16
फाशे ते दीरबे आना लुस्र मेबी गोये तीही तीमुथीयूस नावाअ एक चेलू ओतु तो एखाआ विश्वासी ई पोर्यु ओतु पोन त्याआ बाआहु यूनानी ओतु 2 लुस्त्र आना इकुन्यातल्या मांहाआरी त्याआ हाजी बोलीचालीलोआ ओती 3 पौल तिमथ्याआ प्रवासाम आपाआरी घेऊन जानारू ओतु आना तिये त्याहा आपाआरी लेधलो आना तियाअ जागापो रोणाआरा यहुदाआ सहायाने त्याआ सुंता कोअयी काहाके त्याहा पण मालूमे ओते का तिया आबहू एक युनानी ओतु 4 नगरोमरोत प्रवासजाआलो कोईत ओयताहा तिये तियाअ जागापो रोयानारू माहुंहु उनाआ नियमा कोल्यो, जे यरुशलेम माय प्रेषित आना डायु इये निच्शीत कोल्यु ओते 5 ह्याप्रमाणे तियाअ जागापो ओतल्या मोडलीई विश्वास सदृढ उवनारा गोल्यो आना दीही दाडीअदीही त्याआ संख्याआ वोद्तो गोयी 6 फासाड़ी फ्रुगीया आना गलतीयाआ भागाकडून निकलीलू काहाके पवित्र आत्मावांहि त्याहा आशिया माय वचन कोइला नाहाकोत कोल्यु ओते 7 फासाड़ी ते जेव्हा मुसियाहा हिवोपो पोतले तेहालाम तिये बितुनिया जॉहु निर्णय कोअयो परंतु येशूउ आत्मावाही त्याहा त्याजागे पण जाऊ आपिलू नाहा 8 तेहालाम मुसियापोरोत त्रोवासाहा पोतले 9 रातीई पौलाने दर्शनमध्ये पालील्यो का मेसिडोनियाआ एक माहु प्रार्थना कोईत कोल्यो होय मेसिडोनिया माय आव आना आमुहू मदत को 10 ओ दर्शन पाहिलाबादमे लागेज ए याआ परिणामी निघाल्यू का परमेश्वराने तियाअ माहुंमे सुवार्ता प्रचार कोईलाकाजे आमुहू हादाडये होय , आमुहू मेसिडोनिया जायलो ठेरव्यो 11 ह्याप्रमाणे आमुहू त्रोआसला जलमार्गाद्वाही जाअलाकाजे आमाआं नाव सोडीत आना हीदू समोथ्राके जात पोतले फासाड़ी आगाडी तेदीही नियापुलीस निहित गोये 12 तिहीरोत आमुहू एक रोमी उपनिवेश फिलीपुस ला पोत्यू जे मेसिडोनिया च्या भागुम प्रमुख नगर होय याआ नगरामेहे आमुहू किबी दीही रोयोजे 13 फासाड़ी शब्बाथ तेदीही आमुहू ओ फूस कोईत का प्रार्थना कोइलाकोअता त्याजागे एखादी जागू होय आना आमुहू नगर फाटको बारथे खाडीही गोल्यू त्याजागे आमुहू बोहोलो आना एकठे बायराआरी चर्चा कोहू लाग्यू 14 तिया जागापो लुदिया नावाआ एक बोयी ओती ती जाबलो रंगाचे आंगडे वेसातो ओती ती परमेश्वराआ भक्ती कोनारी ओती ती जाखो लक्ष आपित आम्हा गोठी उनाईत ओती प्रभूऊ तिया ह्रदयाआ उगड्यो ओते यकोअता का पौल जे कोल्यो ओतु ते लक्ष आपित उनाआ 15 आपाआ योग्य परीवाराआरी बाप्तिस्मे लेदलेताआहा तीही आमुहू विनंती कोअयी का , “जर तुमु माहु प्रभूऊ खोरी भक्त मोनामे होय ताहा आव आना माकोअ रो ” तेहालाम तिये आमुंहु त्याआ कोआ जॉहु तीयार कोईत आपिलू 16 फासाड़ी एहलो उवे का जेव्हा आमुहू प्रार्थना स्थानोही जात ओते तेहालाम आमुहू एक दासी जोडीहो, तीयीय शकून ची आत्माआ ओती ती दैव्य प्रश्न कोत आपाआ धन्यांहा खूप धन मिलवीत आपित ओती 17 ती आम्हा आना पौलाचआ फासाडी ओ गोगीत आवयी का , ओ माहे परम परमेश्वराआ पावर होय , ओ तुम्हामे मुक्तीच्या मार्गाआ संदेश कोल्यो होय 18 ती जाखो दिहेजा ऐहलेच कोईत रोली तेहालाम पौल यीई गोगीलापोरोत कंटाळला ओतु तिये वोलीत तियाअ आत्म्याहा कोल्यो, आय येशु ख्रिस्ताच्या नावामेहे आज्ञा कोइलो का याआ पोरीपोरीत बारथे निह तेहालाम तो आत्माआ तीमेरोत लागेज बारथे निहित गोल्यो 19 फासाड़ी तिया धन्यावाहित जेव्हा ओ पालील्यो का त्याआ आखी कामाई बंद उवी होय तेहालाम पौल आना सिलास ला तोअल्यो आना धरतीपो खेचीलो