17
फाशे ते अम्फीपुलीस आना आपुल्लोनीया मेहे रोत थीस्सलूनीके मेहे आव्ये जीही यहूदीया आ एक मोंदीर ओतो 2 पौल आपाआ रोतीई नुसार त्याआ जागे गोल्यो आना तिये शब्बाथाआ तेदीही पवित्र शास्त्राद्वारे त्याआरी वादविवाद कोल्योओ 3 आना त्याआ अर्थ उगाडीत होमजादिलो लाग्यू का ख्रिस्ताहा दुख सोसीला आना मोअल्या मायारोत जिवंत उवे आवश्यक ओते आना ओच येशू ज्याआ आय तुम्हामे कथा उनावूत्लु, 4 त्यामेरोत केते जानोतांहि आना भक्तांवाही युनानी जामेपोरोत जाअखो जानोतांहि आना जाअखो एहलो कुलीन बोयीही तेईतले कोईत लेधलो आना पौल आना सिलास यांआरी मिलीलू गोये 5 परंतु यहुदी माहु डाव तोईत बाजारामे माहुंमे किबी खराब माहुहुं आपाआ आरी लेधलो आना गोर्दी एकठे कोईत नगरामेहे गोधळ उघाडीते लागाडीत आना यासोनाच्या कोआही धावून त्याहा माहाआगडी लावूअलो ओते 6 ते तीइही नाहा ओ पालहु ते आअडित ओतुताहा यासोनाआ आना किबी पायहोहो नगरआ अधिकाऱ्यासमोर खेचीत लाविले ओ माहे जिये जगाला उलटो सुलट कोईत आपिलू होय इही पण आवीत गोये होय 7 यासोनाआ त्याहा आपाआ ईहि पर्यंत उगाऱ्ये होय का ओ आखेज आखे ओ कोल्यो होय का येशू राजा होय आना कैसराआ आज्ञाआ विरोध कोअता 8 तियाअ माहुंहु आना नगरआ अधिकाऱ्याआ ओ उनायुहा बीवाडीते आपिलू 9 याकोअता तिये यासोनाची आना उरील्योओ माहुंहु आरी जागू आपित सोडवीत लाविले 10 पाहीही लागेज रातीम पौलाहा आना सिलास ला बिरुयास मोकलित आपिलू आना ते तीइही पोतडहु यहुदी मांहाहा प्रार्थना कोआत गोये 11 ओ माहे ताहा थेसलनिकाआ यहुदी लोकापेक्षा हाजो ओते आना तिये वोडा उत्सुकतेने वचन ग्रहण कोल्यु आना ए गोठी ओच होय का नाहा ओ हरएक दीही पवित्र शस्त्रामेहे होदित रोल्या 12 याकोअता त्याआ वचनापो जाअखो जानोतांहि आना युनानी कुलामेरयु बोयीमरोत आना महुमेरोत जाअखो जानोतांहि विश्वास कोल्योओ 13 काहाके का जाहा थेसलनिकामहे यहुदी होमजीत गोयुका पौल बिरुआ परमेश्वराआ वचन उनाईत ओतु तो तीइही आविलो माहुंहु खोळवळून चीतावले 14 तेहालाम पाहीही लागेज पौलाहा मोकलित आपिलू का समुद्राआ किनारावपो निहित जा परंतु सिलास आना तीमथ्य होमजीत्लो रोत गोये 15 पौलाहा पोताळणारे त्याहा अथेनैपर्यंत घेऊन गोये आना सिलास आना तीमथ्यासाठी ए आज्ञा मिलवीत मोकलित आपिलू का ते त्याआ वेगु- वेगु आव्ये 16 जेव्हा पौल अथेनैमध्ये त्याआ वात पालताज ओतु ताहा नगराहा मुर्तीई पोअल्ये पालीत तिया जीव कासावीस पोयो 17 आखरी तो प्रार्थनामे यहुदी पोरोत आना भाक्तीमानापोरोत आना जे चौकामेहे जे माहे मिलतले त्याआ आरी हरएक तेदीही वादविवाद कोईत ओतु 18 तेहालाम एपीकुरपंथी आना स्तोयिकपंथी तत्वज्ञान मायारोत कोडोबी तिया विरोध कोल्योओ आना कोढीबी कोल्यो , 'ओ बडबड्या नाहाकोत कोहू इच्छीला होय ? परंतु बिहराआ कोल्यो , 'तो अन्यजातीमेहे मास्तर मोलुम गुंगदिलो काहाके तो यीशु पुनरुस्थानाचा सुवर्तेचा घोषणा कोईत होय 19 तेहालाम ते त्याहा आपाआ आरी अरीयपगावर ओतगोल्यु गोये आना फ़ुस्ल्याआ, आमुहू होमज्यू शकतो का ओ नवो मोत उनाईत होय , नाहाकोत होय ? 