26
अग्रीपा पौलाहा कोयु ताहू आपाआ विषयामेहे गोगीलाआ आज्ञा होय ताहा पौल आथ आगाडी कोईत जापाप आपुहू लाग्यु 2 ऐ राजा अग्रिपा जेवढया गोठीमेहे यहुदी मापो दोष लागाड आज ताआ आगाडी त्याहा उत्तर आपुहू ते आपाहा धन्य उल्लासीत 3 विशेष कोईत यकोअता का तू यहुदी याहा आखे रीतीरिवाज आना वाद विषयी बाबी उल्लासीत आय आखिर विनंती कोअत्लू का धीर तोईत माआ उनाआ , 4 माआ चाल सालनुक पाल्या पोरोत आपाआ जातीमेहे आना यरुशलेम एहलो ओते ते आखे यहुदीयांना मोलुम ओते 5 जर ते साक्ष आपुहू इच्छिता ताहा पाल्या पोरोत माहु ओलखीत का आय परुसी ओतगोल्यु आपाआ धर्माच्या आखाम खोरो पंथाप्रमाणे जातलू 6 आना आखे आव प्रतीई माय का आशाआ कारनोवाही जे पूर्वजांहि आम्हा आगलाहा कोअयी ओती मापो न्याय चालते होय 7 त्याआ प्रतीक्षा पुरो होऊला आशा तोईत आमुहू बारा वंश आपाआ आखे मोनोवाही रात दीही नमन कोईत आव्ये होय राजा याज आशेच्या विषयामे यहुदी मापो दोष लागाड 8 जो का परमेश्वरआ मोल्याहा जिवंत कोअत्लू ताहा तुमाआ इही ए गोठी नाहाकोत विश्वास योग्य नाहा होमज्ये जाहो 9 आय पोन होमज्ये ओते का येशू नासरी च्या नावापो विरोधाम माहु जास्तीज किबी कोअला जोवे 10 आना आय यरुशलेमोमे ऐहलेच कोल्यु आना मुख्य याजाकाआरी अधिकार मिलवीत जास्तीज अन्याय माहुंहु बंदिकोओमे टाक्ये आना जेव्हा माअये जानारू ओते ताहा ते पण त्याआ विरोधाम आपाआ धनदौलत आपित ओते 11 हरएक प्रार्थना कोआत आय त्याहा नेहमी शासन कोईत येशुऊ निंदा कोईत लेत ओतु त्याशिवाय आअडितकोईत एहेलू वेल घेऊन गोल्यो का बारथे नगरामे पण जात तिये त्रास आपित ओतु 12 याज आवाजोमें जेव्हा आय मुख्य याजकाही अधिकार आना आज्ञा पत्र घेऊन दिमिष्काहि जात ओतू 13 ताहा ओ राजा नेहमी दिहेए टायमोमें जुगोपेक्षा सूर्याहा उजवोडोपेक्षा एक पेक्षा आपाआ आना आपाआ आरी सालनाऱ्या चारीपो चमकताआना देखल्यी 14 जाहा आमु आखे धरतीपो पडिलो ताहा आय इब्री भाषम माहु ओ कोल्यो एक शब्द उनाअलु, ओ शौला, ओ शौला माहु काहा त्रास आपोहो? परिणाम त्याहा माईलो ताकोअता जाखो कठीण होय 15 आय कोल्यो ओ प्रभू तू कोडू होय ? प्रभू कोल्यो आय येशू होय ज्याहा तू त्रास आपित होय 16 पोन तू उठ , आपाआ गुडापो उबु रो काहाके आय ताहु यकोअता दर्शन आपिलू होय का ताहु आव गोठी चा पण पावर आना साक्ष उवे जे तू पहीले होय आना त्याआ पण याकोअता आय ताहु दर्शन आपी 17 आना आय तुम्हामे ताआ माहुंहु आना अन्यजातीमरोत वाचाडलो रोही ज्याआपो आय ओमे यकोअता मोकलित का, 18 का तू त्याआ डोआं उगड्यो का ते अंधारामे प्रकाशापोरोत आना सैताणाहा अधिकारामेरोत देवाकडे वोलीलो म्हणजे पापोओ क्षमा आना तियाअ मांहाहा आरी जे मापो विश्वास कोईलावाही पवित्र कोल्यु गोये होय वतन मिलुजोवे 19 आखिर ; ओ राजा अग्निप्पा, आय तियाअ स्वरागाच्या राजाआ दर्शनाआ गोठी टालीलो नाहा 20 पोन पहीले दिमिष्कात, फासाड़ी यरुशालेमाहा आना जेव्हा यहुदीयाहा आखे त्याहा रोनाराआ आना बिहरे जाती मांहाहा समाजात रोला, यकोअता पश्चाताप को आना हाजो काम ते को 21 आव गोठीइ कारनोकोईत यहुदी मंदिरोम माहु माईत टाकीलाआ यंत्र रोचीत ओते 22 पोन देवाच्या कृपेणे आय ओमेजा होय आना वोडो हानू आखे आगाडी साक्ष आपोहो आना आव गोथिहिई सोडीत किबी नाहा कोल्यो जो संदेष्टाआ आना मोशेई पण कोल्यो ओते का ओ उवे होय 23 का ख्रिस्ताहा दुख भोगिलो लागे आना तोज पहीले मोल्यामरोत जिवंत ओतगोल्यु आम्हा लोकामेहे आना बिहरे जाती माय उजवोडाआ प्रचार कोअनारू 24 जाहा तो आव रीतीवाही उत्तर आपित ओतु तेहालाम फेस्ताने वोडा आवाजोमें कोल्यो , ओ पौला तू वेढा होय , जास्तीज ज्ञानाने तू माहु गांडे कोईत आपिलू होय 25 पोन पौल कोल्यो , ओ महाराज फेरता, आय वेढा नाहा पण खोरो ते आना आगाडी गोठी कोल्यो होय 26 राजा पण ज्याआ आगाडी प्रशस्तपणे गोगीत होय ए गोठी समाजात होय आना माहु विश्वास होय का आव गोठीमेहे किबी त्याआ पोरोत निकाली नाहा काहाके ए घटना कोडला कोपरामे उवी नाहा 27 ओ राजा अग्निप्पा, नाहाकोत तू संदेष्टाआ विश्वास कोअत्लू? होय , माहु मोलुम होय का तू विश्वास कोअत्लू 28 तेहालाम अग्निप्पा पौलाहा कोल्यो , तू जाहाकोज कोम होमजाडीअते माहु ख्रिस्त बानडह इच्छितो? 29 पौलाने कोल्यो , परमेश्वराआ माआ प्रार्थना होय का नाहाकोत कोम माय नाहाकोत मजार्तीम फक्त तांहुज नाहा परंतु जेवडे माहे आज माआ उनाईत, पाही जनाला सोडीत ते माआहोस ओतगोल्यु जालो 30 तेह्लाम राजा आना सुभेदार, बर्निंआ आना त्याआ शी बोहितरोलो उठित उभे रोल्या 31 आना अलग जात आपापरोयीन कोहू लागाडीत , ओ मांहु ताहा किबी कोईत नाहा जो कैद कोअता आवे आना तुरुगामे टाक्ये जानारू 32 अग्निप्पा लेतजा फेस्तालाआ कोइतलु , जर याआ माहुंऊ कैसराहि न्याय माग्ये कायनाओतो ताहा त्याहा मोकले कोल्यु ओते.