बाजारामेरे अधिकाऱ्या घेऊन गोये 20 फासाड़ी दंड आपनाऱ्या अधिकाऱ्याहि घेऊन गोये आना गोग्या, 'ओ माहे यहुदी होय आना आम्हा नगरामे गडबड कोईत होय ' 21 ओ एहलो रिती रिवाजाबद्दल गोगीत होय का जे ग्रहण कोअला आना त्याआपो सालीलो आमु रोमी न्यायपूर्ण नाहा 22 गोर्दी पण विरोधाम मांहाआरी त्यांपो सोडवीत आव्ये दंड अधिकरावाही त्याआं आगडे फाडीत उताऱ्ये आना आज्ञा कोअयी का त्याहा छड्या माईलो 23 त्याहा जाखो छड्या मोयुताहा तिये त्याहा जेलूम टाक्ये आना तुरुंगाआ अधिकाऱ्याआ आज्ञा कोअयी का त्यांपो वातडो राखोन मेकीलू 24 एह्ली आज्ञा उवलानंतर त्याहा तुरुंगाआ मायत्या आधारमेही मेकल्ये तिये त्याआं गुडू खोडयात उडकान्ये 25 फासाड़ी लगभग मध्य रात उवी होय आना पौल आना सिलास परमेश्वराआ भजन गावित प्रार्थना कोईत ओते आना बिहरे कैदी ते उनाईत ओते 26 तेहालाम त्याजागे एक एहेलू भिवाड्नारू भूकंप पोयो का तुरुंगाचे पाये डगमगले आना लागेज तुरुंगाचे बाआनो उगड्यो गोये तेहालाम प्रत्येकाआ बेडया ढिली ओतगोल्यु गोलीत पोड्यो 27 तुरुंगाआ अधिकरावाही जागतू ओतगोल्यु पालील्यो का तुरुंगाचे बाआनो उगाड्ये होय तेहालाम तिये आपाआ तलवार काढीलो आना स्वता: उपो वार कोईत लेही ओतु, तेहालाम 28 तेहालाम पौलाने उचो आवजावाही आवाज आपित कोल्यो, “स्वता: ची नुकसान कोईत -कोईत लेऊ नाहा, काहाके आमुहू आखे इहीजा होय ” 29 यापो तुरुंगाआ अधिकरावाही मशाल मागाळल्यी आना वेगु -वेगु त्याआ जागे गोल्यो आना बिखीकी कापीत -कापीत पौल आना सिलास याआ आगाडी गुडू पोडीत 30 फासाड़ी तो त्याहा बारथे घेऊन गोल्यो आना बोलतुल्यो, “महाराज, माआ तारण उवे कोईत नाहाकोत कोईओलो लागे?” 31 फासाड़ी तिये उत्तर आपिलू, प्रभू येशु उपो विश्वास को तीयावाही तांआ तारण उवे आना ताआ परिवाराआ पण 32 फासाड़ी त्याआ परिवाराआरी तिये त्याहा प्रभूऊ वचन कोल्यो 33 तुरुंगाआ अधिकरावाही त्याआ राती आना त्याआ टायमोमें त्याहा घेऊन गोल्यो आना तिये त्याआ जखोमो धुतल्या आना आपाआ आखे परीवाराआरी बाप्तिस्मे लेदो 34 फासाड़ी ते पौल आना सिलास ला आपाआ कोआ घेऊन आव्ये आना त्याहा तिये रोटू खाऊ काल्ये परमेश्वराआ विश्वास ग्रहण कोअल्यावांहि तिये आपाआ आखे गोऱ्याआरी आनंद कोल्योओ 35 फासाड़ी जाहा दीही उगीअलो तेहालाम दंड अधिकरावाही आपाआ हिपायांहा मोकलित कोल्यो का त्याहा सोडीत आपिलो 36 फासाड़ी तुरुंगाआ अधिकरावाही ए बातमी पौलाहा कोलाकोईता का दंड अधिकरावाही तुम्हामे सोडीत आपुहू कोल्यो होय त्याकोता तुमु बारथे आव आना शांतीई निहित जा 37 फासाड़ी परंतु पौलाने हिपायांहा कोल्यो , 'जर आमुहू रोमी नागरिक होय परंतु आमुहू अपराधी नेओत आखाआगाडी माअये पिठले आना जेलूम मेकल्ये, आना निकाईत- निकाईत ते आमुहू बारथे मोकलित होय खरोज एहलो उवे नाहा एहलो उवूंहू जोवे का ते स्वता: आविलो आमुहू बारथे घेऊन जालो 38 फासाड़ी शिपायाआ दंड अधिकाऱ्यालाहे शब्द कोल्यो , दंड अधिकाऱ्याआ ओ जेव्हा मालूमे उवे का पौल आना सिलास रोमी होय तेहालाम ते जास्तीज बितगोये 39 फासाड़ी तेहालाम दंड अधिकारी तिंही आवयू आना तिये त्याआरोत क्षमा मागित बारथे घेऊन गोल्यो आना तिये ते नगर निहित जॉहु कोल्यो 40 पौल आना सिलास बारथे जात लुदियाआ कोआ गोये आना आखे पाहीही मिलून तिये त्याआ उत्साह वोदाडयु आना फासाड़ी फासी ते तिहीरोत निहित गोये.