6
त्या दीहोमेहे जाहा चेलाआ संख्या जाआखी वोदुहू लागी ताहा यूनानी भाषा गोगनारा इब्रानी भाषा गोगनारा पोन कुरकुर कोहू लागे का दाडीई दीहोओ सेवकाई मेहे आमाआ विधवाआ उपेक्षा उवती ओती 2 बारा प्रेषितांनी आखे मोडलीही एकठे हादीत कोल्यो, आमाकोअता परमेश्वराआ वाचीलोत्याव्तीरीक्त खायलाकाजे व्यवस्था कोअला योग्य नाहा 3 ताहा बंधुजनांने प्रतीष्ठीत पवित्र आत्माआ आना समझदार पुरो सात माहुउ निवोड को आमुहू याआ कार्याकोता त्याहा अधिकारी बानडह 4 स्वता: ला प्रार्थनाम आना वचनाआ सेवाआ कामाकोअता समर्पित को 5 याआ गोठीही आखे मोडलील जाखो आनंद पोयो ताहा तिये विश्वास आना पवित्र आत्मावांहि पुरो माहु स्तेफन आना फिलीप्प , निकानुर, तीमोन, पार्मिना आना यहुदी मानहुआखी वारुईलागाड अंत्यूखियकर याआ निवोड कोअयी 6 आना याआ माहु फासी तिये प्रेषिताआ आगाडी उभे कोल्यु प्रेषितांनी प्रार्थना कोअयी आना त्यांपो आथे मेक्ल्ये 7 ह्याप्रमाणे परमेश्वराआ वचनाचा प्रचार ओवुहू लाग्यू आना यरुशलेमेरोत शिष्याची संख्याआ जास्तीज वोद्तो गोयी याजकाआ एक वोडू जमाव पण याआ विश्वासाआ मानु लाग्यू 8 स्तेफन एक एहेलू माहहू ओतु, जो कृपा आना सामर्थ्य इये पुरोओत ओतु तो माहाआगडी वोडा -वोडा आश्चर्य काम आना अदभूत चिन्हे प्रकट कोईत ओतु 9 परंतु लीबिर्तीन म्हणजे स्वातंत्र्य कोल्यो महुअ सभागाराचे किबी माहे कुरेणी आना सिकंदरिया त्यापोरोत, तेहलूज किलीकीय आना आशियापोरोत आवल्या यहुदी ओते ते त्याआ विरोधाम चर्चा कोहू लागाडीत 10 परंतु तो ज्या ओक्कल आना सामर्थ्यावाही गोगीत ओतु ते त्याआ आगाडी उभे रोहू सेकेले नाहा 11 फासाड़ी तिये किबी माहुंहु लालूच आपित कोहू लागाडीत , आमुहू मुसा आना परमेश्वराआ विरोधाम यांहा अपशब्द गोगीलावेले उनाअयो होय 12 ह्याप्रमाणे तिये माहुगोदीही, डायु यहुदी अधिकाऱ्यांना आना यहुदी धर्मशास्त्री ओते त्याहा भडकविलाआ फासाड़ी तिये आविलो त्याहा तोअल्यो आना सर्वोच्च यहुदी महासभाआ आगाडी लाविले 13 आना तिये नोकली साक्षीदार उभर कोल्यु, ते कोल्यो , ओ माहुहू याआ पवित्र स्थानाआ आना नियमशास्त्राआ विरूध गोगीलाआ सोडीत नाहा 14 काहाके आमुहू त्याहा एहलो गोगीलावेले उनाअयो का ओ नासरी येशू नाव काढीत टाके आना मोशेई आपाहा लागाडी देदिलो परिपाठ बोद्लीत टाके 15 तेहालाम न्याय सभाम बोहितरोलो आखे माहे त्यांही गोगीलो पालीत ओतलू त्याहा त्याआ मुख देवदूताआ सोबिहोस देखायो.