21
जाहा आमू त्याआ आरीरोत आलग ओवीत जहाज उगाडयो ते हीद्दो मार्ग्ये रोत कोसामेहे आव्ये आना दीहरे दीही रुदुस मेहे आना तीही रोत पतरामेहे गोये 2 तीइही एक नाव फेनिकेसला जाअलावेले जोड़ी आना आमुहू त्याआपो सोडवीत त्याहा उगाडीत आपिलू 3 जेव्हा आमुहू कुप्र देखायो तेहालाम त्याहा आमुहू डावासाईटोहो टाक्ये, आना सुरीयाकोते जात सोराला खालेआत, को तीइही नावामोरोत माल उतारीत ओते 4 शिष्या आरी आमुहू तीइही सात दीही रोयोजे तिये आत्म्याआ त्यापोरत आमुहू हिकाडये पौलाहा कोल्यो का यारुशलेम ला गुडू पण मेकहु नाहा 5 जेव्हा ते दीही पुरो ओतगोल्यु गोये तेहालाम आमुहू तिहीरोम निहयू आना आखे बोई आना पोऱ्ये आरी आमुहू नगराआ बारथे पर्यंत पोचाडीत आना आमुहू गुडघे टेक्यू दर्या किनारावपो प्रार्थना कोअयी 6 फासाड़ी एकबिहीरा पोरोत सेटे ओतगोल्यु आमुहू नावूमे सोढयू आना ते फासी आपाआ कोआ गोये 7 फासाड़ी आमु सोरारोते पाई प्रवासजाआलो कोईत प्रलमैसात पोत्यु आना पाही जनाला सलाम कोईत त्याआ आरी बेन दीही रोयोजे 8 बिहीरा तेदीही आमुहू तिहीरोम चालीत कैसरात आवयू आना फिलीप्प सुवर्ताआ कोआत जो सात मायारोत एक ओतोजाईते त्याआ कोआ रोयोजे 9 त्याआ चोर पोरीही पवित्र ओती तियाअ भविष्य वाणी कोईत कोल्यू 10 जाहा आमु तीइही खूप दीही रोयोजे , तेहालाम तीइही अगब नावाआ एक संदेष्टा यहुदीमरोत आवयू 11 तो आमच्याकडे आविलो पौलाचे कोमरबोंद काल्यूएने आपाआ आथे गुडू तुवूहू लाग्यू आना कोल्यो , 'पवित्र आत्माआ ओ कोल्यो होय का ज्या मांहाआ ओ कमरबंध होय त्याहा यारुशलेम माय याआ प्रकारे बांधे आना बिहरे जातीही होफहोपिन आपे 12 जाहा आमु ए गोठी उनाई तेहालाम माहु त्याहा होमजीत्लो रोंहु विनंती कोअयी आना कोल्यो यरुशलेम ला जाऊ नाहा 13 पोन पौलाने उत्तर आपिलू, 'तुमु नाहाकोत कोअता का रोडीत -रोडीत माआ मोन दुखात्ले? आय ताहा प्रभू येशूउ नावाकोअता यरुअशलेमाहा नाय ताहा बांधण्याकोअता म्हणजे मयलाकोता पण का तीयार होय 14 जेव्हा ओ उनाईत आमुहू ओ कोत ठावकू रोयोजे “प्रभूऊ इच्छा पुरो ओवो” 15 आव दिहे फासाड़ी आमु तीयारी कोअयी आना यरुशलेमोमे गोल्यू 16 कैसरातून पण किबी शिष्य आम्हा आरी आव्ये आना आमुहू म्नासो नावोओ कुप्रातील एक जुनो शिष्य ओतु त्यांही घेऊन आव्ये का आमुहू त्याआ इही रोअलो 17 जाहा आमु यरुअशलेमाहा पोत्यू तेहालाम माहु वोडा आनंदाम आमुहू मिल्ये 18 बिहीरा तेदीही पौल आमुहू याकोबापोरोत घेऊन गोल्यो तीइही आखे आबहू वर्ग एकठे ओते 19 जाहा तिये त्याहा नमस्कार कोईत जे- जे काम देवूही त्याआ सेवाआ त्यापोरत बिहरे जाती माय कोल्यु ओते एक -एक कोईत आखे कोल्यो , 20 तिये ओ देवोओ गौरव कोल्यु, फासाड़ी तो कोल्यो , ऐ पाहीही, तू पालीत होय का यहुदियाआ ह्जारोही विश्वास कोल्योओ होय आना आखे नियमशास्त्राआ होमजीलो होय 21 त्याहा ताआ विषयाम हिकाड्ये गोये होय , तू बिहरे जाती माय रोणारे यहुदियाआ मोशेच्या त्याग कोईलाकाजे हिकाडत्लू आना कोतलू का आपाआ पोऱ्यामूळे सुंता कोहू कायना आना परिपाठाकोईत चालीलो कायना 22 ताहा फासाड़ी नाहाकोत कोल्यु जालो? माहे