13
अंन्तकिया आ मोंड्ली मेहे भविष्य कोनारा आना उपदेशक ओता जेहलो बरनबास आना लुकीयुस कुरेनी आना चारुबी वुगरया देसाआ राजू हेरोदेसाआसग्गू पाही मनाहीम आना शौल 2 जाहा ते उपास कोईत प्रभूहु उपासना कोईत ओते , तेहालाम पवित्र आत्मावांहि कोइतलु , माविषयी बर्नबा आना शौल ला तियाअ कामाकोअता अलग को ज्याआ याकोअता आय त्याहा हादिलो होय 3 तेहालाम तिये उपास आना प्रार्थना कोईत त्यांपो आथे मेकीत आपिलू, 4 आखरी: तो पवित्र आत्माआ मोकलील्या सलुकीयात गोये आना तिहीरोम नावेपो सोडवीत कुप्रास गोये 5 आना सल्मिनात पोत्ले, परमेश्वाराआ वचन यहूदीयाआ प्रार्थना कोआत उनाअले योहान त्याआ सेवक पावर ओतु 6 ते तिया आखे बेटामेरोत चालीत पकेस पर्यंत पोतीतगोयू त्याहा तीइही बर्येषु नावाआ यहुदी जादूटोणा आना ठोग साक्ष आपणारो मिल्यू 7 तो तीहीइ सुभेदार सिर्ग्य पौलाआरी ओतु, जो बुद्धीमान माहु ओतु तिये बर्णबा आना शूलाआ आपआरी हादीत परमेश्वराआ वचन उनाईला इच्छा उवी 8 पोन अलीम जादूकोनारू (त्याआ नावाआ अर्थ ओच होय ) ईये त्याआ विरोध कोईत सुबेदाराआ विश्वासाआ थोबाडीला काम कोईत ओतु 9 तेहालाम शौलाआ ज्याआ नाव पौल पण ओते पवित्र आत्मावांहि पुरोओत ओतगोल्यु त्यांही एक- एक लागाडी पालील्यो , आना कोल्यो 10 "ओ आखे कापट्यांने आना हुशार डोआवाही पोईअला शैतानाआ पोऱ्या, अवघ्या धर्मिआ दुश्मन, नाहाकोत तू प्रभूउ हीदू मार्गाला विपरीत कोईत सोडविणारू नाहा काहा? 11 ओमे पाला , प्रभूआ आथे तापो लाग्यू होय आना तू किबी वेल पर्यंत आंधलू रोही आना सूर्याला पलणारू नाहा तेहालाम लागेज थुके पोदिलाकोअत आना त्याआ डोआपो आंदारी आवयी आना तो इही तीही होद कोहू लाग्यू काहाके का कोडाआ तेबी आथे तोईत चाले एह्ली त्याआ परिस्थिती ओती 12 तेहालाम सुबेदाराआ जे उवे ओते त्याहा पालीत आना प्रभूउ शिक्षणापोरोत चक्कित ओतगोल्यु विश्वास कोल्योओ 13 पौल आना त्याआ होबती पाफेहून तारवात बोहित पंफुल्या पिर्गा इंही आव्ये आना योहान त्याहा सोडीत यरुशलेम ला निहित गोल्यो 14 पिर्गापोरोत आगाडी जात ते पिसिदियातील अंत्युखीयाम पोतले आना शब्बाथाआ तेदीही प्रार्थना कोआत जात बोह्ये 15 नियमशास्त्राम आना संदेष्ट्याआ पुस्तकामेहे वाचल्यापोरोत प्रार्थना कोआत अधिकार्यांवाही कोत मोकल्ये, “ओ पाहीही, केधी मांहाहा शिक्षणाकोअता तुमाआ मोनामे किबी होय ताहा कोआ” 16 तेहालाम पौल उबु रोत आना आताई खुणकोईत कोहू लाग्यू , "इस्त्राएलाआमे , आना परमेश्वराआ बिनारा, उनाआ , 17 तियाअ इस्राएल मांहाहा परमेश्वराने आम्हा आगलाडायाहा निवडीत लेदलेएने जेव्हा ते माहे मिसर