15
ताहरेहे काही माहे यहूदीया मेहे रोत आवीत पायहोह हीकाडूहु लाग्यु जोर मुसाआ रीती वाही तुमाआ सुन्ता ने होय ते तुमुह उद्धार ने जोडनारू 2 पौल आना बर्नबास त्यांम सहमत नाहाआत्लू तेहालाम त्यांमे एक वोडू वाद उबु रोला तेहालाम पौल आना बर्नबास तेहलूज त्याआं किबी होबती यांहा याआ समस्यांआ समाधानाकोता प्रेषित आना मुखिया यापो यरुशलेम माय मोकालीलाकोता खरोज कोल्योओ 3 ते मोडंली त्यापोरत मोक्ल्यीत जात ओमेत फनिके आना शोमरोन यामरोत जात ओतलू आखे पायहोहो अधर्मीयांचे मोनाहा परिवर्तनाआ विस्तारासोबत सुवार्ता कोत त्याहा खुश कोईत ओते 4 फासाडी जेव्हा ते यरुशलेम माय पोतले तेहालाम मंडळीना प्रेषितांनी आना डायु माहु त्याआं स्वागत-सत्कार कोल्योओ आना तिये त्याआरी परमेश्वराने जे किबी कोल्यु ओते ते आखे किबी त्याहा कोल्यो 5 यापो परुश्यांचा एक दल किबी विश्वासी उभे रोल्या आना कोल्यो , त्याआ सुंता अवश्य कोअयी जायलो आना त्याहा आदेश आप्यू जाअलो का मुस्साचे नियमशास्त्राआ पालीत कोईओलो 6 याआ प्रश्नापो फूस कोइलाकोता प्रेषित तेहलूज डायु माहे परस्पर एकठे उवे 7 एक जाखो वेल वादविवाद कोईलानंतर पेत्र उबु रोला आना त्याहा कोल्यो , पाहीही, तुम्हामे मालूमे होय का जाखो दियोआगाडी तुम्हामे प्रभूऊ एक निवोड कोअयी ओती का माआद्वारे अधर्मी माहे सुवार्ता होमीजीलो आना विश्वास कोअनारू 8 आना मोनाहा ओलखिनारा परमेश्वराने आमुहू सन्मान त्याहा पण पवित्र आत्म्याआ वरदान आपित त्याआ संबधामे आपाआ समर्थन देखाडये 9 विश्वासाआ त्यापोरत त्याआ मोनाहां पवित्र कोईत आमापो आना त्यांम काहीही भेदभाव देखाड्यो नाहा 10 तेहालाम ओमे शिष्याआ बोचीपे एक एहलो वोझो मेकीत ज्याहा आमुहू विसीत शकत नाहा आना आमुहू आगडीडाये, तुमु परमेश्वराआ परीक्षा काहा पालता? 11 पोन आमाआ ताहा एहेलू विश्वास होय का प्रभू येशू कृपेणे जेहलो आमुहू तारण उवे होय तेहलूज आमाआं एहलो होय का त्याआ पण तारण उवे 12 यापो आखे जमाव ठावकू पोयो आना बर्नबास आना शौल याहा उनाऊ लागाडीत तियाअ बिहरायहुद्यामरोत परमेश्वराने तीआद्वारे बेन अदभूत चिन्ह प्रकट कोल्यु ओते आना आश्चर्य काम कोल्यु ओते आना त्याआं वर्णन कोईत ओते 13 त्याआं जेव्हा गोगीत उवे तेहालाम याकोब कोयो ओतु, ऐ, पाहीही माआ उनाआ , 14 शिमोन लेतजा कोल्यो ओते का परमेश्वराने गैरयहुदिमे किबी माहुंहु आपाआ नावाकोअता निवडीत आखाम पालील्यो केहलो प्रेम प्रकट कोल्यु ओते 15 संदेष्ट्यांआ वचन पण त्याआआरी मेळ बोअत्लू जेहलो का लेखिलो होय ; 16 “आय याआनंतर आवे , फासी आय उबु कोअही दविदाआ को जे पोडये होय , फासी फेडीत त्याआ डोसू बुजाडीन हीदू कोअनारू ” 17 याकोअता जे वाचले होय ते गौरयहुदी जे आखे ओमे माआ कोतल्ले तिये प्रभूआ होद कोईओलो 18 ए गोठी तेज प्रभू कोयो होय जी वर्षानुवर्षे याआ गोठीकोता तो प्रकट कोअत्लू 19 ह्याप्रमाणे माआ ओ निर्णय होय का आमुहू तियाअ माहुंहु जे गौरयहुदी ओमेत ए परमेश्वराही वोलोलो होय , त्याहा त्रास आपुहू कायना 20 पोन जर आमुहू त्यांआपो लेखित मोकलित का मूर्तीपोरोत अपवित्र कोल्यो खायलापोरोत सेटे रोअलो आना व्यभिचारापोरोत सेटे रोअलो गोलु दाबीन माअये गोयल्यु प्राणी याहा माहा खाकोता सेटे रोअलो आना