17
यीशु उ ऐ गोठ्यु कोईत आपाआ डोआ जुगाआ वोगे पालित कोयो ऐ आबहाआ तो वेल आवित चुकिही आपाआ पर्याआ महिमा को का पोर्यु बी ताआ महिमा कोऐ 2 तू त्याहा योग्य आखे प्राणी मांत्रांवो अधिकार आप्यू होय का तो प्रत्येकाहा ज्याहा तू त्याहा आपिलू होय अनंत जीवोन आपुहू गोयो 3 अनंत जीवोन ओ होय का ते ताआ एकमात्र खोरो परमेश्वर आना येशु ख्रिस्ताहा ज्याहा तू मोक्ल्यीत होय ओलखेहे 4 जे काम तू माहु आपिलू ओते ते पुरो कोईत जगात आय ताहु गौरवी कोल्यु होय 5 त्याकोता तू पण माहु गौरवी को ओ माआ आबुहू, तोज गौरव माहु आप जो जुगाआ पालील्यो ताआरी माहु जोडयो ओतु 6 जगुमे जे माहे तू माहु आपिलू होय आय त्याहा ताआ नावोओ बोध कोल्योओ होय ते माहे तांआ ओते परंतु तू त्याहा माहु आपिलू होय आना तिये ताआ वचनाआ पालीत कोल्यु होय 7 ओमे ते ओलखीत का हरएक वस्तु जी तू माहु आप्यी होय ती वस्तु तापोरोत येत 8 आय त्याहा तोज संदेश आप्यू ओतु आना तिये ग्रहण कोल्यु होय ते खरोज पुर्वोज ओलखीत का आय ताआपोरोत आवयू होय आना त्याहा विश्वास पोयो होय का तांहुज माहु मोक्ल्यीत होय 9 आय त्याकोअता प्रार्थना कोईत होय , आय जगोकोअता प्रार्थना कोईत नाहाकोईत त्याकोअता कोअत्लू ज्याहा तू माहु आपिलू होय काहाके ते तांआ होय 10 जे आखे किबी माआ होय ते तांआ होय आना जे तांआ होय ते माआ होय आना तीआद्वारे माआ गौरव पोयो होय 11 आय ओमे आना जाखा वेल जगात नाहा परंतु ते जगात होय ओमे आय तापो आवीत होय ओ पवित्र आबहु आपाआ तियाअ नावोओ शक्तीवांही त्याआ राखिलो को जे तू माहु आपिलू होय याकोअता का जेहलो तू आना आय एक होय ते पण एक उवे 12 जाहा आय त्याआरी ओतु आय ताआ तियाअ नावोओ शक्तीवांही त्याआ राखिलो कोअयी जे तू माहु आपिलू ओते आय राखिलो कोअयी आना त्यामरोत कोडाभी नष्ट पोयो नाहा इयाव्यतिरिक्त तिया जो नाशाआ पुत्र ओतु याकोअता का शास्त्राआ वचन खोरो उवे 13 ओमे आय तापो आवीत होय परंतु याआ गोठी आय आव जगात ओयताहा कोल्यो होय याकोअता ते आपाआ मोनामेहे माआ पुरो आनंद ओवुहू शकतो 14 आय तांआ वचन त्याहा आपिलू होय परंतु संसाराने त्याआपो घृणा कोअयी होय काहाके ते संसाराआ नाहा जेहलो आय आव संसाराआ नाहा 15 आय एहलो प्रार्थना कोईत नाहा का तू त्याहा संसारामेरोत काढीत ले परंतु ओ का तू त्याआं तियाअ खराब सैतानापोरोत राखिलो को 16 ते संसाराआ नाहा तेहलूज आय याआ संसाराआ नाहा 17 खोरो के द्वारा तू त्याआ आपाआ सेवाकोअता समर्पित को तांआ वचन खोरो होय 18 जेहलो तू माहु याआ जगात मोक्ल्यीत तेहलूज आय यांहा जगात मोक्ल्यीत होय 19 आय त्याकोअता स्वतःहा ताकोअता समर्पित कोईत होय याकोअता का ते पण सत्त्याआ त्यापोरत स्वतःहा ताआ सेवाकोअता अर्पित उवे 20 पोन आय केवळ त्यांकोअता प्रार्थना कोईत नाहा ताहा त्याकोअता पण जे त्याआ संदेशावांही मापो विश्वास कोआ 21 ते आखे एक उवे ते पण आमापो एक उवे याकोअता का जगोवाही विश्वास कोईओलो का माहु तू मोक्ल्यीत होय 22 जो गौरव तू माहु आप्यू होय आय त्याहा आप्यू होय याकोअता का ते पण तेहलूज एक उवे जेहलो आपु एक होयेत 23 आय त्यांम रोही आना तू मामेह रोही , ज्याआपोरोत ते पुरो एकताला जोडयो कोअनारू आना जग ओलखीत लेही का तू माहु मोक्ल्यीत होय आना तू त्याहा तेहलूज प्रेम कोल्यु होय जेहलो तू मापो प्रेम कोल्यु होय 24 ओ माआ देवा , जे माहे तू माहु आपिलू होय माआ इच्छा होय का जीही आय होय तिंही तुमु ते पण माआरी रोअलो याकोअता का ते पण माआ गौरवाला पाल्हू सेकेहे जो तू माहु आप्यू होय काहाके ए जग बोनाळीलाआपेल तू माहु प्रेम कोल्यु होय 25 ओ धोर्मी आबुहू, जग ताहु ओळखीतल्यो नाहा परंतु आय ताहु ओलख होय आना माआ शिष्य ओलखीत का तू माहु मोक्ल्यीत होय 26 आय फक्त तांआम नावाआ बोध कोल्योओ नाहा परंतु आय याआ पण बोध कोअला पण लागाडीत रोही याकोअता का जे प्रेम जे तू मापो देखाडये होय त्यांमे पण उवे आना आय पण त्यांमे रोअलो.