18
त्याआ फासाडी पौल इथेसाहां सोडीत कोईत कुरीन्थुस मेहे आव्यू 2 त्याजागे तो पुन्तुस त्याआ रोणारे अक्वीला नावोओ यहुद्याला मिल्यू तो त्याआ वेले आपाआ लाडीआरी अरीतीमिसचे आवयू ओतु तिये इटाली यकोअता सोडये ओते का क्लौदियुस लेतजा आखे यहुदी माहुंहु रोम मायारोत निहित जॉहु आदेश आप्यू ओतु तेहालाम पौल त्याहा मिलीहू गोल्यो 3 काहाके तिया कामधोदा एकुच ओतु तेहालाम तो त्याआरी रोला आना काम कोहू लाग्यू तिया धदू तंबू बोताडीलाआ ओतु 4 हरएक शब्बाथ तेदीही तो यहुदी धर्म मिटीग माय वादविवाद कोईत यहुद्यांमेहे आना युनानी माहुंहु खात्री कोईत आपित एहलो 5 जेव्हा ते मासेडोनियामरोत सिलास आना तीमोथी आव्ये तेहालाम पौलाने आपाआ आरन्यो वेल वचन प्रचार कोइलाकोअता लागाड्यू ओतु तो यहुद्यांमे ओ प्रमाणित कोईत ओतु का येशु ओच ख्रिस्त होय 6 जेव्हा तिये तिया विरोध कोल्योओ आना त्याहा अपशब्द गोग्या तेहालाम तिये त्याआ विरोधाम आपाआ आगडे फोकडीत त्याहा कोल्यो, 'तुमाआ रक्त तुमाज माथ्यापो पोडे' तीयाम आय निर्दोष होय ओमे आय आगाडी गैरयहुदीयांपो जानारू 7 ह्याप्रमाणे पौल तीजागेपोरोत निहित गोल्यो आना तीत- युस्त नावोओ कोआ आवयू तो परमेश्वराआ भक्ती कोअनारू ओतु त्याआं को यहुदी धर्म सभा-भवन ला लागीत ओते 8 क्रिस्प जो यहुदी प्रार्थना सभा-स्थानाचा अधिकारी ओतु आपाआ योग्य परीवाराआरी प्रभूमे विश्वास कोल्योओ ओतु त्याआरी तियाअ खूप करिंथकरांआ जिये पौलाचे वचन उनाअयो ओते तिये विश्वास कोईत बाप्तिस्मे लेदो 9 उनाआ राती होपनाआ प्रभूने पौलाहा कोल्यो, “बित नाहा, गोगीत रो आना ठावकू रोहू नाहा” 10 काहाके आय ताआरी होय ताआरी लोढाई कोईत कोडु पण ताहु नुकसान पोताळिहि नाहा काहाके याआ नगरामे माआ खूप माहे होय 11 तिंही पौल दीड सालपोईत परमेश्वराआ वचन त्यांमे हिकाडतो रोला 12 जेव्हा अख्यायाहा राज्यपाल गलीलो ओतु तेहालाम यहुदी एकजूट ओतगोल्यु पौलापो सोडवीत आव्ये आना त्याहा तोईत न्यायालयातघेऊन आव्ये 13 आना गोग्या, ओ माहुहू माहुंहु परमेश्वराआ आराधना आशा प्रकारे कोत बहकवीत होय का जे नियमशास्त्राआ बारथेए होय 14 पौल ओमे आपाआ सोब उगडनारू ओतु तेहालाम गलीलो लेतजा यहुद्याला कोल्यो , ऐ यहुदीया, जर ओ विषय कोडोबीही जाखोज अपराधाआ रोला ओतलू ताहा तुमाआ उनाइ माकोअता न्यायहेगांत ओते 15 कोईत ओ विषय शब्द नाव आना तुमाआ नियमामे प्रश्नाआ संबधित होय याकोअता याहा तुमुज पालीत ल्या , याआ पंचाईत माहु लेऊ नाहा 