7
ताहा महायाजक कोयु काय ऐ गोट्यु खोरुय होय 2 स्तेफनाने कोल्यो , ओ पाहीही आना आबहाही उनाआ आमाआ आबहु आब्राहाम हाराम बोहनाराहा पालील्यो तेहालाम मेसोपोटामियाम ओतु तेहालाम गौरवशाली परमेश्वराने त्याहा दर्शन आपिलू 3 आना त्याहा कोल्यो , तू आपाआ देशोमेरोत आना आपाआ कोमेहे निहित तियाअ देशामेने जा जो देश आय ताहु देखाळीत 4 तेहालाम तो खांद्याच्या देशोमेरोत निहित मालामरोत जात बोह्लुत्याआ पिताआ मृत्युच्याआ फासाड़ी परमेश्वराने त्याहा तिहीरोत आव त्याहा लेतआवीत सोडये ज्याम ओमे तुमु रोत होय 5 आना त्याहा किबी वतन आपिलू नाहा नहाते त्याहा गुडू मेकीला सुधा त्याहा जागू आप्यी नाहा परंतु प्रतिज्ञा कोअयी का आय ओ देश ताहु आना ताआनंतर ताआ वंशजाआ आथोमेहे कोईत आपेतांइजा आव त्याहा यद्यपि तियाअ वेले तिया पुत्र नेओतू 6 आना परमेश्वराने ओ कोल्यो , ताआ पोऱ्याहा माहे बिहीरा त्याहा बिहरादेशोआ रोय आना ते त्याहा दास बोनावित्लू आना चारहोव वर्ष दुख आपे 7 फासाड़ी परमेश्वराने कोल्यो , ज्या जातीही ते दास होय , ज्याह नमन आपिलू आना त्याआ फासाड़ी ते निहित याज जागापो माआ सेवा कोआ 8 आना तिये त्याहा सुतांआ करार कोल्योओ आना याज देशामेने इसाक त्याहा उत्पन्न पोयो आना आठवो तेदीही त्याआ सुंता कोअयी गोयी आना इसाकापोरोत याकोब त्यापोरोत बारा कुलपती उत्पन्न उवे 9 कुलपतीनी योसेफ कोअतीज तिया पाही याहा मिसर त्याहा जाणाराहा वेसेत आपिलू, परंतु परमेश्वर त्याआ आरी ओतु, 10 आना त्याहा त्याआ आखे लागल्यो सोडवीत मिसरआ राजा फारो याआ नोजरेवाही कृपापात्र आना ज्ञानी एहलो कोल्यु तिये त्याहा मिसरामेहे आना आपाआ आखे कोमे अधिकारी निवडयोजनाला 11 तेहालाम मिसर आना कनानहा आखे देशामेने दुष्काळ पोडीत, ज्याम आखाहा दुख उवे आना आम्हा आगलाडायाहा ओन जोडयेहे नाहा 12 परंतु याकोबाआ ओ उनाईत का मिसर माय ओन होय आम्हा आगलाडायाहा पाल्या वेले मोक्ल्यीत, 13 बिहीरा वेले योसेफाने स्वतः आपाआ पायहोहो ओळखत आप्यी आना योसेफाआ कुल फारोला मोलुम उवे 14 तेहालाम योसेफाहा आपाआ आबहु याकोब आना आपाआ आख्खा कोअंमेहे पंच्याहातर माहे ओते हाहुई मोक्ल्यीत, 15 तेहालाम याकोब मिसर देशामेने गोल्यो आना तीइही तो आना त्याआ आगडीडाये मोईत गोये 16 त्याआ डील शकेमात पोचाडीत जात तियाअ माहाडामेहे मेक्ल्ये गोयुजा अब्राहामने चांदी आपित शाकेम माय हमेराआ पोऱ्यापोरोत वेसातो लेधलो ओते 17 पोन जेव्हा तियाअ प्रतिज्ञेचा पुरो उविला वेल जागे आवयी ओती जे परमेश्वराने अब्राहामाआरी कोल्यु ओते ताहा मिसरामे ते माहे वोदित गोये आना जाअखो ओतगोल्यु गोये 18 तेहालाम मिसर माय बिहरु राजा पोयो जो योसेफाहा ओळखीतल्यो नेओतू , 19 तिये आम्हा कुलोपो चालाखी कोईत आम्हा आगलाडायाआरी ईहि पर्यंत वाईट व्यवहार कोल्योओ का त्याहा आपाआ पोऱ्याहा वेसेत आपिलो लागाडीत का ते जिवंत रोहू कायना 20 त्याआ वेले मोशे उत्पन्न पोयो तो परमेश्वराआ नोजरेवाही जाखो हाजी ओतु तो तीन महिन्यापोरोत आपाआ आबाहाआ कोआ पाल्यू गोल्यो 