23
पौल महा सभाआ वोगे एक सोट्योच पाल्यो आना कोयो ऐ पायहों आय आज ज्या परमेश्वराआ कोअता बिलकुल खोरा मोना वाही जीवल्यो होय 2 यापो हनन्या महायाजकाने त्याआ जागे जो उभे ओतु त्याआ सोबाडीपो थापाडे मारिला आज्ञा आप्यी 3 तेहालाम पौलाने तिये कोल्यो , 'ओ सुनो फेरविल्या पीतडो परमेश्वर ताहु माए तू नियमशास्त्रानुसार माआ न्याय कोइलाकोअता बोहू होय आना फासाड़ी नाहाकोत नियमशास्त्राआ विरूध माहु मारिला आज्ञा आपित होय ? 4 जे जागे उभे ओते तिये कोल्यो , “नाहाकोत तू परमेश्वराआ महायाजकाआ हाजो वाईट कोतलू?” 5 पौलाने कोल्यो , “ओ पाहीही आय ओळखीतल्यो नाहा का तो महायाजक होय काहाके का लेखिलो होय , आपाआ मांहाहा प्रधानाला वाईट नाहा म्हणु” 6 तेहालाम पौलाने ओलखे का एक भाग सदुकीयाआ आना बिहरु भाग परुशांचा होय मिटींगोमे आयडीत कोल्यो , "ओ पाहीही आय परुसी आना परुसी कुलोओ होय , मोल्याआ आशा आना पुनरुस्थानाच्या विषया माय माआ चौकशी उवनारा होय 7 जेव्हा तिये ए गोठी कोल्यी , तेहालाम परुसी आना सदुकी यामेहे लोळाई ओवुहू लागाडीत मिटींगोमे कट पोडीत गोयी 8 काहाके का सदुकी ताहा ओ कोअता का पुनरुस्थान होय , नाहा स्वर्ग दूत होय नाहा आत्माआ होय , परंतु परुसी आव आख्याहा मानतेहे 9 तेहालाम वोडू हल्ला पोयो आना किबी शास्त्री जे परुश्याआ दाव्याचे ओते उठित उभे रोल्या आना ओ कोत नोईला लागाडीत "आमुहू आव माआहामेरोत किबी वाईट पहीले नाहा, पण केधी कोडु आत्माआ आना स्वर्गदूत यामेहे बोलतुल्यो ओतु, ताहा फासाड़ी नाहाकोत? 10 जेव्हा जास्तीज लोळाई उवे ताहा पोलटीअला सरदारआ आव बितकोइत का ते पौलाचे तुकडे -तुकडे कोईत ताहा टाकही नाहा, पलटणला आज्ञा आप्यी का उतरित त्याहा त्याआ गढीत लाविलो 11 तिया राती प्रभूऊ त्याआ जागेउबे रोत कोल्यो , 'ओ पौला, धीर तो , काहाके का जेहलो तू यरुअशलेमाहा माआ साक्ष आप्यी तेहलूज ताहु रोम माय पण साक्ष आपीली लागे 12 जाहा दीही उजातोउलो तेहालाम यहुदी माहु डाव रर्च्योहो आना शपथ लेदि का जेव्हा पर्यंत आमुहू पौलाहा माईत टोकीत नाहा तेहालाम पर्यंत आम्हा खायलो आना पिईलो योपो धिकार होय 13 जिये आपसामेहे ए शपथ लेदि ओती ते सालीह पेक्षा जाखा ओते 14 तिये प्रधान याजक आना आगलाआडाया जागे जात कोल्यो , आमुहू ओ ठाणून लेधलो होय का जेव्हा पर्यंत आमुहू पौलाहा माईत नाहा टोकीत तोपोरोत केधी आमुहू खाले तेबी आमापो धिक्कार होय 15 याकोअता ओमे महासभेआरी पोलटीअला सरदाराहा समजीला का त्याहा तुम्हाआरी घेऊन आव, माना का तुमु त्याआ विषयी फासी पण हाजा रीतीवाही तापसइ इच्छिता आना आमुहू त्याआ पोतीला अगाडी माईत टाकिलाकोता तीयार रोहू 16 पौलाचआ पायहोपोर्यु उनाअयो का ते त्याआ घात कोअलाआ होय तेहालाम गढीत जात पौलाहा ओ संदेश आप्यू 