाही पौलाहा कोल्यो, तुम्हबारमे यहुद्यापोरोत 22 किबी पत्र जोडयेहे नाहा आना तिहीरोत आवल्यावाही कोडुबी तुम्हाविषयी विसारपूस कोअयी नाहा किंवा तोह्बारामे कोडु वाईट कोल्यो नाहा 23 परंतु ताआ फूस नाहाकोत होय ओ आमुहू ताआपोरोत उनाईलो होय काहाके आमुहू मालूमे होय का माहे आखे जागापो याआ पंथाविरोधाम गोगत्ले 24 तेहालाम तिये त्याआरी एके तेदीही खरोज कोल्योओ आना फासाड़ी ते ज्या जागापो ते थोब्यो ओते तियाअ जागापो वोडो संख्या माहे एकठे जमा उवे ओते , मुस्साहा व्यवस्था आना संदे ग्रंथापासून येशु विषयी होमजाडीकोअता आना खात्री कोईत आपित तिये परमेश्वराआ राज्याविषयी आपाआ साक्षी आप्यी तो वेगीई त्यापोरोत हांजेपो पर्यंत ओच होमजाडीकोअता पुरो वेल कालीत 25 तिये जे किबी कोल्यो ओते तीयाम किबी माहे सहमत उवे परंतु कोढीबी विश्वास कोल्योओ नाहा 26 फासाड़ी आपसामेहे सहमत उवे, आना तियाअ तीजागेरोत जाऊ लागाडीत तेहालाम पौलाने एक गोठी फासी कोल्यी , 'यशया भविष्य वक्ताच्या त्यापोरत पवित्र आत्मावांहि तुम्हामे ठीक कोल्यो ओते ' 27 जात याआ माहुंहु कोअलो, “तुमु उनाआनारू पण होमजीहि नाहा, कदाचित; तुमु पालीत रोही , परंतु केधीज देखाय नाहा” 28 'काहाके ज्याआ मोनाहा पाअया उवे होय , कान त्याआं कठीनतावाही उनाईत रोतेहे आना तिये आपाआ डोआं बंद कोअयी काहाके एहलो केधी न उवे का ओ आपाआ डोआवाही पालिलो आना कानाकी होमीजीलो आना मोंनलागाडीत समझाडीत आना कदाचित वोले आना माहु त्याहा स्वस्थ कोईओलो लागे 29 जाहा तो ओ कोयो ते यहूदी आफसामेहे जाआखी वादावाद कोहू लागे आना तिहीरोत जाते रोये . 30 तो एहलो गोगीत ओतलू यहुदी वारुज वेल वादविवाद कोईत निहित गोये 31 तो आपाआ पाडाआ कोअमे पुरो बेन वर्ष उबलु ओतु जे कोडु त्याहा मिलनेकोता आवीत त्याआ तो स्वागत कोईत एहलो.