11
फाशो प्रेरित आना पाही जे यहूदीया मेहे होमले ओते का बीहरी जातीवाले बी परमेश्वराआ वचनाहां मानींत लेदे 2 यास्तव जेव्हा पेत्र यरुशलेमो आवयू सुंता कोल्यो माहे त्याहापोरोत वादविवाद कोहू लागाडीत , 3 तू बेसुंताआ कायोताआरी जात आरी रोटू कोल्यु 4 तेहालाम पेत्राई त्याहा आरंभ कोईत अनुक्रमाने कोत देखादये, 5 यापो नगरामे प्रार्थना कोईत ओते आना देहभाव ओतगोल्यु एक दुष्टांत पाल्यू , का एक पात्र वोडा चादरीहोस चारू कोपरे कोटकीवल्याआ जुगोमोरत उतरित माआहने आव्ये 6 त्यांही आय वारूह पालीत फूस कोईत ओतू तेहालाम पृथ्वीपो चतूष्पाद, श्वापदे, होरकीज जीव, आना जुगोमेरयो पाखरे माआ डोआआगाडी पोडये 7 आना आय एह्ली वाणी गोगीलावेले आय उनाई का पेत्रा, उठऐने माईत खा 8 परंतु आय कोल्योओ, नाहा प्रभू काहाके का आय फासी पर्यंत अशुद्ध आना अपवित्र वस्तू निसे नाहा 9 त्यापासाडी लागेज बिहरि वाणी जुगोमोरत उनाई , जे किबी परमेश्वराने शुद्ध कोल्यु होय तेगा अशुद्ध मानह नाहा 10 तीन टायमोआ ऐहलेच उवे, तेहालाम आखे किबी फासी जुगोम विसित लेधलो गोये 11 आना पाला , वेगुज तीन मांहु जे कैसरियापोरोत मांही मोकल्ये गोये ओते , तियाअ पायऱ्या माय आमुहू ओतू आविलो उभे रोल्या 12 तेहालाम आत्मावाही आविलो माहु त्याआ आरी किबी शंका ण कोईत जाहू आखिलोअने ओ सहा पाही पण माआआरी आवयेएने आमुहू तियाअ माहुहु कोआ गोल्यू 13 तिये आमुहू कोल्यो , का तिये एक स्वर्ग दूतरा आपाआ कोआत उबु पल्यो जीआ त्याहा कोल्यो , यापोसमध्ये मांहु मोकलित शिमोन ज्याहा पेत्र कोतेहे हादीत लेतआव 14 तो तुम्हामे एह्ली गोठी कोअही ज्यावाही तू आना तांआ आखे परिवाराआ तारण उवे 15 जाहा आय ए गोठी कोताच ओतू तेहालाम पवित्र आत्माआ त्याआपो त्याआ प्रकारे उतयी ज्या प्रकारे सुरवातीती त्यांपो उतयी ओती 16 तेहालाम माहु प्रभूऊ वचन ओर आव्ये जे तिये कोइतलु योहानाई ताहा पायोंवाही बाप्तिस्मे आपिलू पण तुमु पवित्र आत्मावांहि बाप्तिस्मे मिलनारू 17 वास्तव जेव्हा देवूही त्याहा पण तोच दान आपिलू, जे आमुहू प्रभू येशू ख्रिस्तापो विश्वास कोईलावाही मिल्ये ओते ताहा आय कोडू ओतु जो देवोहो थाबाडीहि शकतो? 18 ओ उनाईत ते ठावकु रोल्या आना देवाची स्तुती कोईत कोहू लागाडीत , तेहालाम ताहा देवूही अन्यजातीहा पण जीवनाकोअता मोन फेरविला दान आपिलू होय 19 जे माहे आव उपद्रवलेला संकटावही जे स्तेफनाकोईत पोड्ल्ये ओते इही तीही ओतगोल्यु गोये ओते ते फिरीत -फिरीत फेनिकडे आना कुप्र आना अंतुखिया पोतले पण यहुदीआ सोडीत कोडाआ तेबी वचन उनाईत ओते 20 पण त्यामोरोत किबी कुप्री प्रवासी आना कुरेनेकर ओते जे अंतुखियामे आविलो युनानी पण प्रभू येशुऊ सुवार्ता प्रचार कोहू लाग्यू 21 तेहालाम प्रभूआ आत्माआ तीयाआरी ओतु, आना खूप माहे प्रभूपोरोत वोलोलो 22 जेव्हा त्याआ चर्चा यरुशलेमामे मंडळीना उनाऊ आवयी ताहा तिये बर्नबाला अंतुखीयाहा मोक्ल्यीत 23 तो तीइही पोताडीन आना देवोओ कृपा पालहु आनंदाम पोयो आना आख्याहा शिक्षण आपिलू का निश्चयपूर्ण चितेने प्रभूहु बिलगुल रोअलो 24 तो एक हाजू मांहु ओतु आना पवित्र आत्माआ आना विश्वासामेहे पुरोओत ओतु आना बिहरे जास्तीज माहे प्रभूमे आविलो गोये 25 तेहालाम तो शौलाल होदिलाकोता तांर्सास निहित गोल्यो 26 तेहालाम तो त्याहा मिल्यू ताहा त्याहा अंतुखिया लाविले आना एहलो उवे का ते एक वर्षापर्यंत मंडळीना भटकोट आना जाअखो माहुंहु शिक्षण आपित फिर्यु आना शिष्य आखाम पहीले अंतुखीया माय ख्रिस्ती कोईत कोल्यो गोये 27 तियाअ दिहोम कोडु संदेष्टा यारुश्लेमामोरोत अंतुखिया आवयू 28 त्यामोरोत अगब नावाआ एक उबु रोत आत्माआ प्रेरणा ए कोल्यी का आखे जगात दुष्काळ पोअनारू क्लौद्या वेले ओ उवे 29 तेहालाम शिष्यांनी निर्णय लेदो का हरएक जोओ आपाआ यथाशक्तीई अनुसार यहुदीयामेहे रोणारे पायहोओ मदतीकोअता किबी मोकलित 30 तिये ऐहलेच कोल्यु आना बर्णबा आना शौल याआ आथे आबहू वर्गापो मोकलित आपिलू.