20
हापताआ पेल्लू दीहाआ वेगीई आन्धारामेहे च मरिया आना मग्दालिया को बीई पोओ आई आना डोनाहा कोब्रीई पोओ रोत होर्कवित मेक्ल्यु ओतु 2 तेहालाम ती नाहीत गोयी आना शिमोन पेत्र आना बिहरे शिष्या त्याही ज्यापो येशू प्रीती कोईत ओतु, आवीत कोल्यो,'' ते प्रभूहु कबरे मायारोत काढीत लेत गोये होय , माहु नाहा मोलुम का त्याहा का लेत गोये होय '' 3 तेहालाम पेत्र आना बिहरु शिष्य निहित कबरे त्याही गोये 4 ते बेनु आरीज गुगदिलो ओते , परंतु बिहरु शिष्य पेत्राआ पोन आगाडी जात कबारेजागे आगाडी पोतू; 5 आना इंगुवोलीत निसे आगडे पोड्ल्ये पालील्यो , तेबी तो जागे गोल्यो नाहा 6 तेहालाम शिमोन पेत्र त्याआ फासाडी- फासाडी पोतले , आना कबरे माय गोये आना आगडे पोड्ल्ये पालील्यो ; 7 आना तो अंगडो त्याआ मुद्काहा जो बांध्यू ओतु, आगडामे आरी पोडीतरोल्यु नाहा, परंतु जुदो कोईत उनाआ जागापो गुंडालीत पोडीतरोल्यु ओतु 8 तेहालाम बिहरु शिष्य पण जो कबरीपो पेलुज पोचुज ओतु, विसमे गोल्यो आना पालीत विश्वास कोल्योओ 9 ते ताहा ओमे पर्यंत पवित्र शास्त्राआ गोठी होमज्या नाहा का त्याहा मोअल्या मायारोत जिवंत उवे लागे 10 तेहालाम ते शिष्य आपाआ कोआ निहित गोये 11 पोन मरिया रडीत कबरेए बारथेज उबी रोली, आना रडीत -रडीत कबरे त्याही इंगुवोलीत , 12 बेन स्वर्ग दूतो पांडू आगडे कालीत एकाहा मुनको जागे आना एकाहा गुडू जागे बोहितरोलो पालील्यो , जीही येशू त्याआ डील मेक्ल्ये ओते 13 तिये तीही कोल्यो,'' ओ पोरीही , तू काहा रडीत होय ?'' तीयी त्याहा कोल्यो,'' ते माआ प्रभूहु विसित लेत गोये आना माहु मोलुम नाहा का त्याहा का मेक्ल्ये होय '' 14 ओ कोत ती फासाडी फिरी आना येशुहू उबु रोतगोल्यु पल्यो, पण ओलखे नाहा का तो येशू होय 15 येशूने तीही कोल्यो,' ओ पोरीही तू काहा रड्तली? कोडाआ होदित होय ?'' तीही माळी होमजीत त्याहा कोल्यो,'' ओ महाराज, केधी तू विसित होय ताहा माहु कोअलो का त्याहा का मेक्ल्ये होय , आना आय त्याहा लेत जाय'' 16 येशूने तीही कोल्यो,'' मरिया!'' ती फासाडी वोलीत त्याहा इब्री माय गोगल्यी,'' राब्बुनी!'' अर्थात' ओ गुरुजी, 17 येशूने तीही कोल्यो,'' माहु आथे लागाडहु नाहा, काहाके आय ओमे पर्यंत आबहा जागे उसे नाहा गोल्यू, परंतु माआ पायहोंही जात त्याहा कोत आप , का आय आपाआ आबहु आना तुमाआ आबहु आना आपाआ परमेश्वर आना तुमाआ परमेश्वराही उसे जात होय '' 18 मरीयाई मगदालीयाहा जात शिष्यांआ कोल्यो'' आय प्रभूहु पालील्यो , आना तिये माहु ए गोठी कोल्यी '' 19 ज्या तेदीही जो आठवडाआ पेल्ल्लु दीही ओतु, हांजेपोरयाआ टायमोमें तिहीई बायणो जीही शिष्य 20 होय, यहुदियांहा घाबरील्यो बंद ओते , तेहालाम येशू आवयू आना त्याआ चेले माय जात उबु रोत कोल्यो,'' तुम्हामे शांती होय'' 21 आना ओ कोत तिये आपाआ आथे आना आपाआ गुडू त्याहा देखादये तेहालाम शिष्य प्रभूहु पालीत आनंदित उवे 22 येशूने फासी त्याहा कोल्यो,'' तुम्हामे शांती होय; जेहलो आबहाही माहु मोकल्ये होय , तेहलूज आय पण तुम्हामे मोकलितलु'' 23 ओ गोगीत तिये त्याआ उपो फुक्या आना त्याहा कोल्यो,'' पवित्र आत्माआ ल्या 24 पोन बारा जणहु मायारोत एक अर्थात थोमा जो दिदुम- मांल्याजातो, जेव्हा आवयू ताहा त्याआ नाहा ओतु 25 जाहा बिहरे शिष्य कोहू लागाडीत ,'' आमुहू प्रभूहु पालील्यो होय ,'' तेहालाम तिये त्याहा कोल्यो ,'' जो पर्यंत आय त्याआ आथे माय खिळ्या ची निशाणी पलणारू नाहा, आना खिळ्या च्या निशाणी उपो आंगु कालीत पालीही, आना त्याआ खुशीम आपाआ आथे पेअही नाहा, तोपोरोत आय विश्वास कोअनारू नाहा'' 26 आठ दिहे फासाड़ी त्याआ शिष्य फासी कोअमे ओते आना थोमा ज्याआ जागे ओतु; थीकाल्लो बंद ओते , तेहालाम येशू आवयू आना त्याआ माय उभे रोत कोल्यो,'' तुम्हामे शांती होय'' 27 जेव्हा त्याआ थोमाला कोल्यो,'' ताआ आंगु ईहि लेतआवीत माआ आथ पाला आना आपाआ आथे लेतआवीत माआ खुशीम काल, आना विश्वासनाहा नाहा विश्वासाम बोन ' 28 ओ उनाईत थोमाई उत्तर आपिलू,'' ओ माआ प्रभू' ओ माआ परमेश्वरा!'' 29 येशूने त्याहा कोल्यो,'' तू माहु पालीही होय , नाहाकोत याआ याकोअता विश्वास कोल्योओ होय ? धन्य ते होय जिये माहु पालीही नाहा तिये विश्वास कोल्योओ'' 30 येशूने फासी जाअखो चिन्ह शिष्या आगाडी देखादये, जे आव पुस्तका माय लेखिलो गोये नाहा; 31 पोन ओ याआ याकोअता लेखिलो गोये होय का तुमु विश्वास कोईली येशूच परमेश्वराआ पुत्र ख्रिस्त होय , आना विश्वास कोईत त्याआ नावामेहे जीवोन मिळवा.