4
जाहा ते माहाह़ा ओ कोतू ओतु ते याजक आना मोंदीरोओ सरदार आना सदुकी त्याआ पोओ चोढीत आवे 2 ते त्याआपो याआ गोठी उपो रागाकोहे ओते का पेत्र आना योहान माहुंहु संदेश आपित ओतलू येशूचे मोल्यानंतर जिवंत ओवील्या पुनरुस्थान विषयी प्रचार कोईत ओते 3 तिये त्याहा अटक कोअयी तेहालाम ती वेल हांजेपो उवी ओती त्याकोता आगाडी दिहेजा त्याहा चौकीत मेक्ल्ये 4 परंतु जिये तो संदेश उनाअलु त्यामरोत जास्तीज माहु विश्वास कोल्योओ ओतु त्याआ संख्याआ सुमारे पाच हजार माहु पर्यंत पोरोओली ओती 5 आगाडी तेदीही त्याआं अधिकारी, डायु आना यहुदी धर्मशास्त्री यरुशलेम माय एकठे उवे 6 प्रमुख याजक हन्ना, कयफा, योहान, आलेक्जान्द्र आना प्रमुख याजाकाआ कोऱ्याम आखे माहे पण उपस्थित ओते 7 ते तियाअ प्रेषितांहा तियाआगाडी उभे कोईत फुसिलो लागाडीत , तुमु कोडला शक्तीवांही अथवा कोडला अधिकाराआ ओ काम कोईत होय ? 8 फासाड़ी पवित्र आत्मामेरोत पुरो ओतगोल्यु पेत्र त्याहा कोल्यो , ओ मांहाहा अधिकाऱ्यांनो आना डायु माहु, 9 जर आज आमापोरोत उनाआ लंगड्या माअहुहू कोईओलो हाजा विषयी ओ विसारपूस कोअयी जात होय का , तो हाजू केहलु पोयो? 10 ताहा तुम्हाआ आखाहा आना इस्त्राएलआ माहुंहु ओ मोलुम उवे का ओ काम नासरी येशू ख्रिस्ताच्या नावामेहे उवे होय ज्याहा तुमु कृसापो चोढावीन आपिलू आना परमेश्वराने मोल्यानंतर फासी जिवंत कोल्यु त्यावाही ओ पुरो हाजू पोयो होय जो तुमाआगाडी उबु होय 11 येशू तोज , जो डोणो ज्याहा तुमु बाधनाआ तुच्छ माग्यू तोज डोणो अत्यत महत्वपूर्ण (कोनशीला) डोणो बोल्यू 12 काहाके तारण बिहीरापोरोत नाहा काहाके जुगोओ निसे माहुंहु एहलो बिहरे नाव आपिलू नाहा ज्यावाही आमुहू तारण उवे 13 जेव्हा तिये पेत्र आना योहान याहा धैर्य पालील्यो आना ओ न वाचना -लेखता गोगत्ले आना ओ साधारण मांहु होय तेहालाम त्याहा जास्तीज आश्चर्य वाटेम फासाड़ी त्याहा कोलेहे का ओ येशूआरी रोहीत्ले होय 14 काहाके जो माहहू हाजू पोयो ओतु त्याहा त्याआरी उबु असलेला पालीत ओते कोईत त्यांआपो किबी कोअला उरलो नाहा 15 तिये त्याहा यहुदी न्यायसभेमेरोत निहित जॉहु कोल्यो आना फासाड़ी आपसामेहे फूस विनिमय कोअहू लागाडीत 16 याआ मांहाआरी केहलु व्यवहार कोईओलो? काहाके यरूशलेममोरोत रोनारू हरएक माअहुहू मालूमे ओते का ह्यांच्याद्वारे एक उलेखनीय काम उवे होय आना आमुहू त्याहा नकार आपुहू शकत नाहा 17 परंतु आमुहू त्याहा चेतावणी आपुहू का याआ नावाबरामे कोडा ए चर्चा कोहू कायना याकोअता लोकापोरोत याआ गोटीविषयी जाखा प्रचार कोईलाकाजे थाबाडीहि सेकेले जाइअलो 18 तिये त्याहा जागे हादाडये आना आज्ञा आप्यी का येशूउ नावामें कोडोबी चर्चा कोहू नाहा आना संदेश पण आपुहू नाहा 19 परंतु पेत्र आना योहान इये उत्तर आपिलू, तुमुज कोआ, नाहाकोत परमेश्वराआगाडीही ओ आमच्यासाठी योग्य होय का