5
हनन्याआ नावाअ एक माहू आना त्याआ कोवाली सफीरा थोडू जागु वेच्यु 2 आना आपाआ लाडीई जाणकारीकोईत त्यामेरयू किबी स्वता: जागे घेऊन लेधलो आना किबी धन प्रेषिताआ गुदाजागे मेकल्ये 3 यापो पेत्राई कोल्यो, ओ हनन्या शैतानाला तू आपाआ मोनुमे याआ गोठीपो काहा जागू आप्यी का तू पवित्र आत्म्याहा ठोग कोल्यू , जमीन वेसेत जोडणारो धनामेरोते किबी धन स्वता: जागे मेकीत लेधलो 4 ते वेसीलाआगाडी नाहाकोत ताआज नाहाओती ? आना जेव्हा तू ती वेसाई तेहालाम ते धन नाहाकोत ताआज अधीकारोम नाहाआत्लू? तू याविषयी काहा फूस कोल्योओ? तू मांहाहा नाहा परमेश्वराआ ठोग बोलतुल्यो होय 5 हनन्या लेतजा जेव्हा ओ शब्द उनाअयो , तेहालाम तो निसे पोडीत आना जीव सोडयु ज्या कोडु याविषयी उनाअयो , आखाहा बित वाटहु लागाडीत 6 फासाड़ी जुवान माहु आविलो त्याहा विसित आना वेटालीत आना बारथे जात त्याहा पुरोज 7 सुमारे तीन तासावाही जे किबी घोडये ओते ते न मालूमे ओतलू त्याआ लाडी जागे आवयी 8 पेत्राई तीही कोल्यो, 'कोअलो, नाहाकोत तुमु तुमाआ खेत एवढाम वेचीअलो? तीही कोल्यो होय , एवडाम' 9 तेहालाम पेत्राई तीही कोल्यो , 'तुमु बेन प्रभूउ आत्म्याआ परीक्षा काहा सहमत होय ? पाला , ताआ डोहाहा पुरणाआ गुडू दरवाजापरोत आव्ये होय आना ते ताहु पण घेऊन जाथ 10 तेहालाम ती त्याआ गुडाजागे आवित निसे पोड्यी आना मोईत गोयी फासाड़ी जुवान जागे आविलो तीही मोल्या पालीत विसित लेत गोये आना तिया मातीआहाने तीही पुरोज 11 योग्य मोडंली आना ज्या कोडु ओ उनाअयो त्याहा जाखोज बित वाटेम 12 प्रेषितांद्वारे माहुंमे जास्तीज चिन्ह प्रकट ओवुहू लागीई आना आश्चर्य काम कोईत ओते , ते आखे शलमोनाच्या देवडीपाही एकटा ओते 13 त्यांम सहभागी उविला कोडाआ धैर्य उवनारा नाहाआत्लू तेबी माहे त्याआं प्रशंसा कोईत ओते 14 तियाअ जागापो प्रभूपो विश्वास कोअनारे बोयोआ आना माहु वोदिते ओते 15 परिणामस्वरूप माहे आपाआ रोगी-दुख्यांहा घेऊन खाटलापो आना चादरापो गल्लीम हुवाडो लागाडीत याकोअता का पेत्र तियाअ वाटेमारोत जाइअलो तेहालाम तीयामोरोत काही माहापोओ त्याआ सावलू जेबी पोड्यी तेबी हाजो उवे 16 यरुशलेम जागेरोत नगरामारोत आपाआ आना खराब आत्माआ त्यापोरोत पीडी माहुंहु घेऊन गटा गटावाही आवहू लागीई आना ते आखे हाजो उवनारा ओते 17 फासाड़ी मुख्ययाजक आना त्याआ आरीई आखे हेगांति म्हणजे आखे सदुकी त्याआ विरोद्धामे उभे रोल्या ते आअडितकोईत पाअये ओते 18 तिये प्रेषितांहा अटक कोईत लेधलो आना आखाकोता जेलूम टाक्ये 19 परंतु रातीई समयी प्रभूउ स्वर्ग्दूतोवाही जेलोई बायणो उगाडीत आपिलू, तिये त्याहा बारथे घेऊन गोयेनतर कोल्यो 20 “जा, मंदिरोम उभे रो , आना याआ नवो जीवनोबोध्दल माहुंहु आखे कोआ” 21 जेव्हा तिये ओ उनाअयो तेहालाम तिये दीही उजाडताज मंदिरोम प्रवेश कोल्योओ आना संदेश आपुहू लागाडीत , फासाड़ी जेव्हा प्रमुख याजक आना त्याआ होबती त्याजागे पोतले तेहालाम तिये यहुदी संघ तेहलूज इस्त्राएलचे डायु याआ मिटीग लेदि फासाड़ी तिये जेलूम प्रेषितांहा हादाडये 22 परंतु जेव्हा अधिकारी जेलूम गोये तेहालाम प्रेषित त्याहा तीइही मिल्ये नाहा तिये फासी आविलो ओ वर्तमान आपिलू आना 23 कोल्यो, आमुहू तुरुंगाचे सुरक्षाआ तालो लागाड्ल्यी आना बायनापाही सुरक्षा-शिपाई उभे ओते परंतु जेव्हा आमुहू दरवाजू उगडाल्यू तेहालाम विसमे आमुहू कोडु देखाये नाहा 24 मंदिराआ शिपाया मुख् याजक इये जेव्हा ओ उनाअयो तेहालाम ते त्याविषयी चिंता माय पोडये आना फूस कोहू लागाडीत , ओमे नाहाकोत उवे? 25 फासाड़ी कोडु जागे आविलो कोल्यो , "ज्या माहु तुम्हामे जेलूम टाक्ये ओते ते मंदिरोम उभे रोत माहुंहु संदेश आपित होय 26 मंदिराआ सुरक्षा शिपाया मुख्य आपाआ अधिकाऱ्याआरी त्याजागे गोये आना प्रेषितांहा जुलूम न कोअता फासी घेऊन आव्ये काहाके त्याहा बीइलो ओती का माहे त्याहा (मंदिराआ हिपायांहा) डोणो माआहि कायना 27 ते त्याहा जागे घेऊन आव्ये आना सर्वोच्च यहुदी सभेआगाडी उभे कोल्यु आना फासाड़ी प्रमुख याजकांवाही त्याहा फुसीत कोल्यो , 28 आमुहू तुम्हामे याआ नावामेहे संदेश आपुहू कठीण आदेश आप्यू ओतु आना तुमु फासी आखे यरुअशलेमाहा आपाआ संदेशावाही पोईत आपिलू होय आना तुमु याआ व्यक्तीई रक्त अपराध आमूह लेतआवीत होय 29 पेत्र आना बिहीरा प्रेषितांनी उत्तर आपिलू, आमुहू महांआ पेक्षा परमेश्वराआ गोठी उनाई जोवे 30 तिया येशुहू आगलाआ परमेश्वर ईये फासी जिवंत कोईत उभे कोल्यु होय ज्याहा उनाआ खांबोपे लोटकावित तुमु माअये ओते 31 तीयाहा प्रमुख तारण कर्ता च्या रुपामे महत्व आपित परमेश्वराने आपाआ हाजला सेटे बोहाडील्ये होय याकोअता का इस्राएल च्या माहुंहु बदलीत आना पापापो क्षमा प्रदान कोअयी जायलो 32 याआ आखे गोटीविषयी आमुहू साक्ष होयेत आना तो पवित्र आत्माआ पण होय जो परमेश्वाराहा त्याहा आप्यू होय जे त्याआ आज्ञांआ पालीत कोअता 33 जाहा तिये ओ उनाअयो तेहालाम ते जास्तीज रागाकोहे आना त्याहा मोयईला प्रयत्न कोल्यु 34 परंतु माहास गमलीएल नावाआ एक परुसी जो धर्म शास्त्राआ मास्तर ओतोतो आखे माहे मानपान आपित ओते , उबु रोला आना आज्ञा आप्यी का त्याहा थोडो वेळोकोअता बारथे कोईत दया 35 फासाड़ी तो त्याहा कोल्यो , इस्राएलाओ माहाआ, तुमु याआ मांहाआरी जे किबी कोअता ते उत्वाकोई कोईत होय फूस कोईत को 36 किबी काळाआधी स्वता: ला वोडो घोषित कोईत थियुदास प्रकट उवे ओते आना सुमारे चारहोव माहे त्याआ फासाडी पण उवे ओते परंतु तो मारीलो गोल्यो आना त्याआ आखे शिष्याची वेराईतवेराईत उवी ओती, परिणामी किबी उवे नाहा 37 याआनंतर जनगणनाआ टायमोमें गालील माय रोनारू यहुदा प्रकट पोयो ओतु, तिये पण किबी माहुंहु त्याआ फासाडी आवूहू आकर्षित कोल्यु ओतेव तो पण माईत गोल्यो आना त्याआ शिष्याची वेराईतवेराईत उवी 38 याकोअता याआ वर्तमानविषयी आय तुम्हामे कोल्यो होय का याआ मांहुपोरोत अलग रो यांहा ऐहलेच एखुल्योज रोहू दया काहाके त्याआ ए योजना आना होय काम मनुष्यामेरोत होय ताहा खुद समाप्त उवे 39 परंतु जर ओ परमेश्वरपोरत होय ताहा तुमु थाबाडीहि शकत नाहा तेहालाम ओवुहू सेकोहो का तुमु स्वता: ला परमेश्वराआ विरोधाम लोढीत पालीलो तिया सल्लो तिये माग्यू 40 आना प्रेषितांहा जागे हादीत त्याहा फटके माअये आना त्याहा ए आज्ञा आप्यी का येशूउ नावाबरामे काहीही चर्चा कोहू कायना आना तिये जाऊ आपिलू 41 ते प्रेषित याआ गोटीविषयी आनंद कोईत ओतलू का त्याहा त्याआ नावाकोअता अपमान सहन कोअला योग्य महांआ गोये आना यहुदी महासभामेहे निहित गोये 42 मंदिर आना कोकोमे हरएक तेदीही ए सुवार्ता का येशु ओच ख्रिस्त होय शिक्षण दयायाआ आना संदेश दयायाआ तिये केधीज सोडये नाहा.