अवश्य उनाआनारू का तू आवयू होय 23 यकोअता जे आमुहू कोतलू ओ को आम्हा इही चोर मांहु होय जिये मांता कोल्योओ होय 24 त्याहा घेऊन त्याआ आरी आपाआ स्वतःहा शुद्ध को, आना त्यांकोअता खोर्चू आप का ते डालगीकोईली कोईओलो तेहालाम आखे होमजीत जानारू का जी गोठी त्याहा ताआ विषयी कोल्यी गोयी होय परंतु तू नियम शास्त्राआ मानीत त्याआ नियमाप्रमाणे वागीलो 25 परंतु तियाअ बिहरे जातीई विषयी जिये विश्वास कोल्योओ होय , आमुहू निर्णय घेऊन ओ लेखित मोक्ल्यीत का ते मूर्ती आगाडी अर्पण कोल्यो मांस आना रक्त व्याभिचाराआरी वासित रो 26 तेहालाम पौल तियाअ मांहाहा घेऊन आना बिहीरा तेदीही त्याआ आरी शुद्ध ओतगोल्यु मंदिरोम गोल्यो आना तीइही कोत आपिलू का शुद्ध उविलाआ तेदीही म्हणजे त्यामोरोत हरएक जनाला अर्पण लेतपोरहत दीही कोंयो पुरो उवे 27 जेव्हा ते सात दीही पुरो उविलापो ओते ताहा आसीयाआमे यहुदी यांहि पौलाहा मंदिरोम पालीत आखे माहुंहु चेतवले आना खेचीत त्याहा तोओईलो 28 ऐ इस्राएल मदत को, ओ तोज मांहु होय मांहाहा आना नियम शास्त्राआ आना आव स्थळाआ विरोधाम हरएक जागापो आखे माहुंहु हिकाडत्लू शिवाय युनानी पण मंदिरोम लेतआवीत तिये आव पवित्र स्थानाआ अपवित्र कोल्यु होय 29 तिये पहीले इफिसकर त्राफिमला त्याआ आरी नगरामे पहीले ओते आना होमाजाडीत ओते का पौल त्याहा मंदिरोम घेऊन आवयू ओतु 30 तेह्लाम पुरो नगरामेहे गळबलुन पोयो आना माहे धावून इही आव्ये आना पौलाहा तोईत मंदिराआ बारथे निह्कीत लाविले आना वेगु बायणो बंद कोल्यु जालो 31 जाहा ते त्याहा माईत टाकही ओते तेहालाम ते शिपाई आना सरदाराहा माहिती जोड़ी का पुरो यरुशलेमोमे गडबड उडाली 32 तेह्लाम ते वेगु शिपयांना आना सुभेदाराहा घेऊन त्यांही निसे गुगदीत आवयू आना तिये शिपायाआ सरदाराहा आना सैनिकाहा पालीत पौलाहा माईलो सोली सोडीत आपिलू 33 तेह्लाम शिपायाआ सरदाराआ जागे आविलो त्याहा तोईत लेधलो आना बेन हाखलीवाही बाधीतमेकने आज्ञा आपित फुसिलो लाग्यू , ओ कोडू होय आना इये नाहाकोत कोल्यु होय ? 34 पोन गर्दीमोरोत किबी नाहाकोत ताहा किबी नाहाकोत आळीही लागाडीत , जेव्हा गलबल्यावाही तो हारकीज खोरो न्याय होमज्यू शकला ताहा त्याहा गोर्दाम घेऊन जाईला आज्ञा कोअयी 35 जाहा तो पायऱ्यापो पोतीतगोयू तेहालाम एहलो उवे का गर्दीवही शिपायाआ त्याहा विसित घेऊन गोये 36 जाहा काहाके लोकांची गोर्दी ओ आअडित त्याआ फासाडी चालते ओती, 'तिया नाश कोईत आपा ' 37 जाहा ते पौलाहा गढीत घेऊन जानारू ओते तेहालाम तिये शिपायाआ सरदाराहा कोल्यो , 'नाहाकोत माहु आज्ञा आपिलो काहा का आय त्याहा किबी कोहू ? त्याआ कोल्यो , नाहाकोत ताहु युनानी भाषा येत काहा? 38 का तू तो मिसरी नाहा जो आव दिहाआ पहीले बंड उडाडीत चोर हजार माआनाराहा जगलूम घेऊन गोल्यो? 39 पौल कोल्यो , आय ताहा किलीकीयाम तार्सकर यहुदी होय , आय ताहु विनंती कोअत्लू का माहु माहुआरी गोठी कोहू आपा 40 जाहा तिये हुकुम कोअयी तेहालाम पौल पायऱ्यापो उबु रोत माहुंहु आथोवाही खुनेकोईतदेखाड्यो जेव्हा ते ठावकू तेहालाम ते इब्री भाषम गोगू लाग्यू.