रक्ताआ केधी खाऊ कायना 21 प्राचीन कालोलरोत मुस्साचे नियामशास्त्र वासनारा नगर- नगर माय होय हरएक शब्बाथ तेदीही मुस्साचे नियामशास्त्र प्रार्थना सभाम वाचले जात होय 22 फासाड़ी प्रेषित आना दायावांही योग्य मोडलीआरी खरोज कोल्योओ का तिआमेरीते किबी माहुंहु निवडीत पौल आना बर्नबास त्याआआरी अंताखियाआ मोक्ल्यीत जालो तेहालाम त्याहा बर्शब्बाआ कोल्यू यहुदी आना सिलास ला निवडीत लेधलो ते पाहीमे आखे प्रमुख ओते 23 तिये त्याआ आथोमेहे ओ पत्र मोक्ल्यीत, तुमाआ पाही , डायु आना प्रेषित यापोरोत अंताखिया, सिरीया आना किलीकीया त्यापोरोत गौरयहुदी पायहोहो नमस्कार मोक्ल्यीत 24 आमुहू जोयरोत उनाअयो होय का आमुहू न विचारामे आमामेरोत किबी माहु जात आपाआ शब्दामे तुम्हामे दु: ख आपिलू होय आना तुमाआ मनाहे अस्थिर कोल्यु होय 25 आमुहू आखाज परस्पर सहमत ओतगोल्यु ओ खरोज कोल्योओ होय का आमुहू आपामेरोत किबी माहुंहु निवडाआ आना आपाआ गोमतो बर्नबास आना पौल त्याआआरी त्याहा तुम्हाआरी मोकलित 26 ते ओच माहे होय जिये आम्हा प्रभू येशु ख्रिस्ताच्या नावाकोअता आपाआ जीवापो उदार ओवल्यु एहलो ओते 27 आमुहू यहुदा आना सिलास ला मोकलित होय ते तुम्हामे आपाआ मुखोवाही याआ आखे गोठी कोअही 28 पवित्र आत्म्याहा ओ आखे मालूमे होय का तुम्हामे याआ आवश्यक गोठी व्यतिरिक्त बिहीरा गोठीही वोझो तुमापो आवहू न आपिलो 29 मूर्तीपो चढविलेले रोटू तुमु खाऊ , रक्त कायना आना गोलु दाबीन मारुहुपोत प्राणी आना व्यभिचार ह्यापोरोत सेटे रो जर तुमु याआ गोठीपो स्वता: ला सेटे मेकल्ये ताहा तुमाआ कल्याण उवे आना श्रेमकुशल उवे 30 ह्याप्रमाणे त्याहा मोकलित आपिलू आना ते अंताखिया जात पोतले तियाअ जागापो तिये धर्म मिटीग हादिलो आना त्याहा ओ पत्र आपिलू 31 पत्र वासित त्याहा ओ प्रोस्ताहन जोडयेहे त्याआपो तिये आनंद कोल्योओ 32 यहुदा आना सिलास जे ओ बेन खुद संदेष्टे ओते पाही त्याहा उत्साहामे कोईत आना दृढता प्रदान कोईत एक जाखो टाईमापोजा प्रवचन हिकाड्ये 33 त्याजागे किबी वेल थोबीलोबादमे पाहीही त्याहा शांतीपूर्वकाआ त्यामेहे जागे फासी मोक्ल्यीत जिये त्याहा मोक्ल्यीत ओते 34 पोन सीलासाह तीही रोअलो हाजो लाग्यो . 35 पौल आना बर्नबास इये फासी किबी वेल अंताखिया माय कालीत आना जास्तीज बिहीरा मांहाआरी तिये प्रभूउ वचनाआ शिक्षण आपित माहुंमे सुवार्ता प्रचार कोअयी 36 किबी दिहोनंतर बर्नबास ला पौलाने कोल्यो, “आव, आपु ज्या- ज्या नगरामे आपु प्रभूउ वचनाचा प्रचार कोल्योओ होय त्याजागे आपाआ पायहोंआरी जात पाल्हू का ते नाहाकोत कोईत होय ” 37 बर्नबास ला वाटेम का मार्क कोल्यू योहानाई पण आपाआ आरी आवे 38 पोन पौलाहा ओ ठीक वाटेम का आपाआरी कोडाआ ए न लेदलेए ज्याआपोरोत पंफुल्याहून माय त्याहा सोडये आना प्रभूउ कामोम तो त्याआरी रोला नाहा 39 यापो तियाअ बेनुमे तीव्र विरोध निर्माण पोयो परिणामी ओ उवे का ते एकबिहीरा त्यापोरोत अलग उवे बर्नबास मार्क ला घेऊन पाअयोंआ जहाजापो साइप्रस साले गोये 40 पौल सिलास ला निवडीत त्याजागेरोत निहित गोल्यो आना पाहीही त्याहा प्रभूउ संरक्षणाम होफहोपिन आपिलू 41 तेहालाम पौल सिरीया आना किलीकीयहा यात्रा कोईत त्याजागे ओतल्या मंडळीना सुदृढ कोईत रोला.