10
कैसरीया ईही कर्नेल नावाआ कोडू एक माहू इटालीक नावाआ टोलीई सुभेदार ओतु 2 तो भक्त ओतु आना आपाआ आखे कोअवालाआरी परमेश्वराआ बित ओतु आना यहुदी माहुंहु जाअखो दान आपित ओतु आना त्याहापोरोत परमेश्वराआ प्रार्थना कोईत ओतु 3 तिये तीन दिहाआ तिसऱ्या प्रहराआ आसेपासे दर्शनाआ स्पष्ट रुपात पहीले का परमेश्वराआ एक स्वर्ग दूत त्याआ जागे माय आविलो कोतलू ओ कर्नेल्या, 4 तिये त्याहा गोगीलो पालील्यो आना घाबरील्यो कोल्यो , ओ प्रभू नाहाकोत होय ? तिये त्याहा कोल्यो , ताआ प्रार्थना आना तांआ दान परमेश्वरा आगाडी पोतले होय 5 आना ओमे यापोस माय मांहु मोकलित शिमोनाहा जो पेत्रस कोअहो जात्लू हादीत ले 6 तो शिमोन सामडाआ धोनडू णाराआ इही गोवारो होय ज्याआ को समुद्राआ किनाऱ्याजागे ओते 7 जजोयो तिये स्वर्ग दूत जिये त्याआ आरी गोठी कोअल्यो तो जातलू गोल्यो तिये बेन पावर आना जे त्याआ आरी उपस्थित रोत ओते त्याआ कोईत एक भक्तिमान शिपायाहा हादिलो 8 आना त्याहा आखे गोठी कोत यापोस ला मोक्ल्यीत 9 बिहीरा तेदीही चालते -चालते नागरामेरोत पोतले , बिहीरा प्रहराआ जागे पेत्र प्रार्थना कोईलाकाजे कोवलापो सोढयू, 10 त्याहा भूक लागीई आना त्याहा योजेक खांहु जोवे ओते , परंतु ते तेहालाम तीयारी कोईत ओते आना त्याआ देहभाव खुच्ये, 11 आना तिये पहीले जुग उगाडीत गोये होय , आना एक वोडू ताठ चादरी सारखो चारू केडामेहे लेतकोईत धोरतीही उतरीलो ओते 12 ज्यामेहे पृथ्वीई आखे प्रकारोअओ चोर गुडाहा आना होरकीज जतु आना जुगोमेरयो पाखरे ओते 13 त्याहा एक एहेलू एक शब्द उनाऊ आवयू, ओ पेत्र उठ , माआदे आना खा ; 14 परंतु पेत्राई कोल्यो , नाहा प्रभू कदापि नाहा काहाके का आय केधी अपवित्र आना अशुद्ध वस्तू निसे नाहा 15 फासाड़ी वेले त्याहा ओ शब्द उनाऊ आवयू जे किबी परमेश्वराने शुद्ध ठेरव्यो होय त्याहा अशुद्ध मानह नाहा 16 तीन वेले ऐहलेच उवे तेहालाम ते लागेज ते पात्र जुगोम विसित गोये 17 फासाड़ी पेत्र आपाआ मोनामे फूस कोईत ओतु का जे दर्शन आय पालीलो ओते ते नाहाकोत असू शकेलतेव्हा जे मांहु कर्नेल्य याहा मोक्ल्यीत ओते , ते शिमोनाआ कोओओ बाअणाआरी आविलो उभे रोल्या 18 आना आयडीत विचरू लागाडीत , नाहाकोत शिमोन पेत्र कोअहो जात्लू तो इहीजा गोवारो कोईत होय ? 19 पेत्र ताहा तियाअ दर्शना विषयी फूस कोईत ओतु आना आत्मावांहि त्याहा कोल्यो , 'पाला तीन मांहु ताहु होदिअलो होय , 20 आखरी उठित निसे जा आना किबी शंका न कोअता त्याआ आरी जा काहाके आयुच त्याहा मोक्ल्यीत होय 21 तेहालाम पेत्रा तिया माहुहुं कोल्यो , पाला ज्याचा होद कोईत होय तो आयुच होय तुमाआ आवीला काहाके होय 22 तिये कोल्यो , कर्नेल्या सुभेदार जो धोर्मी आना परमेश्वराआ घाबरीला आना यहुदी जाती माय हरोनाव मांहु होय तिये एकापावित्र स्वर्ग दूतापासून ओच निदर्शन आव्ये का माहु ताआ पोरोत माहु वचन उजाडीला होय 23 तेहालाम तिये त्याहा विसमे हादीत पावनाहाखावाडीलो कोइल्यबिहिरा तेदीही तो त्याआ आरी गोल्यो आना यापोमेऱ्ये पायहोआरी त्याआ आरी निहित गोये 24 बिहीरा तेदीही ते कैसरीयामे पोतले आना कर्नेल्य आपाआ कोऱ्याआरी आना प्रिय दोस्तोहा एकठे हादीत त्याआ वात पालीत ओतु 25 जाहा पेत्र विसमे आवीत ओतु, ताहा कर्नेल्य त्याहा भेट आप्यी , आना त्यांआगुंडा पोडीत त्याहा नमन कोल्यु 26 परंतु पेत्राई उठित त्याहा कोल्यो , उबु रो , आयबी मांहु होय 27 आना त्याआ आरी गोगीतीज विसमे गोल्यो, आना जाअखो माहुंहु एकठे पालीत, 28 तिये कोल्यो , तुम्हामे मालूमे होय का बिहरे जाती याहा होबती कोअला आना त्याआरोत जीआ यहुदी याकोअता अधर्मी होय परंतु परमेश्वराने माहु कोल्यो का कोडला ए मांहाहा अशुद्ध किंवा अपवित्र माणू नाहा 29 याकोअता जेव्हा माहु हादिलो गोये तेहालाम किबी न गोगेहे निहित आवयू 30 कर्नेल्य लेतजा कोल्यो , त्याआ टायमोमें आय पुरो चोर दीही उवे आपाआ कोअमे तिसऱ्या वेल प्रार्थना कोईत ओतु तेहालाम पाला , एक पांडू माहुहू माआ आगाडी उबु रोला 31 आना कोहू लाग्यू ओ कर्नेल्य ताआ प्रार्थना होमलित आवयी होय , आना तांआ दान परमेश्वराआगाडीही स्मरण कोअलाआ आवयी होय 32 याकोता कोडला यापोसला मोकलित शिमोनाहा जो पेत्र कोअहो जात्लू गोगीलो, तो दर्या किनाराआ जागे तो शिमोन जो सामडाआ दंडू कोअत्लू त्याआजागे गोवारो कोईत होय 33 तेह्लाम आय लागेज ताअही माहे मोक्ल्यीत, आना तू इही आविलो हाजो कोल्यु, आना ओमे आपु परमेश्वराआगाडीही होय काहाके जे किबी परमेश्वराने ताहु कोल्यो होय उनाअ 34 तेह्लाम पेत्राई कोल्यो ओमे माहु निच्शीत मोलुम होय का परमेश्वर कोडाआ पक्षपात कोईत नाहा 35 नाहाते हरएक जातीमेहे जो त्याहा बित्लू आना धर्माआ काम कोअत्लू तो त्याहा गोमत्लू 36 जे तिये इस्त्राईलाआ महापोरोत मोकल्ये ओते येशू ख्रिस्ताच्या त्यापोरत (जो होगापो प्रभू होय ) शांतीचा सुवार्ता उनाविलो 37 ते वचन तुम्हामे मोलुम होय योहानाआ बाप्तिस्मे सुवार्ता गालील मायाफसाडी रोत सुरवात ओतगोल्यु आख्खा यहुदीया माय फैलावीत गोये 38 परमेश्वराने कोडला रीतीवाही येशू नासरीच्या पवित्र आत्माआ आना सामर्थ्यावाही अभिषेक कोअयोतो सत्कर्मे कोअत्लू आना आख्याहा सैतानाने जे त्रास आपिलू ओते , हाजो कोईत फिर्यु, काहाके परमेश्वर त्याआ आरी ओतु 39 जेते तिया आखे कामोमे साक्षी होय का जे त्याहा यहुदी त्याआ त्याहा आना यरुशलेम माय पण कोल्यु आना तिये त्याहा खांबापो माअये 40 त्याहा परमेश्वराने तिसऱ्या तेदीही जिवंत कोल्यु आना त्याहा प्रकट उवे एहलो कोल्यु 41 आखे माहुंहु नहाते त्याआ साक्षीदारांहा त्याहा परमेश्वराआ पालील्यो ज्याहा तिये निवडील्ये ओते अर्थात आमापो जिये त्याआ मोल्यामरोत जिवंत उवलानंतर त्याआ आरी खाले पीइलो 42 आना तिये आमुहू आज्ञा कोअयी का माहुंमे प्रचार को आना साक्ष आपा का ओ तोज होय ज्याहा परमेश्वराने जिवंताआ आना मोईतगोल्यू पावलेल्यांआ न्यायकोअनारा ठेरव्यू होय 43 त्याआ आखे भविष्य वक्ता साक्ष आपत्ले का जो कोडु त्याआपो विश्वास कोअही त्याहा त्याआ नावापो पापोओ क्षमा जोडीत 44 पेत्र ए गोठी कोताच ओतु का पवित्र आत्माआ आखे उनाइतलो उतरीलो 45 आना जिये खाहेत कोअयी होय एहलो जे पेत्राआरी आव्ये ओते ते आखे चकित उवे का बिहरे जाती उपो पण पवित्र आत्म्याआ दान उंडाल्यो गोल्यो होय 46 काहाके तिये जुदेजुदे भाषा गोगीलावेले उनाअयो आना परमेश्वराआ गौरव कोअत्लूतेहलाम उनाअयो याकोअता पेत्राई कोल्यो , 47 नाहाकोत कोडु पाप्याहा थाबाडीहि शकतो यांहा नाहा मिले कोईत ज्याहा आम्हा सारखो पवित्र आत्माआ मिल्यू होय 48 आना त्याहा आज्ञा आप्यी का त्याहा येशू ख्रिस्ताच्या नावामेहे बाप्तिस्मे आप्यू जावा तेहालाम तिये त्याहा विनंती कोअयी का तो तीयाआरी फासी किबी दीही रोअलो.