देशामेने बिहरादेशोआ ओतगोल्यु रोत ओनेतेह्लाम त्याआ प्रगती कोअयी आना पराक्रमी ओतु कोईत काढीत लेधलो 18 तो किबी सालीह वर्षापर्यंत जंगलामेहे त्याआं सहन कोईत रोला 19 आना कनान देशामेने सात जाती नाश कोईत त्याआ देश साडे चारहोव सालोमेहे त्याआ कनान देशामेने कोईत लेदो 20 याआ तिया तिये शामुवेल संदेष्टा पर्यंत त्याहा न्यायकोअनारा ठेरवीही 21 त्याआ तिया तिये एक राजा माग्ये तेहालाम परमेश्वराने सालीह वोर्हार्याकोअता बन्यामीन वंशजातील एक मांहु अर्थात किशाआ पुत्र शूलाआ त्यांपो राज्य कोआडे 22 तिया त्याहा अलग कोईत दाविदाला त्याआ राजा बनविल्यो ज्याआ विषया माय तिये साक्ष आप्यी माहु एक मांहु इशायाआ पुत्र दावीद, माआ मोनाहारखे माहु मिल्यू होय तोज माआ आखी इच्छा पुरो कोअही 23 त्याआ वंशामेहे परमेश्वराने आपाआ प्रतीज्ञाच्या नुसार इस्राएल जागे एक उद्धार कर्ता अर्थात येशुहू मोक्ल्यीत 24 त्याआ आविलाआ आगाडी योहानाई इस्राएल माय मोन फेरवित बाप्तिस्मे चा प्रचार कोल्योओ 25 जेव्हा आपाआ सेवा पुरो कोईलापो ओतु, तेहालाम तिये कोल्यो , तुमु माहु नाहाकोत होमजीतेहे? आय तो नाहा, नहाते पाला माआनंतर एक आविलो होय त्याआ गुडाहा बूट पण काडीला आय योग्य नाहा 26 ओ पाहीही, तुमु जे अब्राहामा पोऱ्ये होय , आना परमेश्वराआगाडीही रोडतले तुमाही याज उद्धाराआ वचन मोक्ल्यीत होय 27 काहाके का यरुशलेमाआ रोनाराहाआ आना त्याआ अधिकाऱ्यारीवाही त्याहा ओलखे नाहा आना संदेष्टाआ गोठी होमज्या नाहा जे हरएक शब्बाथाआ तेदीही वाचले जातेहे याकोअता त्याहा दोषी ठेरवीत तियाअ गोथिहिई पुरो कोल्यु 28 तिये माईत ताकिलाकोअता योग्य दोष त्यांमे जोड्यू नाहा तेबी पिलातापोरोत विनंती कोअयी का त्याहा माईत टाक्ये जालो 29 जेव्हा तिये त्याआ विषयामे लेखल्यी आखे गोठी पुरो कोअयी का त्याहा वधस्तंभाआ वरून उतारीत माहाडामेहे मेक्ल्ये 30 पोन परमेश्वराने त्याहा मोल्यामरोत जिवंत कोल्यु 31 आना ते त्याहा जे त्याहापोरोत यरूशलेममोरोत आव्ये ओते जाअखो दिहेजा देखाहे रोला माहूक आगाडी ओमे तोच साक्षी रोल्या होय 32 आमु तिया प्रतीज्ञाच्या विषया माय जी आगलाआरी कोअयी गोयी ओती तेज सुवार्ता उनावूत्लु 33 का परमेश्वराने येशुहू जिवंत कोईत तेज प्रतिज्ञा आम्हा सतानासाठी पुरो कोअयी जेहलो का बिहरे स्तोत्रसहिता माय पण लेखिलो होय , “तू माआ पुत्र होय , आज तू माहु जोल्मो आप्यू होय ” 34 आना त्याआ याज रीतीवाही मोल्यामरोत जिवंत कोण्याविषयी माय पण का तो केधीज साधिलोओ नाहा तिये ऐहलेच कोल्यो , "आय दाविदाउपोओ पवित्र आना न सेलाणारी कृपा तुमापो पण