16 आना तिये त्याहा न्यायालयामरोत बारथे काढीत आपिलू 17 तेहालाम तिये प्रार्थना सभास्थानआ अधिकारी सोस्थिनेस ला तोईत दाबल्यो, न्यायालयाआ आगाडी त्याहा माआहि लागाडीत परंतु गलीलो लेतजा याहापा थोडो पण लक्ष्य आपिलू नाहा 18 जाखो दिहेजा पौल तियाअ जागापो उबलु ओतु फासाड़ी त्याआरी प्रस्कीला तेहलूज अक्वीला पण ओते पौलाने किखीयाम आपाआ सिंज्ये वाड्यो, काहाके तिये एक वचन लेधलो ओते 19 फासाड़ी ते इफुसुस पोतले आना पौलाने प्रस्कीलाआ आना गोगत्ले तियाअ ठिकाणीहा सोडये आना तुमु प्रार्थना सभास्थाना माय जात यहुदीयाआरी गोठ्याकोंहु लागाडीत , 20 जेव्हा तियाअ जागाआ माहु त्याहा किबी दीही फासी थोबुह कोल्यो तेहालाम तिये त्याहा नकार आपित आप्यू 21 परंतु तिये जाआत्लू कोल्यो , जर परमेश्वराआ इच्छा होय ताहा आय तुमापोओ फासी आविही तिये इफुसुस पोरोत डूगाव्दरे प्रवासजाआलो कोल्योओ 22 फासाड़ी कैसरिया पोतितकोईत ते यरुशलेमो गोये आना तियाअ जागापो मंडली लोकांची भेट लेदि आना फासाड़ी तो अन्ताकीया त्याही निहित गोल्यो 23 तिया जागापो किबी वेल काडीतटाक्येतहा तिये चेले खोबोर लेदो आना गलातीया आना फ्रीगीयाहा क्षेत्रात उनाआ तीजागेरोत बिहीरा जागापो प्रवासजाआलो कोईत आखे अनुयायी चा विश्वास वोदाडीअलो ओतु 24 त्याजागे अप्पुलोस नावाआ एक यहुदी रोत ओतु तो सिकांदरीयाआ रोनारू ओतु, तो विद्वान वक्ता ओतु तो इफिस्मध्ये आवयू ओतु शास्त्राआ पुरो ज्ञान त्याहा ओते 25 त्याहा प्रभूऊ मार्गाआ दीक्षा पण जोड़ी ओती तो मोनामेहे उत्साह पोईत प्रवचन हिकाडतो ओतु तेहलूज येशू विषयी सावधान पुर्वोज संदेश आपित ओतु त्याहा योहानाआ बाप्तिस्मे विषयी ज्ञान ओते 26 यहुदी मिटीग माय तो न बिकर्या गोगू लाग्यू जेव्हा प्रस्कीला आना अक्वीला लेतजा त्याहा गोठयुकोअता उनाअयो तेहालाम ते त्याहा एकिवोले घेऊन गोये आना जाखो सोपो आना हीदू भाषम त्याहा एक -एक गोठी परमेश्वराआ मार्गाबद्दल होमजीतलो 27 जाहा तिये अखया जायलो ठेरवीही, तेहालाम पाहीही तिया उत्साह वोदाडयु आना तियाअ जागापो रोणारे माहाहा तिया स्वागत कोइलाकोअता चेले पत्र लेखित मोकल्ये जेव्हा तो तियाअ जागापो पोतीतगोयू तेहालाम तो त्याकोअता वोडू सेवक बोल्यू सिद्ध बोल्यू जिये परमेश्वराआ कृपेणे विश्वास ग्रहण कोल्योओ ओतु, 28 काहाके शास्त्रापोरोत ओ प्रमाणित कोईत ओतु का येशू ओच मसीही होय तिये यहुद्याआ माहुआगाडी माय जोरदार शब्दामे गोगीत त्याआ खंडणी कोईत ओतु.