परमेश्वराआ उनाऊ कायना आना तुमाआ उनाआ? 20 आमुहू जे किबी पालील्यो होय आना जे किबी उनाअयो होय ते कोओला आमुहू थोब नाहा शेकता 21 फासाड़ी तिये त्याहा जाखा धमकाव्यो आना सोडीत आपिलू त्याहा शिक्षाम कोईलाकाजे त्याहा किबी मार्ग जोड्यू नाहा काहाके जी घटना घोडीही ओती त्याकोता आखे माहे परमेश्वराआ स्तुती कोईत ओते 22 ज्या माअहुहू हाजो कोअलाआ आव्ये ओते त्याआ वय सालीह वर्षापेक्षा जाखा ओते 23 जेव्हा त्याहा सोडीत आपिला आव्ये ते आपाआ मित्राआरी फासी आव्ये आना त्याहा जे किबी प्रमुख याजकांवाही आना डायु अधिकार्यांवाही जे किबी कोल्यो ते आखे त्याहा कोल्यो 24 जेव्हा तिये ओ उनाअयो तेहालाम आखे मिलीत परमेश्वराआ आवाज आपित कोल्यो , मालिक, तांहुज जुग , धोरती, समुन्द्र आना तीयाम जे किबी होय त्याआ रचना कोअयी होय 25 तांहुज पवित्र आत्माआ द्वारा आपाआ पावर, आमाआ आगडीडाये दावीद याआ सोबिमेहे कोल्यो ओते , याआ जातीई माहु काहा अहंकार देखाड्यो आव माहु व्यर्थ योजना काहा कोअल्यो? 26 तोरतीइ राजांई याआ विरूध युद्ध कोईलाकाजे तीयारी कोअयी आना शासक प्रभू आना ख्रिस्ताच्या विरोधामेहे एकठे आव्ये 27 खरोज , हेरोद आना पंतय पिलात पण आव नगरामेहे गौरयहुदी आना इस्त्राएलांआरी मिलून ताआ पवित्र पावर येशूउ विरोधाम ज्याहा तुमु ख्रिस्ताच्या रुपोमे अभिषेक कोल्यु ओते , वास्तव एकजूट उवे ओते 28 ते एकठे उवे याकोअता का ताआ शक्ती इच्छेनुसार जे किबी पालील्यो निच्शीत उवे ते पुरो उवे 29 आना ओमे ओ प्रभू त्याआ धमकीईही लक्ष्य आप आना आपाआ सेवकांआ निर्भयतावाही तांआ वचन कोइला शक्ती आप 30 जेव्हा हाजो कोईलाकाजे तू आपाआ आथे आगाडी कोअनारू आना चिन्ह तेहलूज अदभूत काम ताआ पवित्र सेवाकांद्वारे येशूउ नावामें कोल्यु जालो 31 जेव्हा तिये प्राथर्ना पुरो कोअयी तेहालाम ज्या जागापो ते एकठे ओते ती जागू आल्यी आना तियाअ आखांम पवित्र आत्मावांहि वास कोल्यु आना ते निर्भयतावाही परमेश्वराआ वचन गोगू लागाडीत 32 विश्वासी माहुहु ओ मदतकोअनारे जमाव एक मोन आना एक तन ओतु कोडोबी एहलो कोल्यो नाहाआत्लू का ए माआ वस्तु होय , त्यांआपो जे किबी ओते ते आखे मिलून वाटीत लेत ओते 33 आना प्रेषित योग्य शक्तीवांही प्रभू येशूचे फासी जिवंत झाल्याचे साक्षी आपित ओते परमेश्वराआ महान वरदान तियाअ आखामेहे रोत ओते 34 त्यांमे कोडाहि काहीही धाकनाय पोडीत नाहाआत्लू काहाके ज्या कोडापो खेतू आना को ओते ते त्याहा वेसेत आपित ओते आना तीयावाही जे धन मिलीअलो ओते ते घेऊन 35 प्रेषिताआ गूडाम मेकीत ओते आना ज्याहा जेवडे गोरोज ओते त्याहा तेवडो धन आपिलू जात ओते 36 उदाहरनाकोता युसेफाआ नाव कुप्र बेटाम जन्मउवलू एक लेवी ओतु ज्याहा प्रेषित बर्णबा अर्थात शांतीचा पोऱ्या पण कोयो ओते 37 तिये एक खेतू वेसेत आप्यी , तो तिया मालिक ओतु आना ते धन प्रेषिताआ गूडाम मेकल्ये.