25
फेस्तुस त्या देसामेहे पोचीलाआ तीन देहो फासाडी कैसरीया मेहेरोत यरूशलेम मेहे गोयु 2 तेहालाम प्रधान याजक आना यहुदी माहाआ प्रमुख आगडी पौलाआ फिर्याद कोअयी 3 आना त्याहा विनंती कोईत त्याआ विरोधाम ओ इच्छिले, का तो त्याहा यरुशलेम माय बोलावला, काहाके का ते त्याहा वातेम माईत टाकीला घात कोईत ओते 4 फेस्तूम लेतजा उत्तर आपिलू पौल कैसरिया माय आना आय स्वतः वेगु तीइही जोलो 5 फासाड़ी कोल्यो , तुम्हामे जो अधिकार मेकात्ले तिये आरी सालीलो आना केधी आव मांहुहू किबी हादाड्यू काम कोल्यु होय ताहा त्याआपो दोष लागाडा 6 त्यांमे कोडु आठ दहा दीही रोत तो कैसरियाहा निगीत गोल्यो आना बिहीरा तेदीही न्याय आथरील्यापो बोहित पौलाहा बिहरे जातीइ आज्ञा आप्यी 7 जेव्हा तो आवयू तेहालाम ते यहुदी यरुशलेमो आव्ये ओते तिये आसेपासे उभे रोत त्यांपो जाअखो एहलो जाखोज एहलो आरोप लागाडले ज्याआ प्रमाण ते आपुहू शकत ओते 8 पोन पौलाने उत्तर आपिलू आय जे नहाते यहुदी नियमशास्त्राआ आना नाहा मंदिराआ, आना नाहा कैसराच्या विरोद्धामे कोडु अपराध कोल्योओ होय ? 9 तेहालाम फेस्तानी यहुदी माहुंहु खुश कोइलाकोअता इच्छांआ पौलाहा कोल्यो , 'नाहाकोत तू इच्छितो होय का यरुअशलेमाहा जा आना तीइही माआगाडी ताआ ओ मुकदमा निच्शीत कोल्योओ जावा 10 पौलाने कोइतलु , 'आय कैसरआ न्याय आसनाहुमुर उबु होय माआ मुकदमा ओ कैसारला उवूंहू जोवे जेहलो का तू हाजा रीतीवाही ओलखित्लू, का यहुद्याआ आय किबी अपराध कोल्योओ नाहा 11 केधी आय अपराधी होय आना माईत मेकल्या जालो योग्य कोठले काम कोल्यु होय ताहा मोयईला नाहा अन्याय परंतु ज्या गोठीई ओ मापो दोष लागाडीत होय केधी त्यामेरयू कोडु पण ए गोठी खोरी ठराविलो नाहा, ताहा कोडु माहु त्याआ आथोमेहे निवरोवित शकत नाहा आय कैसराआ न्याय आपित होय 12 तेहालाम फेस्ताने मसलत घेऊन मिटीग हादिलो आना याआ गोठी कोत उत्तर आपिलू, तुमु कैसराचा न्याय मागल्यू होय , तू कैसरापो जाही 13 किबी दीही निवराबादमे आग्रीपा राजा आना ब्रणिका लेतजा कैसरीयामेहे आविलो फेस्तूम माय भेट आप्यी 14 त्याहा जाअखो दीही तीइही रालाबादमे फेस्तुसने पौलाचआ विषयामे राजाहा कोल्यो , 'एक मांहु होय त्याहा फेलिक्स बांधीलखानाम सोडीत गोल्यो होय 15 जाहा आय यरुशलेमो ओतेताहा प्रधान याजक आना यहुदी पूर्वजाआ त्याआ न्यायाधिशाहि इच्छिलेकि त्याआपो दांडाज्ञा आप्यी जायलो 16 पोन आय त्याहा उतार आपिलू का मोमियांआ ए रिती नाहा का कोडोबीही मांहु दंडाला होफहोपिन आपिजेवी पर्यंत वादी आना आरोपी होमराहोमोर उभे रोत मुद्दा घेऊन दोषदेखाडीला उत्तर आपित नाहा 17 आखरी जे इही एकठे ओतगोल्यु तेहालाम नाहाकोत आय किबी वेल नाहा लागाडयोबाळी बिहीराआ तेदीही न्याय आथरील्यापो बोहित तियाअ मांहाहा आविलाहा आज्ञा आप्यी 18 जाहा त्याआ वाडी उभे रोल्या तेहालाम तिये हादाड्यू गोठीही दोष लागाडले नाहा जेहलो आय होमाजाडीत ओतू 19 पोन ते आपाआ मतोवाही येशु नाव कोडला माहाहा विषया माय जो माईत गोल्यो ओतु आना पौलाने जिवंत देखादये ओते वाद कोईत ओते 20 आय चौकशीतच ओतू , का आव गोठीई पत्तू केहलु लेतआण्याआ आय त्याहा फ़ुस्ल्याआ, नाहाकोत तू यरुअशलेमाहा जाही का तीइही आव गोठीई निर्णय ओवो 21 पोन जाहा पौलाने न्याय आप्यू का त्याआ कोरटामेने निर्णय महाराजाधिराज याआ इही ओवो तीइही आय ए आज्ञा आप्यी का जो पर्यंत त्याहा कैसरियाम मोकलित नाहातीया कैदाम मेकिलो 22 तेहालाम अग्रीपाने फेस्तूम ळ कोल्यो , आय पण तियाअ मांहाआ उनाऊ इच्छितो तिये कोल्यो , तू उद्या उनाईत ले 23 आखरी बिहरादीही जेव्हा आग्रीपा आना बर्निंआ वोडा धुमधामामे आव्ये आना फिरीते सरदार आना नगराहा प्रमुख माहुआरी दरबारोम पोतले तेहालाम फेस्तुसाहा आज्ञा आप्यी का ते पौलाहा घेऊन आवे 24 फेस्तुसाहा कोल्यो , 'ओ राजा अग्रीपा, आना ओ आखे महांआ, जो आम्हा इही आरी होय , तुमु आव माहुहीई पालल्ते ज्याआ विषयाम आखे यहुदियाअत्राआ यरुशलेममेहे आना इहे पण आयडीत -आयडीत विनंती कोअयी का याआ जिवंत रोहिलो उचित नाहा 25 पोन आय ओलखीत लेधलो का तिये एहलो किबी कोल्यु नाहा का त्याहा माईत टाक्ये जावा का जेव्हा तिये स्वतः च ओ महाराजाधिराजाने न्याय आप्यू तेहालाम म त्याहा मोकलीणारे नीर्णय कोल्योओ 26 आय त्याआ विषया माय कोड्लीस निच्शीत गोठी देखल्यी नाहाके आपाआ स्वामी जागे लिखेहू याकोअता आय त्याहा तुमाआगाडी आना विशेष कोईत राजा अग्रीपा, ताआ आगाडी लाविलो होय का चेककोल्यो नंतर माहु किबी लिखुहुं मिलुजोवे 27 काहाके का बंदितमेकल्यो मोकलीत आना जे दोष त्याआपो लागाडले गोये तिये नाहा कोओलो, माहु व्यर्थ जाअलो पोडत्ल्ये.