20
जाहा गोलबोलु ठावकु ओत गोयु ते पौलूस त्याआ चेलाहा हादीत होमजाड्यू आना त्याहा मीलीत तीहीरोत वेरात मकीदुनीया वोगे चालुहू लाग्यु 2 तिया आखे प्रदेशामेहे आवीत शिष्यांआ जाअखो उत्साहोम कोईत तो युनानी माय आवयू 3 जाहा तीन मोयना रोत तो तिहीरोम नावूमे बोहित युरिया त्याही जाण्यावर ओतु तेहालाम यहुदी त्याआ घात कोईलामे लागाडीत ओते याकोअता तिये खरोज कोल्योओ ओतु का मासेदोनिया फासी जाईला बेत कोल्योओ 4 बिरुयाकर पुरीचा पुत्र सोपत्र आना थेसलनिका मायारोत अरीस्तार्ख आना संकुद गायसाआ दर्बेकर आना तीमथ्य आना आसियाआ तुखिक आना प्रकिम आसिया त्याआ आरी आविलो गोये 5 ते आगाडी जात त्रोआसात आमाआं वात पालीत राहो 6 आना आमुहू बेखामीर रोटहू दिहापोरत फिलिपे तारवात सोडवीत पाच दिहोमे त्रोवसात त्याजागे पोतले आना सात दिहेजा होमजीत्लो रोल्या 7 होप्ताआ पाल्या तेदीही जेव्हा आमुहू भाकर तोडिलाकोअता एकठे उवे तेहालाम पौलाने जे बिहीरा तेदीही निहित जाण्यावर ओते तिये किबी गोठी कोल्या आना आर्दी राती पर्यंत गोठी कोईत रोल्या 8 ज्या मोडलीम आमुहू एकठे ओते तीयाम जाअखो दिवे बोलीईला लागाडीत 9 आना युतुख नावाआ एक जुवान खिडकीत बोहीतरोल्यु जाखो निंदोम निसे वाकिलो ओतु जेव्हा पौल जाखो वेल पर्यंत गोठी कोईत रोल्या ताहा तो निदेहे गुंगीत तिसऱ्या उपोरोते पोडीत गोल्यो आना मोल्यू विशिलो गोल्यो 10 परंतु पौल उतरित त्याहा मिठ्ठी माइहि आना गोलीतपोड्यू गोलु लागाडी कोइतलु बित नाहा , काहाके का तिया जीव त्याहाम होय 11 आना उसे जात भाकर तोडीअते आना खात तिये ओतो वेल पर्यत गोठी कोईत रोल्या का वेगीवेल उवी फासाड़ी तो निहित गोल्यो 12 आना ते तिया जुवानाहा जिवंत घेऊन आव्ये आना जाखो शांती मिलवी 13 आमु पालील्यो का नावूमे सोडवीत आशाकोअता जायलो आव विचाराआ आगाडी गोये का तिहीरोम आमुहू पौलाहा चोढावीन लेऊ काहाके का त्याहा ओ याकोअता ठेरवीही ओते का आमुच पागेपागे चालणारो ओते 14 ओमे आस्साकडे आमुहू मिल्यू ताहा आमुहू त्याहा चोढावीन मितुलनास आव्ये 15 तिहीरोत नाव उगाडीत आमुहू बिहीरा तेदीही खियास आगाडी पोतीअलो आना आगाडी तेदीही त्रोग्यूलामध्ये जाऊ लागाडीत फासाड़ी बिहीरा तेदीही मिलेतास आव्ये 16 काहाके का पौलाने इफिसापो ओतगोल्यु जाईला खरोज कोल्योओ ओतु का केधी एहलो न ओवो का त्याहा असियामेहे वेल लागेहेकोयते तो घाईम ओतु का केधी ओवुहू गोयो ताहा तो पन्नासाआ तेदीही सनात यरूशलेममोरोत रोहू 17 तिये मिलातेरोत इफिसाहामेहे खोबोर मोकल्यु आना मंडळ्याआ प्रचीनाना हादिलो 18 जेव्हा ते त्यांही आवीत तिये कोइतलु , 'तुमु ओलखीत का पेल्लाज दिवसापोरोत जेव्हा आय आशिया माय पोत्यू आय हरएक वेळेला तुमाआ आरी केहला प्रकारे रोला 19 अर्थात जाअखो नम्रतेने आना आहवे वोहाडीत