24
दीहोओ फासाडी हनन्याह महायाजक खोब पुरनीयाह आना तीरतूल्लुस नावाआ एखा वोकीलाहा आरी लेत आव्यू आना ते हाकीमोहो आगाडी पौला आ विरुद्ध केस कोअई 2 जेव्हा तो बोलावला गोल्यो तेहालाम तीर्तुल्य त्याआपो दोष लागाडी कोहू लाग्यू , ओ , महाराज फेलिक्स ताद्वारे आमुहू वोडी स्वस्थता जोडी होय आना ताआ प्रबंधांने आव जातीकोता अनेक वाईट सुधारत होय 3 याल हरएक जागापो आना हरएक प्रकाराने धन्यवाद आरी मानतेहे 4 पोन याकोअता का ताहु फासी दुख आपुहू इच्छित नाहा, आय ताहु विनंती कोअत्लू का कृपा कोईत आमाआं बेन एक गोठी उनाईत ले 5 काहाके का आमुहू आव मांहाहा उपद्रवी आना जगोआ आखे यहुदी माय बंद कोअनारू आना नासुरीयाआ पंथाचा मुख्य मिलव्यू होय 6 तो मंदिराहा अशुद्ध कोहू इच्छिला पण आमुहू त्याहा तोईत लेधलो आमुहू त्याहा आम्हा व्यावास्थाच्या नुसार दंड आप्यू ओतलू, 7 पोन पलटनाआ मुखी लुसियास त्याहा जबरजस्ती आमाआ आथोमेहेरोत सांडाडीत लेदो . 8 आना शिपायाआ तापो आविलाआ आज्ञा आप्यी आव आखे गोथिहिई ज्याआ विषया माय आमुहू त्याआपो दोष लागाडीत तू खुद त्याहा तोपासित ले 9 यहुदी माहु पण तिया हातीरी आपित कोल्यो , याआ गोठी याआ प्रकारोअओ होय 10 जेव्हा सुबेदाराआ पौलाहा बोलण्याचा खुणकोईलावेले तेहालाम तिये उत्तर आपिलू, 'आय ओ जाईत का तू जाअखो वोराम आव जातीही न्याय कोईत होय आनंदावाही आपाआ उत्तर आपित होय 11 तू स्वतः जणू शकतो का जेव्हा पोरोत आय यरुशलेमो भजन कोइलाकोअता आवयू माहु बारा दिहारोत जाखो उवे नाहा 12 तिये माहु नाहा मंदिरोम , नाहा प्रार्थना कोआत, नाहा नगरामेहे कोडाआरी वाद कोअत्लूतेहलाम किंवा गोर्दी पालील्यो 13 आना नाहा ताहा ते तियाअ गोठीही ज्याचा ते ओमे मापो दोष लागाडीत होय , ताआगाडी खोरो प्रमाणित कोहू सेकतेहे 14 पोन आय ताआगाडी ओ नाव लेहो का तियाअ पंथाला पाखंड कोतेहे त्याज रीतीपो आय आगलाआ परमेश्वराआ नमन कोअल्त्तूअते ज्या गोठी नियमशास्त्र आना संदेष्ट्याआ पुस्तकामेहे लेखिलो होय तियाअ आखापो विश्वास कोअत्लू 15 आना परमेश्वराआ आशा मेकोहो का जे आपु पण मेकात्ले का धोर्मी आना अधर्मी बेनुअजा जिवंत उठीलो उवे 16 याकोअता आय स्वतः पण यत्न कोअत्लू का परमेश्वराही माहुपोरोत माआ बुद्धी कायम निर्दोष राहो 17 जाअखो वर्षानंतर आय आपाआ माहुंहु दान पोहचावडीलोओ आना भेट चोथावाआकोता आवयू ओतू 18 तिये माहु मंदिरोम, शुद्ध हालोंम, बिना गोर्दी आरी आना बिना दंगु कोअत्लूतेहलाम , भेट चोडविलो पालील्यो होय आशियाआ किबी यहुदी ओते त्याहा उचित ओते 19 का केधी माआ विरोधाम त्यांआपो किबी गोठी होय ताहा इही तुमाआगाडी मापो दोष लवावा 20 किंवा याआ स्वतः देखाडूलो का जेव्हा आय महासभामे उबु ओतु तेहालाम तिये मामेहे कोडु अपराध पालील्यो 21 आव उनाआ गोठीकोता सोडीत जी माहु त्यांमे उभे रोत आयडीत कोल्यो ओते मोल्यामरोत जिवंत उठीला विषया माय ताआ आगाडी आज मुकदमा चालीलो होय 22 फेलिक्स याआ पंथाआ ए गोठी ठीक- ठीक ओळखीतल्यो ओतु त्याहा ओ कोत आपिलू का जेव्हा पलटणचा सुभेदार लुसियास आवे तेहालाम तुमाआ गोठीई निर्णय कोअही 23 आना सुभेदाराहा आज्ञा आप्यी का पौलाहा किबी वेल सुडविलो मेकीत राखवालदारी कोईली आना त्याआ दोस्तामरोन कोडाआ पण त्याआ सेवा कोईत थांबवायचे नाहा 24 किबी दिहोनंतर फेलिक्स आपाआ लाडी देखायू ला जी युनानी ओती आरी घेऊन आवयू आना पौलाहा हादीत तियाअ विश्वासाआ विषया माय जो ख्रिस्त येशू उपो होय त्यापोरोत उनाअयो 25 जाहा तो धर्म आना संयम आना आवनाराआ न्यायाआ चर्चा कोईत ओतु तेहालाम फेलिक्स बितकोईत ओतगोल्यु उत्तर आपिलू, 'ओमे जा, वेल पालीत ताहु फासी हादाळीते' 26 त्याहा पौलाआरी किबी रुपये जोडीला पण आशा ओती याकोअता फासी हादीत त्याआ आरी गोठी कोईत रोतलू 27 पोन जाहा बेन वर्षानंतर ताहा पुर्कीयास केस्तूस फेलिक्स च्या जागापो आवयू आना फेलिक्स यहुदी माहुंहु खुश कोइलाआ इच्हावाहि पौलाहा बंदीच सोडीत गोल्यो.