17 पौलाने सुभेदारा उनाआ जनाला आपाआ जागे हादीत ओ कोल्यो आव जुवानाहा पोलटीअला सरदारापाही घेऊन जा, तो त्याहा किबी कोहू इच्छितो 18 याकोअता तिये त्याहा पोलटीअला सरदाराआरी घेऊन बातनी कोल्यो , बंदी पौलाने माहु हादीत विनंती कोअयी का ओ जुवान पोलटीअला सरदाराहा किबी कोहू इच्छितो त्याहा त्याआ जागे घेऊन जा 19 पोलटीअला सरदाराआ तिया आथे तोईत आना सेटे घेऊन जात फ़ुस्ल्याआ, तू माहु नाहाकोत कोहू इच्छितो? 20 तिये कोल्यो , यहुदी माहु षडयंत्र रर्च्योहो होय का ताहु विनंती कोअही का उद्या पौलाहा महासभेमध्ये लेतआव , कोय का फासी त्याआ हाजी तपासनी कोहू इच्छितो 21 पोन त्याआ मानु नाहा काहाके त्यामेरोत सालीह जनावर मांहु त्याआ घातकोईलाकोजे होय तिये ओ ठाणून लेधलो होय का जो पर्यंत ते पौलाहा माईत टोकीत नाहा तोपोरोत ते नाहा खाही नाहा पीही आना ओमे ते तीयार होय आना ताआ वचनामे प्रतीक्षा कोईत ओते 22 तेहालाम पोलटीअला सरदाराआ ए आज्ञा आपित सोडीत आपिलू का कोडोबी याआ गोठी कोओलो नाहा का तू माहु याआ गोठी कोल्या होय 23 तेहालाम तिये बेन सुबेदाराहा हादीत कोल्यो बेनहोव सैनिक, सोत्त्तर स्वारी आना बेनहोव कामकअनारी एहलो प्रहर रात्रीस कैसरीयाला जाअलाकाजे स्वारी घोडे तीयार मेका का त्याहा कैसरीयाआ इही जाअलाकाजे तीयार कोईत मेका 24 आना पौलाचआ स्वारी याकोअता घोडे तीयार मेका का त्याहा फेलिक्स सुभेदारापोरोत होंबलीत पोताडीन आपा 25 तिये आव प्रकाराआ चिठ्ठी पण लेखी 26 पोन सुभेदार फेलिक्स सुभेदाराहा क्लौद्य लुसियाहा सलाम 27 आव मांहाहा यहुदी तोईत माईत टाकुहू इच्छितात परंतु आय जान्ये का ओ रोमी होय ताहा पलटण घेऊन सोडवीत लाविले 28 जो जाणू इच्छितो का ते त्याआपो कोडला कारनोवाही दोष लागाड याकोअता का तिये त्याआ महासभेमध्ये घेऊन गोल्यो 29 तेहालाम आय ओलखीत लेधलो का आपाआ नियमशास्त्राआ वचनाआ विषयामे त्याआपो दोष लागाड्त्लेपोन माईत टाकीलापो किंवा बांधीत जाअलो योग्य तीयाम कोडूबी दोष नाहा 30 जाहा माहु कोल्यो गेल का ते तियाअ माहाहा घातकोहू लागाडीत होय ताहा आय तत्काळ तुमाही मोकलित आपिलू होय आना वाड्कोअनाराहा ए खटला चालवावा 31 आखरी जेहलो सैनिकांआ आज्ञा आप्यी गोयी ओती तेहलूज ते पौलाहा घेऊन रात्रीच अंतीपत्रीसामेहे घेऊन आव्ये 32 बिहीरा तेदीही ते स्वारीनी त्याआ आरी जाअलाकाजे सोडीत स्वतः गढीत फासी आवयू 33 तिये कैसरिया पोताडीन सुभेदाराहा चिठ्ठी आप्यी पौलाहा पण त्याआ आगाडी उभे कोल्यु 34 तिये चिठ्ठी वाची फ़ुस्ल्याआ, “ओ कोडला प्रांताचा होय ”? 35 आना जेव्हा होमजीत गोल्यो का किलीकीया चा होय तेहालाम त्याहा कोल्यो , जेव्हा तांआ वादी पण आवे तेहालाम ताआ मुकद्दमा कोअही आना तिये त्याहा हेरोदासाठी वाडामे मेकजा आज्ञा आप्यी.