आना तियाअ परीक्षेाआमे जे यहुद्याचे कंटाळामुळे मापो आविलो पोडी, आय प्रभूऊ कोअतुज रोही 20 आना ज्या गोठी तुमाआ लाभाची ओती त्याहा कोहू आना माअहाआआगाडी आना को हिकाडनारे केधी ण डगमग्यु 21 नहाते यहुदी आना युनानी याहा आगाडी साक्ष आपित रोल्यूके परमेश्वराही पश्चताप कोअला आना आम्हा प्रभू येशू ख्रिस्तापो विश्वास कोअला जोवे 22 ओमे पाला आय आत्म्यामे बादितमेल्यु यरुशलेम ला जात होय आना नाहा ओळखीतल्यो का तिही मापो नाहाकोत -नाहाकोत परिस्थिती आवे 23 केवळ ओ का पवित्र आत्माआ हरएक नगरामेहे साक्ष आपित माहु कोतलू का बंधन आना त्रस ताकोअता तीयार होय 24 पोन आय आपाआ जीवोहो किबी नाहा होमाजाडीत का त्याहा प्रिय माणू नाहा ताहा ओ का आय आपाआ गुगदिला आना तियाअ सेवेला पुरो कोहू जी आय परमेश्वराआ कृपेणे सुवार्तेपो साक्ष आपिलाकोअता प्रभू येशू त्यापोरोत मिलवी 25 ओमे पाला आय ओलखीतलु का तुमु आखे ज्याम परमेश्वराआ राज्याआ घोषणा कोईत फिर्यु, माआ सोब फासी नाहा पलणारू 26 याकोअता आय आजे तेदीही तुमापोरोत साक्ष आपित कोतलू का आय आखाआ रक्तानी निर्दोष होय 27 काहाके का परमेश्वराआ आखे मनोरथाला तुम्हामे पुरो रीतीवाही कोहू डगमग्यु नाहा 28 याकोअता आपाआ आना पुरो झुडाची चौकशी कराज्याच्यात पवित्र आत्म्याआ तुम्हामे मुख्य ठेरवीही होय का तू परमेश्वराआ मंडळ्याही होंबाला कराज्याला तिये आपाआ रक्तानी वेसातो लेधलो होय 29 आय ओलखीतलु का माआ गोयेनतर फाडीईलो कोल्ये, तुम्हामे आवे जे झुंडाआ सोडविणारू नाहा 30 काहाके तुमाआ माय पण एहलो मांहु उटे जे शिष्यांआ आपाआ फासाडी ताकिलाकोअता वाकडयाआ तीवोग गोठी कोआ 31 याकोअता जागतू रो आना स्मरण कोईत रो का तीन वर्षा पर्यंत रात दीही आहवे वोहाडीत प्रत्येकाहा चेतावणी आपुहूकाजे सोडये नाहा 32 आना ओमे आय तुम्हामे परमेश्वराआ आना त्याआ कृपेच्या वचनाआ होफहोपिन आपोहो जो तुमाआ उन्नती कोहू शकतो आना ओमे आखे पवित्र कोल्यु गोये आना माहुंमे मेळ कोईत वतन आपुहू शकतो 33 आय कोडाआ चांदी किंवा होनो किंवा फाडकाआ लोभ कोल्योओ नाहा 34 तुमु स्वतःहा ओलखीत का याआ आताई आना माआ हेंगात्याहां आवश्यक ते पुरो कोल्यु 35 आय तुम्हामे आखे किबी कोईत देखादये का आव रीतीवाही परिश्रम कोअत्लूतेहलाम निर्बाळाना होमलीलो आना प्रभू येशूचे नाव स्मरण मेकीला आवश्यक होय जो तिये खुद कोल्यो होय का, लेअलापेक्षा आण्यो जाखा धन्य होय 36 ओ कोत तिये टोसणे टेक्यू आना तियाअ होगाआरी प्रार्थना कोअयी 37 तेहालाम ते आखे जाखो रोडीलो आना पौलाचआ गोलीतपोड्यू गोलु मिलून त्याहा चुंबन आपुहूकाजे लागाडीत 38 ते विरोस कोईत आव गोठीही संकेत ओते का जी तिये कोल्यी ओती का तुमु माआ सोब याआगाडी कदाचित पलणारू नाहा फासाड़ी तिये नाव पर्यंत त्याहा सोदुहू आव्ये .