20 काहाके तू अपरिचित गोठी उनाईत होय याकोअता आमुहू होमजीत लेअलो होय का याआ अर्थ नाहाकोत होय ? 21 याकोअता का आखे अथेनैकर आना बिहरादेशोआ जे तीइही रोत ओते नवो- नवो गोठी सांगतात आना उनाडया शिवाय आना कोडला कामोम वेल मोकलित नाहाआत्लू 22 तेहालाम पौलसाने अरिय पथानआ माय उबुरोत कोल्यो ओ अथेनेआ माआहामेरोत पालत्लू का तुमु हरएक गोठीमेहे देवताआ वोडो मानिनारे होय 23 काहाके का फिरीलावेले जेव्हा तुमाआ पुजण्याकोअता वस्तूउ पालीत ओतु ताहा एक एह्ली एक वेदी पण देखल्यी, ज्यापो लेखिलो ओते अनोळखातीनाहा इस्वराकोता याकोअता ज्याहा तुमु ण पालीलो पुजत्ले आय तुम्हामे तिया प्रचार उनावूत्लु 24 ज्या परमेश्वराने धोरती आना त्याआ आखे वस्तूंवाही बोनाडहि तोज स्वर्ग आना धोरतीई स्वामी ओमेत आताई बोनाडल्ये मंदिरोम रोत नाहा 25 नाहा कोडला वस्तूआ आवश्यकतेऐ कारनोवाही माहाहा आथोवाही सेवा लेहो , काहाके तो खुद आखाहा जीवोन आना श्वास आना आखे किबी आपोहो 26 एकाच मनुष्यामेरोत तिये आखे जाती निर्माण कोल्यु यकोअता ते आखे धोरतीपो वास्तव्य कोईओलो, तीयेज माहाआ नियम निच्शीत कोल्यु आना तियाअ ठीकानाहा पण ज्या जागापो ते रोत ओते 27 त्याआ प्रयोजन ओच ओते का लोकाहा परमेश्वराआ ह्दजा ओवुहू सेकोहो का ते तिही पर्यंत पोतडहु मिलवे अहलो ओतगोल्यु पण तो आम्हा पोरोत सेटे रोला नाहा 28 काहाके का त्याहाम आमुहू रोतलू त्याहाम आमाआं शक्ती होय आना त्याहाम आमुहू वास्तव्य होय याकोईत किबी भविष्य वक्त्यांनी पण कोल्यो होय का आमुहू त्याआ पोऱ्ये होय 29 काहाके आमुहू त्याआ पोऱ्ये होय त्याकोता आमुहू ओ फूस कोअला नाहा का ते अस्तित्व होनो किंवा चांदी किंवा डोनो मोनावाही बोनाडल्ये मुर्तीहोस होय 30 असे अज्ञानी युगाची परमेश्वराई अपेक्ष कोईत आप्यी होय कोईत तो हरएक माहाहा मोन फिरविलाकोअता आदेश आपित होय 31 कोईत तिये एक दीही निच्शीत कोल्योओ होय तियाअ तेदीही तो उनाआ महापरोत जगाआ न्याय कोअनारू होय मोल्यामरोत जिवंत कोइत प्रत्येककोअता ए गोठी तिये कोल्यी होय 32 जाहा तिये मोल्यामरोत जीवोन ओनारो प्रमाण कोल्यो ओतु तेहालाम कोढीबी त्याआपो मजाक कोअयी आना किबी माहु कोल्यो , का आमुहू आव विषयी फासाड़ी फासी वचन उनाऊ 33 तेहालाम पौल त्याहा सोडीत निहित गोल्यो 34 किबी माहु विश्वास ग्रहण कोल्योओ आना त्याहापोरोत ओतगोल्यु गोये यामे अरीयुपगुस्का सदस्य दियुनुसियुस आना दमरीस नावाआ एक बोयी तेहलूज त्याहापोरोत किबी फासी माहे ओते.