21 जाहा तो जुगरिलो गोल्यो तेहालाम फारो पोर्या विसित लेधलो आना आपाआ पुत्र कोईत पाल्यू 22 मोशेला मिसर देशोमेऱ्या आखे शिक्षण आपिला आव्ये आना तो वचन आना हाजा कानोवाही सामर्थ्यवान ओतु 23 जाहा तो सालीह सालाआ पोयो तेहालाम त्याआ मोनामे आव्ये का आय आपाआ इस्राएल माआहुआगाडी भेट कोहू 24 तिये एक व्यक्तीपो अन्याय उवेताहा पालीत त्याहा वाचाद्योहो आना मिसारीला माईत त्रास आपणाराहा मोकलित आपिलू 25 तिये फूस कोल्योओ त्याआ पाही लेतावे परमेश्वर त्याआ आथोवाही तिया उद्धार कोअही पण ते होमज्ये नाहा 26 बिहीरा तेदीही जेव्हा ते एकमेकांमोरोत लोळाई कोईत ओते तेहालाम तो तीइही आविते गोल्यो आना ते कोत त्याहा मिलून बालीन रोइलाकोअता होमजाद्योहो, आना कोल्यो , ओ माहाआ, तुमु ताहा पाही- पाही होय एक बिहीरापो काहा अन्याय कोअता? 27 परंतु जो आपाआ आरीकोरयापो प्रेम कोईत ओतु तिये त्याहा ओ कोत सेटे होरकावित आपिलू ताहु कोडु आमापो हकदार आना न्यायकोअनारा ठेरव्यो होय ? 28 नाहाकोत ज्या रीतीवाही तू मिसऱ्याआ माईत टाक्ये, माहु पण माईत टाकीला जोवे उवनारा? 29 ए गोठी उनाईत मोशे नाह्यू आना मिद्यानआ देशामेने बिहरादेशोआ कोईत रोंहु लाग्यू आना त्याहा तीइही बेन पोऱ्ये उवी 30 जाहा त्याआ सालीह वर्षे पुरो उवे तेहालाम उनाआ स्वर्ग्दूतोवाही सिनाय डोगोओ जगलूम आगी जागे ओती तियाअ साडामेहे आगीमे दर्शन आपिलू 31 मोशेला ओ दर्शन पालीत आश्चर्य पोयो आना देखिलाहो जेव्हा तो जागे गोल्यो तेहालाम प्रभूआ ओ शब्द उनालू आवयू, 32 आय ताआ आगलाआ, अब्राहमाआ, इसाहाकआ, आना याकोबाआ परमेश्वर होय तेहालाम मोशे यरू लाग्यू , इहिंजा का त्याहा पालीला हिम्मत रोली नाहा 33 तेह्लाम प्रभूऊ त्याहा कोल्यो , आपाआ पायाहा बूट काढीत ले काहाके ज्या जागापो तू उबु होय ती पवित्र जागू होय 34 आय खरोज आपाआ लोकांची जे मिसरामे होय त्याआ परिस्थिती देखल्यी होय आना जिया हुंदके आना रोडीलो उनाअयो होय याकोअता त्याहा विलाआकोआता उतरीलो होय ओमे आव आय ताहु मिसरामे मोकालीनारू 35 ज्या मोशेला तिये ओ कोत नाहाकोयो ओते माहु कोडु आम्हा अधिकारी आना सोडवीनारू ठेरवीत तियाअ स्वर्गदूत ाआ त्यापोरत जीआ त्याहा सुर्कील्योमेहे दर्शन आपिलू ओते मोकोल 36 याचे माहहू मिसर आना लाल दर्या आना जगलूम सालीह वर्ष पर्यंत अदभूत काम आना चिन्ह देखाडीत त्याहा काढीत लाविले 37 इतो तोज मोशे होय जीआ इस्राएल ला कोल्यो पण परमेश्वर तुमाआ पाहिपो तुम्हाकोअता माआहोस एक भविष्य वक्ता उठ्वलो जाइअलो 38 ओ तोज होय जीआ जंगलामेहे मोडंली ज्या स्वर्गदूत ाआरी सियोन डोगोपो त्याआ आरी गोठी कोल्योओ आना आगलाआरी ओते , त्याहा जिवंत वचन जोडीत का जे आम्हा पर्यंत पोचाळीओत 39 पोन आम्हा पूर्वजांहि त्याआं उनाअयो नाहा नहाते त्याहा सेटे कोईत आपाआ मने मिसरा फिरावल्यो 40 आना आरोहण ला कोल्यो , आमच्यासाठी एहेलू देव बोनाव जो आम्हा आगाडी -आगाडी चाले काहाके तो मोशे जो आमुहू मिसर देशामेहे काढीत लाविले आमुहू नाहा ओळखीतल्यो त्याहा नाहाकोत उवे? 