19
ऐ ओ कोईत पिलातुअ यीशु हु चापके देवाडले 2 शिपायाआ काटाआ मुकुट गुंथवून मुंडकापो मेक्याएने त्याहा जांबले आगडे त्याहा काटाआ 3 आना त्याजागे आविलो कोहू लागाडीत , "ऐ यहुद्याआ राजा नमस्कार, आना त्याहा थापोड पण माअये 4 तेहालाम पिलातावांही फासी बारथे निहित माहुंहु कोल्यो , “पाला , आय त्याहा तुमापोओ बारथे फासी लेतआवलू; म्हणजे तुमु होमजुत्लू का माहु यामे किबी दोष जोड्यू नाहा” 5 तेहालाम येशु काटाआ मुकुट आना जांबले आगडे कालीत बारथे आवयू आना पिलातावांही त्याहा कोल्यो , “पाला , ओ माहु!” 6 जाहा मुख्य याजक आना त्याआ शिपायाआ त्याहा पालील्यो तेहालाम आयडीत कोल्यो , याहा कृसापो सोडवा, कृसापो सोडवा! पिलातावांही त्याहा कोल्यो , तुमु च त्याहा घेऊन कृसापो सोडवा काहाके यामे माहु किबी दोष देखाईत नाहा 7 यहुदी इये उत्तर आपिलू, आना तियाअ नियमानुसाट तो माईत टाकिलाआ योग्य होय काहाके तिये स्वतः ला परमेश्वराआ पुत्र बनविल्यो 8 जाहा पिलातावांही याआ गोठी उनाइतल्या ताहा फासी जाखो बिल्यू 9 आना राजवाडाम गोल्यो आना येशुहू कोल्यो , “तू कोडू/ कावालू होय ?” पण येशूने त्याहा किबी उत्तर आपिलू नाहा 10 यापो पिलातावांही त्याहा कोल्यो , माआरी काहा गोगीत नाहा? नाहाकोत ताहु मोलुम नाहा का ताहु सोडीत आपिला अधिकार माहु क्रूस होय. 11 येशूने उत्तर आपिलू, जर वरून आपिलू कायनाओतो, ताहा ताआ मापो किबी अधिकार रोला नसते त्यापोत जीआ माहु ताआ आथोमेहे तोईत आपिलू होय त्याआ पाप जाखो होय 12 त्यापोरोत पिलातावांही त्याहा सोडीत आपिला ठेरव्यो पण यहुद्यांनी आयडीत- आयडीत कोल्यो , जर तू याहा सोडीत आपी ताहा ताआ सेवा कैसराहि नाहा जो कोडु स्वतः ला राजा बनवितो तो केसराआ विरूध जात्लू 13 याआ गोठी उनाईत पिलात येशुहू बारथे घेऊन आवयू आना तियाअ जागापो चबुतरा ओतु जो इब्रानी भाषम गब्बाथा कोतेहे आना तिंही न्यायासणापो बोहू 14 ओ वल्हांडण तिवाराआ तियारीइ दीही ओतु आना सहावू तासा सुमारास ओतु तेहालाम तिये यहुद्याआ कोल्यो , “पाला , तुमाआ राजा ” 15 पण ते आअडीलो, “घेऊन जा! घेऊन जा! त्याहा कृसापो सोडवा!” पिलातावांही त्याहा कोल्यो , “नाहाकोत आय तुमाआ राजाहा कृसापो सोढवूहू ?” मुख्य याजकाआ उत्तर आपिलू कैसरहा सोडीत आमाआ कोड्लूच बिहरु राजा नाहा 16 तेहालाम तिये त्याहा त्याआ आथोमेहे होफहोपिन आपिलू म्हणजे तो कृसापो सोडाव्यु जानारू 17 तेहालाम ते येशुहू घेऊन गोये आना तो आपाआ क्रूस विसित तियाअ ठीकानोपो बारथे गोल्यो जी मुलकाआ ठिकाण कोत्ले आना इब्रानी माय “गुलगुथा” कोल्यो जाहो 18 तीइही तिये त्याहा आना त्याआरी बेन मांह्हू कृसापो चोढावीत एकाहा यीबाजुहू आना दिहीराहा तियाअ सेटे आना येशुहू माय 19 पिलातावांही एक दोषपत्र लेखित क्रूसा लागाडी आप्यू आना तीयाम ओ लेखिलो ओते , “नासरेथ चा येशु यहुद्याआ राजा ” 20 ओ दोष पत्र जास्तीज यहुद्यांनी वाचले, ते ठिकाण जीही येशुहू क्रूस चोढावीत ओतेनगराजागे ओते ; आना पत्र इब्रानी, लातिनी, आना युनानी माय लेखिलो ओते 21 तेहालाम यहुद्याआ मुख्य याजकाने पिलातला कोल्यो याहुद्याचा राजा नाहा लिखेहू पण एहलो लेख का त्याहा कोल्यो आय याहुद्याचा राजा होय 22 पिलातावांही उत्तर आपिलू आय जे