2
जाहा पेंन्टेकॉस्टा आ दीह आयु ते आखे एक जागा पोओ टोलवात गोये 2 अचानक जुगोमोरत वोडा वाराआ सुसाटया सारिखा शब्द आवयू, आना तियआ आखे को जीही ते बोह्ये ओते , कोंडीत लेधलो 3 आना त्याहा आगीई जीभा फाटीलावेले देखल्या आना त्यामोरोत हरएक जानाथोओ आविलो पोड्यी 4 ते आखे पवित्र आत्म्याआ पोईत गोये , आना ज्या प्रकारे आत्मावांहि त्याहा गोगीलाआ सामर्थ्य आपिलू, ते जोर अलगे भाषा गोगू लागाडीत 5 जुगोओ ऐढली हरएक जातीमे भक्तिमान यहुदी यरूशेलेमा रोत ओतु 6 जेव्हा ओ शब्द पोयो ताहा गोर्दी जोम्यी आना माहे घाबरील्यो गोये , काहाके हरएक जोह ओच उनालू आवीत ओते का काहाके हरएक जनास ओच उनाऊ आवीत ओते का ओ माआ भाषम गोगीत होय 7 ते आखे आश्चर्य आना नवल कोईत कोइत्लु लागाडीत , "पाला , ओ जे गोगीत होय नाहाकोत आखे गालीली नाहा? 8 ताहा काहा आमामेरोत हरएक जोओ आपाआ -आपाआ भाषा उनाईत? 9 आमुहू जे पार्थी आना मेदि आना एलामी आना मेसोपटेम्याहा आना यहुदीया आना कप्पदुकियाआ आना पंत आना आसिया, 10 आना फ्रुगीया आना पंफूलीया आना मिसर आना लीबुवा देश जो कुरणेआआ आस पास वालो होय , आव आखे देशामेले रोणारे आना रोमिय प्रवासी, 11 म्हणजे यहुदी आना यहुदी महत्कमे धारण कोअनारे, क्रेतीय आना अरब पण, पण आपाआ -आपाआ भाषम तिये देवोओ वोड़े-वोड़े कामाला चर्चा उनाईत" 12 आना ते आखे आश्चर्य चकित उवे आना घाबरील्यो एकमेकाआ कोइत्लु लागाडीत , "ओ नाहाकोत उवनारा होय ?" 13 "पण बिहीरावाही मजाक उडाडीत कोल्यो , "ते ताहा नाहा मंदीराआ नगेती चूर उवे" 14 तेहालाम पेत्र तिया अकरा जना आरी उबु ओतु आना उचो शब्दामे कोइत्लु लाग्यू , "ऐ यहुदि आना यरूशलेमे आखे रोणारे, ओ होमजीत ल्या , आना काम लागाडीत माआ गोठी उनाआ 15 जेहलो तुमु होमाजाडीत होय , ओ माहे नशाम नाहा होय , काहाके ओमे ताहा पहीले प्रहर होय 16 पण ए ती गोठी होय , जो योएल संदेष्टाआ व्दारे कोल्या गोयी ओती: 17 देव कोतलू, का शेवटच्या दिहोम एहलो उवे का आय आपाआ आत्माआ आखे मआहाचो पाईपोडेहे कोअही, आना तुमाआ पोऱ्ये आना तुमाआ पोयरयी भविष्यवाणी कोअनारू , आना तुमाआ जुवानोहो दृष्टामे स्वप्ने पोडे 18 नाहा ताहा आय आपाआ दासास आना आपाआ दासिपो पण तियाअ दिहोम आपाआ आत्म्याआ पाईपोडेहे कोअनारू , आना ते भविष्यवाणी कोअनारू 19 आना आय उसे जुगोम अदभूत काम आना निसे धरतीपो चिंन्हे, म्हणजे रक्त आना आग आना धृम्ररूप एहलो देखाड्नारू 20 परमेश्वराआ महान आना प्रसिध्द दीही आविलाआ पेल्लुंज दिह अंधकारमय आना चंद्र रक्तमय उवे 21 आना जो कोडु परमेश्वराआ नाव लेही , त्याआ तारण उवे' 22 ऐ इस्राएल, ओ गोठी उनाआ : येशू नासरेथ, एक मांहु ओतु ज्याकोईत देवापो ओनारो प्रमाण तियाअ महत्कृत्ये काम आना अदभूत काम आना चिन्हांनाकी प्रगट होय , जे देवूही तुम्हामे त्याआ व्दारे मेलीते देखादये जे तुम्हामे मोलुम होय 23 त्याआ येशुहू , जे देवूही नेमितमेकल्या योजना आना पूर्वज्ञाना प्रमाणोओ धोल्योओ गोल्यो, तुमु अधर्माआ आताई वंधस्भावर खिलून माअये 24 पोन तीयाहा देवूही मोईला बाधितमेकल्यामरोत सोडवीत उठविले; काहाके ओ उवे अवश्य ओते का तो त्याआ होपित रोतलू 25 काहाके दाऊद त्याआ विषयी गोगत्लू, 'आय प्रभूहु आखीवेल आपाआ आगाडी पालीत रोही काहाके तो माआ हाजावोगे होय , यकोअता का आय ढळू कायना कोईत 26 आव कारनोकोईत माआ मोनाहा आनदीत उवे, आना माआ जीभ उल्लासीत उवी ; नाहा ताहा माआ डील पण आशामे निवासाहा कोअही 27 काहाके तू माआ जीव अधोलोकात नाहा सोडविणारू; आना नाहा आपाआ पवित्र जोह होडह ए नाहा आपी 28 तू माहु जिवनाआ मार्ग देखाल्यु होय ; तू माहु आपाआ दर्शनाआ व्दारे आनदाने पोईत आपी' 29 "ऐ पाहीही, आय कुलधिआ दाविदाआ विषयी तुम्हामे प्रशस्तपणे कोतलू का तो ताहा मोईत गोल्यो आना गाडल्यु पण गोल्यो आना त्याआ कबर आज पर्यंत आम्हा इही होय 30 इतो संदेष्टा ओतु, त्याहा मोलुम ओते का देवूही माहु शपथ लेदि होय का आय ताआ पोऱ्याहा उनाआ माअहुहू ताआ राजासनापो बोहाडअलू; 31 तिये उवनारू गोठीही पहिलुच पालहु ख्रिस्ताच्या उठाडीलाकोअता भविष्यवाणी कोअयी का नाहा ताहा तिया जीव अधोलोकोम मोकलील्या गोल्यो आना नाहा त्याआ डील होडहु आपिलू 32 त्याआ येशुहू देवूही उठविले होय , ज्याआ आमुहू आखे साक्षीदार होय 33 आवा प्रकारे देवाच्या हाजा आथ उचो पदी मिलवीत, आना आबहा त्यापोरोत ते पवित्र जोडयो कोईत ज्याआ प्रतिज्ञा कोअल्यो गोयी ओती तिये ओ ओतीत आपिलू होय जे तुमु पालल्ते आना उनाईत 34 कोईत दाविद ताहा स्वर्गापो नाहा सोढयू; पण तो स्व: त कोतलू, 'परमेश्वराने माआ प्रभूहु कोल्यो , माआ हाजावोगे बोह, 35 जांहुजा का आय ताआ वैऱ्यी ताआ गुडाहा आसन कोएतांहुंजा' 36 यास्तव: ओमे एस्त्राएलआ आखे कोवालावाही निश्चयपूर्वक होमजीत न ओवो का देवूही त्याआ येशुहू ज्याहा तुमु वंधस्भांपो खिळले ओते , प्रभू पण ठेरव्यू आना ख्रिस्त पण" 37 तेहालाम उनानाराआ अंत: मोनाहा छेद पोयो, आना ते पेत्रस आना इतर प्रेषिताला फुसुहू लागाडीत , “ऐ पाहीही, आमुहू नाहाकोत कोहू ?” 38 पेत्रस त्याहा कोल्यो , “पच्यताप को, आना तुमाआ मायारोत हरएक जणाला आपाआ- आपाआ पापापो क्षमाकोअता येशू ख्रिस्ताच्या नावामे बाप्तीसमे दया; ताहा तुमु पवित्र आत्मावाही दान मेलविनारो 39 काहाके ए प्रतिज्ञा तुमु , आना तुमाआ पोऱ्ये पोय्रा, आना ते आखे सेटे -सेटे माआहुकोअता पण होय ज्याहा प्रभू आमाआ देव आपाआ जागे हादनारो ” 40 तिये जास्तीज किबी गोठीही पण साक्ष आपित होमजाव्ये का आपाआ माह कुटील पीडी पोरोत वासाडा 41 यास्तव जिये त्याआ वचन तेईतले कोल्यु तिये बाप्तिस्मे लेदो; आना त्याआ तेदीही तीन हजार माहाहा लगभग तियाआमे मिलून गोये 42 आना ते प्रेषितापोरोत शिक्षाम लेई , आना आरी मेकिलो आना भाकर तोडूहु , आना प्रार्थना कोइलाकोअता तीयार रोत 43 आना आखे माहुंहु बी जोडयो उवे, आना जास्तीज अदभूत काम आना चिन्हे प्रेषिता प्रगट उवनारा ओते 44 आना आखे विश्वास कोअनारे ऐखटे रोत ओते , आना त्याआ आखे वस्तू एखटे ओती 45 पाच ते आपाआ-आपाआ धनदौलत आना सामान वेसीत वेसित जेहलो ज्याआ गोरोज उवनारा ओती, वाटीत लेत ओते 46 साहा ते हरएक तेदीही एक मोन ओतगोल्यु मंदिरोम एकठे उवनारा ओते , आना कोआ - कोआ रोटा, तोडीत आनंद आना सालस मोनाकोईत ओन खायलो ओते 47 सात आना देवाची स्तुती कोईत ओते , आना आखे माहे त्याआरी प्रसन्न रोतत्त्लो : आना, जो तारण जोडयो कोईत ओते , त्याहा प्रभू हरएक तेदीही तीयाम मिलवीत आपित ओतु.