19
जाहा अपुल्लोस कुरीन्थुसमेहे ओतु ते पौलूस उसे वाला आखा देसोमेहे रोत फीरीत इफीसुसोमेहे आयु तीही काही चेलाह पालीत कोयो 2 आना तिये त्याहा कोल्यो , नाहाकोत तुमु जेव्हा विश्वास कोल्योओ ओतु तेहालाम पवित्र आत्म्याहा ग्रहण कोल्यु ओते ? तिये उतार आपिलू, आमुहू ताहा उनाअयो सुधा नाहा का पवित्र आत्माआ होय का नाहा 3 तो त्याहा कोल्यो , ताहा तुमु केहलो बाप्तिस्मे लेधलो होय ? तिये उत्तर आपिलू योहानाआ बाप्तिस्मे 4 फासाड़ी पौलाने कोल्यो , योहानाआ बाप्तिस्मे ताहा मोन फिरविलाकोअता ओतु तिये माहुंहु कोल्यो ओते का जो माआनंतर आवीत होय अर्थात येशू ख्रिस्त यापो विश्वास को 5 ओ उनाईत तिये प्रभू येशूउ नावापो बाप्तिस्मे लेदो 6 फासाड़ी जेव्हा पौलाने त्याआपो आथे मेकअलू , तेहालाम त्यांपो पवित्र आत्माआ उतरीलो आना ते जुदेजुदे भाषा गोगीत ओते , आना भविष्य वाणी पण कोहू लागाडीत 7 आखे मिलून ते बारा माहहू ओते 8 फासाड़ी पौल यहुदी प्रार्थना सभाम निहित गोयुएने तीन महिन्यापोरोत न बिकर्या गोगीत रोला तो याहुदिआरी वादविवाद कोईत त्याहा परमेश्वराआ राज्याविषयी होमजाडीत कोल्यो ओतु 9 परंतु त्यामेरोत किबी माहे जास्तीज हठ्ठी ओते तिये विश्वास कोईलाकाजे नकार आप्यू आना माहुआगला शास्त्राआ हाजो वाईट कोल्यो रोल्या तेहालाम तो आपाआ शिष्यांआ घेऊन त्याहा सोडीत निहित गोल्यो आना ताहा न्नुसच्या पाठशाळेत हरएक तेदीही फूस विमर्श कोईत ओते 10 बेन वर्ष पर्यंत ऐहलेच उवनारा रोल्या, याआ परिणाम एहेलू पोयो का आखे आशियामे रोणारे यहुदी तिये प्रभूऊ वचन उनाईत ग्रहण कोईत लेधलो 11 परमेश्वर पौलाचआ त्यापोरत जास्तीज आश्चर्य काम कोईत ओतु 12 इहिंजा का त्याआ रुमालाआ आना पोतडाल माद्वाड्याजागे घेऊन जात आना त्याआ रोग हाजो उवनारा ओते , तेहलूज अशुद्ध आत्माआ पण निहित जात रोतत्त्लो 13 किबी अशुद्ध माहे जे अशुद्ध आत्माहा काडीत इही तीही फिरीत ओते ते ओ कोहू लागाडीत का ज्या माहुंमे खराब आत्माआ लाग्यीही ओते त्याआपो येशूचे नाव घेऊन प्रयोग कोहू लागाडीत आना म्हणु लागाडीत , आय तुम्हामे तियाअ यीशु नावापो ज्याचा प्रचार पौल कोअत्लू आदेश आपित होय का एक स्कीवा नावामेहे यहुदी महायाजाकाचे सात पोऱ्ये जेव्हा एहलो कोईत ओते 14 आना म्हणु लागाडीत , आय तुम्हामे तियाअ यीशु नावापो ज्याचा प्रचार पौल कोअत्लू आदेश आपित होय का एक स्कीवा नावामेहे यहुदी महायाजाकाचे सात पोऱ्ये जेव्हा एहलो कोईत ओते 15 तेहालाम अशुद्ध आत्माआ त्याहा कोल्यो , आय येशुहू ओळखील्यो, आना पौलाहा पण ओळखील्यो परंतु तुमु कोडू होय 16 फासाड़ी जो माहहू ज्यापो खराब आत्माआ लागीई ओती तिये त्यांपो उडी माईत बेनुहू विलीतमेक्ये, आना त्याआपो एती जबर बाहाळली का ते उगडे नाघडे ओतगोल्यु तियाअ कोअमेरोत नाहीत गोये 17 इफिस माय रोणाआरा आखे यहुदी आना युनानी यांहा याआ गोठीपो आखे मालूमे उवे, ते आखे माहे जास्तीज बितगोये ओते , ह्याप्रमाणे प्रभू येशूचे नावापो जास्त आदर उत्पन्न उवनारा गोल्यो 18 त्यामरोत खूप माहु विश्वास कोल्योओ ओतु आपाआ त्यापोरत कोल्यु गोयल्यु वाईट काम तेईतले कोईत त्याजागे आव्ये 19 जादू टोना कोअनारे जास्तीज ओते तिये आपाआ पुस्तके त्याआ जागापो आगडी पेटाडीत टाक्यी आव पुस्तकां किमोत पन्नास हजार शिकां आरी ओते 20 ह्याप्रमाणे प्रभूऊ वचन जाखा प्रभावशाली उवनारा सेटे -सेटे पर्यंत गाजवीत गोये 