41 तियाअ दिहोमे तिये एक वासडो बोणाडीत त्याआ मूर्तीच्या आगाडी बळी उचलून आना आपाआ आतकोई काम मग्न ओवुहू लागाडीत 42 आखरी परमेश्वराने सोब फेरवित त्याहा सोडीत आपिलू का आकाशाआ सेनागनाची पूजा जेहलो भविष्य वक्त्यांआ पुस्तकाम लेखिलो होय , "ओ इस्राएल च्या कोवाले, नाहाकोत तुमु जगलूम सालीह वर्ष पर्यंत जनावरे बल्ली आना ओन बल्ली माहुंज चोडावीत रोही 43 तुमु मोलखाआ मंडप आना रेफान देवताआ तीण्याहा घेऊन फिरीत ओते अर्थात ज्या पुत्राने ज्याहा तुमु दंडवत कालीलाकोअता बोनाडहि ओते आखरी आय तुम्हामे बाबेलाआ तिवोल जात बोहाडे 44 साक्षीचा मंडप जगलूम आम्हा पुर्वाजामेहे ओते जेहलो तिये ठेरवीही ज्याहा मोशेई कोल्यो , जे आविलो तू पालील्यो होय त्याआ अनुसार त्याहा बोनाव 45 ज्या मंडपामेहे आम्हा पूर्वजांहि वारजोंपोरोत येशूउ आरी रथ ओतगोल्यु आव्ये ज्या वेले का तिये बिहरे जातीपो अधिकार मिलउत, जिये परमेश्वराआ आम्हा पुर्वाजा काढीत टाक्ये आना ते मंडप दाविदाआ टायमोपोरोत रोला 46 त्याआपो परमेश्वराने अनुग्रह कोल्योओ आखरी तिये विनंती कोअयी का तो याकोबाआ परमेश्वराकोअता निवासाहा स्थान बोनावोही 47 पोन सुलेमानने त्यांकोअता कोओ बोणाव्यू . 48 परंतु परम प्रधानआ ओतु कोईत बोनाडील्याआ गोईल्या कोआत रोत जेहलो का भविष्य वक्त्यांनी कोल्यो होय , 49 प्रभू कोतलू का स्वर्ग माआ सिहासन होय धोरती माआ गुदानिसेए पिढी होय माकोअता तुमु कोडला प्रकारोअओ को बोनाविलोअने माआ निवासाआ कोठले स्थान उवे 50 पाच नाहाकोत ए वस्तू माआ आथोवाही बोनाडयो नाहा 51 ऐ ताठा बोसीही , आना मोन आना कानोओ सुंतान कोईओलो माहुहू, तुमु सदा पवित्र आत्म्याआ विरोध कोअता जेहलो तुमाआ आगडीडाये कोईत ओते तेहलूज तुमुभी कोईत होय 52 भविष्य वाक्त्यामरोत कोडाआ तुमाआ मायारोत त्रास आप्यू नाहा तियाअ अर्धीहा आविलाआ पूर्व कालोलरोत संदेश आपनाराहा माईत टाक्ये आना ओमे पर्यंत त्याहा तोईत आपणारे आना माईत टाकणारे 53 तुमु स्वर्ग दूतांवाही योजलेले नियम शास्त्र जोडयो उवे ओते परंतु त्याआ पालीत कोल्यु नाहा 54 ई गोठी उनाईत ते बोलीते गोये आना त्याआपो दात चाविलो लागाडीत 55 कोईत जीआ पवित्र आत्मावांहि पुरोओत ओतगोल्यु स्वर्गामेहे पालील्यो आना परमेश्वराआ गौरवाला आना येशुहू परमेश्वराआ हाजावोगे उबु रोला पालीत, 56 कोइलो, पाला आय स्वर्गाआ उगगाडीलो आना माहु पोऱ्याहा परमेश्वराआ हाजावोगे उबु रोतगोल्यु पेल्ल्लु, 57 तोयों तिये वोडा शब्दावाही आयडीत कान बंद कोईत लेधलो आना एक आरी त्याआपो ोदोवडीत ये 58 त्याला नगराआ बारथे काढीत त्याआ उपो डोणो माआदे कोहू लाग्यू साक्षीदाराहा आपाआ आगडे शौल नावोओ एक जुवानोओ गुडाजागे काढीत मेक्ल्ये 59 ते स्तेफन उपो डोणो माआदे कोईत रोल्या आना तो ओ कोयो प्रार्थना कोहू लाग्यू , ओ प्रभू माआ आत्म्याहा ग्रहण को 60 साहा फासी गुडघे टेक्यू उचो शब्दाम आअडयु , ओ प्रभू ओ पाप त्यांपो लागाडहु नाहा आना ओ कोत तो हुवीत गोल्यो शौललाआ त्याआ तिया वध मान्य कोल्योओ.