लेखित आपिलू म्हणजे लेखित आपिलू 23 जाहा शिपाई येशुहू कृसापो चोढावीन उवेताहा त्याआ आगडे घेऊन त्याआ चोर भाग कोल्यु हरएक सैनिकाकोअता एक भाग आना झगा पण लेदो पण झगा हिवाळल्यू नेओतू पण वरून निसेजा तीयार हिवल्यो ओतु 24 त्यापोत तिये आपसामेहे कोल्यो , आपु याहा फाडीला नाहा पण ह्यापो चिठी टाकुहू का ओ कोडाआ उवे ओ आव याकोअता उवे का पवित्र शास्त्रात जे लेखिलो ओते ते पुरो उवे , “तिये माआ आगडे आपसामेहे वाटीत लेधलो, आना माआ पोतडापो चिठी टाक्यी” 25 कोईत शिपायाआ तेहलूज कोल्यु येशूउ क्रूस त्याआ आयहि आना तीआ बोंहि आना क्लोपाची लाडी मरिया आना मरिया माग्दलिनि उबे कोल्यू 26 जाहा आपाआ आयहि आना तियाअ शिष्यांआ ज्यापोओ तो प्रेम कोअला जागे उभे होयतो पालील्यो तेहालाम आपाआ आयहीही कोल्यो , “ओ बाय , पाला , ओ ताआ पोऱ्या होय ” 27 तेहालाम तिये शिष्यामे कोल्यो , “ए ताआ आयहि होय ,” आना तियाअ टायमोपोरोत शिष्य तीही आपाआ कोआ घेऊन गोल्यो 28 इयाफासाडी येशूने होमज्ये का ओमे आखे पुरो उवे होय त्यापोत पवित्र शास्त्रात जे कोल्यो होय , ते पुरो उवूंहू जोवे कोईत कोल्यो , “आय तोर्ह्यु होय ” 29 तीइही आंब पोईत मेकीत्तरोल्यू एक बासणा ओते कोईत तिये स्पंज आंब्यात बुडालीत ते स्पंज जुफावर मेकीत त्याआ सोबाडीपो लागाडले 30 जाहा येशूने तो आंब लेदो, तेहालाम कोल्यो , “पुरो उवे, आना मुंडको निसे कोईत जीव सोडीत आपिलू” 31 यामुळे का तो तियारीइ दीही ओतु यहुद्यांनी पिलातला विनंती कोअयी त्याआ गुडू तोडीदे आना निसे उतरविला होय म्हणजे ते शब्बाथाआ तेदीही क्रूस रोही नाहा काहाके तो शब्बाथाचा दीही वोडू दीही ओतु 32 कोईत शिपायाआ आविलो तियाअ माहामोरोत पाललेआ गुडू तोडये; आना फासाड़ी बिहराआ पण जो त्याआ आरी कृसापो सोडवियू ओतु 33 पोन जाहा आविलो पालील्यो का तो माईत गोल्यो होय कोईत त्याआ गुडू तोडये नाहा 34 पोन शिपायमरोत एकाने त्याहा डाफावांहि त्याआ खुशीम जाअयें आना त्याआ मायारोत लागेज रक्त आना पाई निकलीलू 35 जीआ ओ पालील्यो तिये ओ साक्ष आप्यी होय आना त्याआ साक्ष खोरी होय आना त्याहा मोलुम होय का तो खोरोज कोतलू का तुमु पण विश्वास मेकिलो 36 याआ गोठी यामुळे ओवल्यु का पवित्र शास्त्रात जे कोल्यो होय ते पुरो उवे , “त्याआ कोडलो आड तोडये जानारू नाहा” 37 फासी उनाआ जागापो एहलो लेखिलो होय त्याहा जिये छेदले त्याआपो तो नजर कोअनारू 38 आवा गोठीफासाडी अरिमतियाआ योसेफाने जो येशुउ शिष्य ओतु पण यहुद्यांआ पिकेवाही तियाअ गोठीकोता निकाडीत मेकीत ओतुपिलाताहा विनंती कोअयी का नाहाकोत तो येशूउ डीला घेऊन जात शकतो पिलातावांही त्याआ विनंती उनाई , आना तो आविलो त्याआ डील घेऊन गोल्यो 39 निकुदिमुस पोन जो पेल्ल्लु येशुआरी राती गोल्यो होयेत गंध रोह आना अगरु याआ सुमारे होव रत्तल मिश्रण घेऊन आवयू 40 तेहालाम तिये येशूउ डीला लेधलो आना यहुद्यांआ गाडीलो कोइलाआ रीतीवाही त्याहा सुगंध सामानाआरी गाडीत्वाआ पोटकाम, 41 तिया जाग्तली जीही येशुहू कृसापो चोढावीत ओते तीइही एक मोलू ओती तीयीय एक कबर ओती तीयीय खोरोज कोडाआ मेक्ल्ये नाहाआत्लू 42 त्यापोत यहुद्यांआ तीयारीई दीही होयकोत तिये येशुहू तीयाम मेक्ल्ये ; काहाके ती कबर जागे ओती.