कोअही 35 याकोअता तिये एक फासी स्तोत्र सहीतामेहे कोल्यो होय , 'तू आपाआ पवित्र जोह होडहु आपी नाहा' 36 कोईत दावीद ताहा परमेश्वराआ इच्छेनुसार आपाआ आपापरोयीन सेवा कोईत हुवीत गोल्यो आना आपाआ पूर्वजांमेरोत जात मिल्यू आना होडीत पण गोल्यो 37 पोन परमेश्वराने ज्याहा जिवंत कोल्यु तो होडहु शकला नाहा 38 याकोअता ओ पाहीही, तुमु पण होमजीत ल्या का याआमे त्यापोरत पापाआ माफी घोषणा तुम्हामे आप्यी जात होय 39 आना ज्या गोठीमेहे तुमु मोशेए नियमशास्त्राआ त्यापोरत निर्दोष ठरू शकत नाहा त्याआ आखामे हरएक जोओ विश्वास कोअनारू त्याआ त्यापोरत निर्दोष ओलखिणारा 40 याकोअता सावध रो एहलो ओवुहू कायना का संदेष्ट्याआ पुस्तकांमेहे आव्ये होय ते तुमापो न आवे 41 ऐ निंदा कोअनारावाही, पाला आना आश्चर्य को आना निबरीत जा, काहाके आय तुमाआ दिहोमे एक काम कोअत्लू एहलो काम का केधी कोडु तुमाही त्याआ चर्चा कोअयेते केधी तुमु विश्वास कोअनारू नाहा 42 त्याआ बारथे निधाआ टायमोमें माहे त्याहा विनंती कोहू लागाडीत का आगाडी शब्बाथाआ तेदीही आमुहू ए गोठी फासी उनाविलो जावा 43 जेव्हा मिटीग समाप्त उवी तेहालाम यहुद्यातील आना भक्तिमान यहुदी यामेऱ्या बहुतेक माहे पौल आना बर्णबा याहा फासाडी गोयेएने तिये त्याहा गोठी कोत होमजाद्योहो का परमेश्वराआ कृपेमध्ये रो 44 आगाडी शब्बाथाआ तेदीही नागराहा बहुतेक माहे परमेश्वराआ वचन उनाएलाकोअता एकठे ओतगोल्यु गोये 45 पोन यहुदी गोर्दी पालहु हेवाकोइत पोईत गोये आना निंदा कोअताज पौल च्या गोठोही विरोधाम गोगू लागाडीत 46 तेहालाम पौल आना बर्णबा आरी न बिकर्या कोहू लागाडीत , "आवश्यक ओते का परमेश्वराआ वचन पहीले तुम्हामे उनाअले जाहोकोइत जेव्हा तुमु त्याहा द्र कोईत आपत्ले आना आपाहा आखे कालिक जिवनाआ योग्य ठरावीत नाहा ताहा पाला आमुहू अन्यजातीमेहे फिरीवलो 47 काहाके का प्रभूऊ ए आज्ञा आप्यी होय का, “आय ताहु बिह्रारीजातीकोता प्रकाश एहलो ठेरवीही होय , काहाके तू धारेतीई आखिर पर्यंत उद्धाराआ बायणो होय ” 48 ओ उनाईत बिहरे जाती आनंदाम उवे आना परमेश्वराआ वचनाचा गौरव वर्णवू लागेएने आपारी सार्वकालिक जीवनाकोअता ठेरवीही गोये आते तिये विश्वास कोल्योओ 49 ताहा प्रभूऊ तियाअ आखे देशामेने पसरू लागाडीत 50 यहुदियाअत्राआ भक्तिमान आना मोडो बोअयीही आना नगरामेहे प्रमुख माहुंहु चिथाळ्ये आना पौल आना बर्नबाच्या विरूध छळ कोईत त्याहा आपाआ सीमापार काढीत आपिलू 51 ताहा त त्याआ आगाडी आपाआ गुडाआ धूळ फोकडीत इकुन्यास निहित गोये 52 आना शिष्य आनंदावाही आना पवित्र आत्म्याआ पुरोओत उवनारा गोये.