21 याआ घटनेबदमे पौलाने आपाआ मोनामे मोसिडोनिया आना अखया तेबी ओते , पण यरुशलेमो जाण्याआ खरोज कोल्योओ तिये कोल्यो , तियाअ जागापो जात माहु रोम पण माहु पालाहू जोवे 22 तेहालाम तिये आपाआ तीमुथूस आना इरास्तुस नावाआ बेन सेवकाआ मेसिडोनिया मोकलित आपिलू आना स्वतः आशिया माय थोडू वेल कालीत 23 इयाच दिहोम याआ मार्गाबद्दल जाहकीज कापाली उडाली 24 तियाअ जागापो देमेत्रोयेसाआ नावूज एक सादिई काम कोअनारू सोनार रोत ओतु तो अरीतीमिसचे सांदीई मंदिर बोनाडीत होतोतीयाफा जास्तीज मोजऱ्याहा कामधोदा मिलून आपित ओतु 25 तिये त्याहा आना याआ कामोम जोडीत रोहीत्ले बिहरे कामकोअनारे यांहा एकठे कोल्यु आना कोल्यो पाला , माहुहू तुम्हामे मालूमे होय का याआ कामोवांही आपाहा हाजू पोशा मिललू 26 तुमु पाल्हू शकहू आना उनालू शकहू का याआ पौलाने न फक्त इफिसामेहे परंतु लगबग आशियाआ आखे भगत माहुंहु बहाकावीत ओते तो कोल्यो ओतु का माहुहीई बोनाडल्ये देव खोरो नाहा 27 ह्याआरी केवळ याआ गोठी बीइलो होय का आमाआ व्यवसायाआ निंदा उवे परंतु महान देवी अर्तीमीस मंदिराआ प्रतिष्ठा समाप्त होऊला पण बीइलो होय आना ज्या देवाआ उपासना आखे आशिया आना संसारावांही कोअयी जात होय त्याआ गरिमाआ निहित जाआला पण बीइलो होय 28 जाहा तिये ओ उनाअयो का तेहालाम ते जास्तीज क्रोधीत उवे आना वोडा आवाजोवाही कोहू लागाडीत , इफिस ची देवी महान होय 29 तीही आखे नगरामेहे अव्यवस्था फेलितगोई ओती तेहालाम जे माहे मेसोदेनिया हून आवल्या गायुस आना अरीस्तार्वूस ला तोओईलो आना खेचीलो- खेचीलो एकठाओईने नाट्यगृहात गुगदीत गोये 30 पौल माहुआगला जानारू ओतु परंतु शिष्यांनी त्याहा जाऊ आपिलू नाहा 31 किबी प्रांतीय अधिकारी जे त्याआ हेगांति ओते त्याहा खोबोर मोकोल्या का नात्य गृहात जात स्वतःहा धोक्यात कालहू नाहा 32 तेह्लाम ओमे पाला कोडु आअडीलो देत ओतु, आना किबी बिहीरेज काहाके सभाम माहुहु गोधळ उडाड्यु ओतु आना आपु काहा मिला ओ कोअताजो वोलोलो नाहा, 33 याहुयांनी सिकंदरला ज्याआ नाव गर्दीमोरोत आव्ये आना आगाडी लाविले आलाडीत -आलाडीत लोकांची होमजलु कोईत ओतु, 34 पोन जेव्हा त्याहा ओ मालूमे उवे का तो एक यहुदी होय तेहालाम ते बेन तासापार्यंत उनाआ आवाजोमें आअडीलो आपित कोयो ओते इफिसुस ची देवी आरतीमीरहा महान होय 35 पोन नगरआ लिपिक गोर्दी ठावकू कोईत कोल्यो ऐ इफिसिसआ माहुहू नाहाकोत जोगमेहे एहेलू माहहू होय ज्याहा ओ मालूमे नाहा का इफिसुस नगरी महान देवी अर्तीमी मंदीर आना स्वर्गामेहे आवल्या पवित्र शीलाचा सरंक्षण होय , 36 कोईत याआ गोथिहिई नकार आपुहू शकत नाहा यकोअता तुमु ठावकू रोल्या जोवे अथवा फूस ताहा किबी कोहू कायना 37 पोन तुमु याआ माहुंहु तोईत इही लाविले होय इये किबी मंदिर लुट्ये नाहा आना न आम्हा देवीई अपमान कोल्यु होय 38 तरी पण देमेत्रुयुस आना त्याआ होबती मोजऱ्याहा कोडाआ विरूध किबी तक्रार होय ताहा न्यायालय उघडी होय तीइही राज्यपाल होय त्याजागे ते आपसामेहे एकाबिहीरावे अभियोग सालाडहू शकतो 39 पोन तुमु ज्याहा किबी जाखा ओळखे इच्छेतात तिया निर्णय नियमित मिटींगोमे कोअयी होय 40 जे किबी त्याहोस आव्हान यागोढीई बीइलो होय का दंगलचा आमाआ तेबी दास किबी माआ मुन्डीपो ण आवहू याआ दंगलाबद्दल आमाआ किबी लेतू नाहा योग्य ठेरवूहू शकतो किबी हेडू नाहाआत्लू 41 अहलो पोळाच्या साडामेहे मिटीग बरखस्त कोअयी .