12
ती वेले हेरोदेस राजू बी मोंडलीपोओ काही जाणा पोओ दोमीला कोअता त्या पोओ आथ ताक्यु 2 तिये योहानाआ पाही याकोब याहा तलवारीकी माईत टाकिलाकोअता लागाडले 3 जेव्हा तिये पालील्यो का यहुदी माहे जीयेतीये आनंदाम ओये तेहालाम तिये पेत्राहा पण तोईत लेधलो ते दीही बेखमीर रोटाआ ओते 4 तिये त्याहा बंदी कोईत तुरुगामे टाक्ये, आना चोर शिपायामेहे चोर पहाराम मेक्ल्ये आव विचाराआ का वाल्हांडन तीवारे उवेताहा त्याहा मांहाहा आगाडी लेतावे 5 बंदी कोअमे पेत्र कैद ओतु परंतु मोडंली एकाग्रतेने परमेश्वराही प्रार्थना कोईत ओते 6 जेव्हा हेरोद त्याहा माहूक आगाडी अनावर ओतु त्याआ राती पेत्राहा बेन बेडीवाही बांध्यू बेन शिपाया माय हुव्यू ओतु आना रखवाली कोआ बाअनापो बंदी कोआ रक्षण कोईत ओते 7 पाला , प्रभूआ एक देवदूत आविलो उबु रोला आना तियाअ जेलूम प्रकाश सोमक्यू आना तिये पेत्राआ खांदापो आथे थापटून त्याहा उठाडीलो आना कोल्यो , उठ , वेगु को, आना त्याआ आथोमरोत बेड्या उगाडीत खाडी पोड्यो 8 तेहालाम देवदूताहा त्याहा कोल्यो , कोमोर बांध आना आपाआ बूट कालीत ले , आना तिये तेहलूज नंतर तिये कोल्यो , आपाआ आंगडे कालीत माआ फासाडी आव 9 तो निहित त्याआ फासाडी गोल्यो परंतु ओ मोलुम नाहाआत्लू का जे किबी देवदूत कोईत ओते ते होप्नो होय नहाते ओ होमाजाडीत होय का आय दर्शन पालीत होय 10 तेहालाम ते पोयतो आना राखोन उनकीत तियाअ लोखंडाआ फाटकापो पोतले जे नागराही होय तो त्याकोअता आपोआपो उगाडीत गोल्यो आना ते निहित एकाच वाट चालीत गोये आना लागेज देवदूत त्याहा सोडीत निहित गोल्यो 11 तेहालाम पेत्राई पाहीपो आविलो कोल्यो ओमे आय खर ओलखीत लेदो होय का प्रभूऊ आपाआ देवदूत मोकलित माहु हेरोदाआ आथोमरोत सोडवीत लेधलो, आना यहुदी याहा आखी आशा तोडीत आप्यी होय 12 ओ ध्यानाम आवेताहा तो तियाअ योहानाहा आयहि मरियाआ कोआ आवयू जो मार्क कोअहो जात्लू तिही जाअखो माहे एकठे प्रार्थना कोईत ओते 13 जाहा तिये दरवाजाआ कोडी खिडकी ठोकीही रुथ नावाआ दासी पालुहू आवयी ओती 14 पेत्राआ शब्द ओलखीत तिये आनंदाआ आगाडी फाटक उगडाल्यू नाहा, परंतु गुगदिलो विसमे गोयी आना कोल्यो का पेत्र बाअनापो उबु होय 15 तिये त्याहा कोल्यो , तू वेढी उवी होय , परंतु ती खात्रीवाही गोगल्यी ऐहलेच होय तेहालाम तिये कोइतलु , त्याआ देवदूत होय , 16 पोने पेत्र देताच ओतु आखरी तिये खिडकी उगडाव्यी आना त्याहा पालीत आश्चर्य चक्कित उवे, 17 तेहालाम तिये त्याहा ओतु कोईत इशारु कोल्योओ का ठावकू रो , आना तिये कोल्यो का प्रभूऊ त्याहा कोडला रीतीवाही त्याहा -त्याहा बांदिकोमे काढीत लाविले फासाड़ी कोल्यो , याकोब आना पायहोहो ए गोठी कोत द्यायची फासाड़ी तो बिहीरा जागापो निहित गोल्यो 18 वेगी शिपायामेहे कापाली उडाली का पेत्राआ नाहाकोत उवे 19 जेव्हा हेरोदावाही त्याहा होदिलो आना मिल्यू नाहा राखवालीकोनाराहा तोपासित आज्ञा आप्यी का ते माईत टाक्ये जाथ आना ते यहुदीयाहा सोडीत कैसरीयामे आविलो रोल्या 20 हेरोद सोरकरांवर आना सोदाआ माहाहूपो जास्तीज अप्रसन्न ओतु याकोअता ते एकचित ओतगोल्यु त्याआ जागे आव्ये आना बलस्त याआ जोराट्यांचा एक कर्मचारी ओतु त्याहा होमजाडीत समेत कोहू इच्छिता काहाके राजाहा देशामेने त्याआ देशोओ पालीत पोषणाआ उवनारा ओते , 21 ठेरविल्ये दीही हेरोद राजवस्त्र कालीत सिहासनापो बोहू आना त्याहा भाषण आपुहूकाजे लाग्यू 22 तेहालाम माहे आयडीत उठे ओ ताहा माअहा नाहा देवाआ शब्द होय 23 त्याआ क्षणाला प्रभूउ उनाआ स्वर्ग दूतावाही लागेज त्याहा माअये , काहाके तिये परमेश्वराआ गौरव आपिलू नाहा आना तो किडे लागित मोईत गोल्यो 24 परंतु परमेश्वराआ वचन वोद्तो आना फैलीत गोये 25 जाहा बर्णबा आना आपाआ सेवा पुरो कोअयी ताहा योहान जो मार्क कोअहो जात्लू आरी घेऊन यरुशलेम ला गोल्यो.