3
पेत्र आना योहान तीसरा प्रहराआ प्रार्थना आ वेले मोन्दीरोमेहे जाते ओते 2 आना माहे एक जन्मापोरोत लेगडू ओयत्याहा लाविलो ओतो ते हरएक दीही मंदिराआ बाअणाआरी जो हाजी कोअहो जात्लू बोहाडीत आपित ओते का मंदिरोम जहापोरोत भिक मागे 3 जेव्हा तिये पेत्राहा आना योहानाआ मंदिरोम जाआत्लू पालील्यो ताहा तिये भिक माग्ये, 4 पेत्राई योहानाआ आरी त्यांही लक्ष्य आपित कोल्यो , आत्मापोआ ला , 5 आखरी तो त्यापोरोत किबी जोडीला आशा कोईत त्याआरोत पाल्हू लाग्यू , 6 तेहालाम पेत्राई कोइतलु , चांदी आना सोनो ताहा माआकोअता होय नाहा परंतु जे मांही होय ते ताहु आपित येशू ख्रिस्ताच्या नावामेहे साल उठ , 7 आना तिया हुडू आथे तोईत त्याहा उठाडीलो आना लागेज त्याआ गुडाहा आना घुटन्यामेहे बल आव्ये 8 तो उठित उबु रोत गोल्यो आना चालुलाकोअता फिरुहू लाग्यू , आना चालते आना कुदत आना परमेश्वराआ स्तुती कोईत त्याआ आरी मंदिरोम गोल्यो 9 आखे माहु त्याहा सालीलावेले फिरीलावेले आना परमेश्वराआ स्तुती कोअत्लूतेहलाम पालीत, 10 त्याहा ओलखीत लेधलो का तो तोज होय मंदिराआ हाजी फाटकापो बोहित भिक मागित रोत ओतु आना जी घटना त्याहापोरोत उवी ओती ते जास्तीज नवल कोईत चक्कित उवे 11 जेव्हा तो पेत्र आना योहान तोवीत ओते तेहालाम आखे माहे जाखो आश्चर्य चक्कित उवे तियाअ वेले जे शालमोनाआ देवडीपाही गुगदिलो ओते , 12 ओ पालीत पेत्राई माहुंहु कोल्यो , ओ इस्राएल माहुहू, तुमु आव मांहुंपो आश्चर्य कोअता आना आमच्याकडे काहा एहलो पालीत होय का आमुज आपाआ सामर्थ्य आव भक्तीमेहे चालुलाकोअता फिरुहू योग्य बोणीत आपिलू होय 13 आब्राहाम इसाक आना याकोबाआ परमेश्वर आम्हा पूर्वजाआ परमेश्वराने आपाआ पावर येशुऊ महिमा कोअयीज्याहा तुमु तोईत आपिलू आना जेव्हा पिलातावांही त्याहा सोहिला फूस कोल्योओ तेहालाम तुमु त्याआ आगाडी तिया नकार कोल्योओ 14 तुमु तियाअ पवित्र आना धोर्मी तीयाआ नकार कोल्योओ विनंती कोअयी का एक हत्याराआ तुम्हाकोअता सोडीत आप्या जावा 15 आना तुमु जीवनाआ कोअनाराहा माईत टाक्ये ज्याहा परमेश्वराने मोल्यामरोत जिवंत कोल्यु ओते आना याआ गोठीही आमुहू साक्षी होय 16 आना त्याज नावामेहे तियाअ विश्वासाआ त्यापोरत जे त्याआ नावापो होय आव मांहाहा ज्याहा तुमु पालल्ते आना ओलखीत पण सामर्थ्य आपिलू, त्याआ विश्वासा जे त्याआ त्यापोरत होय त्याहा तुमु आख्याआगाडी ओ डील धनदौलत उवी होय 17 ओमे ओ पाहीही आय ओलखीतलु का तुमु ओ काम अज्ञानामे कोल्यु होय आना तेहलूज तुमाआ सरदाराआ पण कोल्यु 18 परंतु ज्या गोठीही परमेश्वराने आखे भविष्य वक्तांआ मुखोवाही पहिलुच कोत आपिलू होय का त्याआ दुख ख्रिस्त भोगिलो, त्याहा तिये आव रीतीवाही पुरो कोल्यु 19 याकोअता मोन फिराविला आना फासी आव का तुमाआ पाप पुरोज जाथ ज्याआपोरोत प्रभूऊ संमुखाने आराम मुख आवे 20 आना येशुहू मोक्ल्यीत जे तुम्हाकोअता पेलरोत ख्रिस्त निवडयोजनाला गोल्यो होय 21 आवश्यक होय का तो होर्गाम तियाअ टायमोपोरोत रोही जोपोरोत ते तियाअ जोपोरोत ते आखे गोठीई हुधाऱ्यो नाहा कोईत ओते ज्याआ चर्चा प्राचीन कालोलरोत परमेश्वराआ आपाआ भविष्य वक्त्यांआ सुबीववहीच कोल्यो होय 22 जेहलो का मोशेई कोल्यो होय , प्रभू परमेश्वर तुमाआ पायो मायारोत तुम्हाकोअता माअसारखू क भविष्य वक्ता कोल्योओ जाइअलो जो किबी तुम्हामे कोअही त्याआ उनाईलो 23 परंतु हरएक माहुहीई तियाअ भविष्य वक्ताआ उनाअयो नाहा माहुमेरोत नष्ट कोल्योओ जाइअलो 24 आना शमुवेल पोरोत त्याआ मागीलाकोत पर्यंत जिये भविष्य वक्ता गोगत्ले त्याहा आखाहा आव दिहिओ संदेश आप्यू 25 तुमु भविष्य वक्त्यांआ पोऱ्ये आना गोगीलो गोवाद्या होय जे परमेश्वराने तुमाआ आगलाडाया पोरोत चालीलो होय जेव्हा तिये आब्रामाहा कोल्यो ताआ वंशाद्वारे पृथ्वीई आख्याआ कोआ आशीर्वादित होय 26 परमेश्वराने आपाआ पावरोहो उठवीत पहीले तुमाही मोकल्ये का तुमाआ मायारोत प्रत्येकाहा त्याहा वाईट सोडीत आशीर्वाद आपिलू.